Fréttablaðið - 20.07.2010, Blaðsíða 27
ÞRIÐJUDAGUR 20. júlí 2010 19
Grindavíkurvöllur, áhorf.: 837
Grindavík Stjarnan
TÖLFRÆÐIN
Skot (á mark): 14-6 (7-4)
Varin skot: Óskar 3 – Bjarni 6
Horn: 4-10
Aukaspyrnur fengnar: 10-13
Rangstöður: 7-1
STJARNAN 4–3–3
Bjarni Þ. Halldórsson 7
Bjarki P. Eysteinsson 5
Daníel Laxdal 6
Tryggvi Bjarnason 8*
(90. Birgir Birgisson -)
Jóhann Laxdal 5
Baldvin Sturluson 7
Björn Pálsson 6
Halldór O. Björnsson 5
Þorvaldur Árnason 5
Arnar M. Björgvinsson 6
(77. Víðir Þorvarðars. -)
Ellert Hreinsson 6
*Maður leiksins
GRINDAV. 4–5–1
Óskar Pétursson 7
Loic Mbang Ondo 5
Auðun Helgason 7
Orri Freyr Hjaltalín 6
Jósef K. Jósefsson 5
Matthías Friðriksson 4
Jóhann Helgason 5
Grétar Hjartarson 5
(63. Gjorgi Manevski 7)
Scott Ramsey 3
Hafþór Vilhjálmsson 5
(63. Ray A. Jónsson 5)
Gilles Mbang Ondo 6
0-1 Ellert Hreinsson (19.)
1-1 Gjorgi Manevski (88.)
1-1
Örvar Sær Gíslason (5)
sport@frettabladid.is
Staðan í Pepsi-deild karla:
Breiðablik 12 8 2 2 28-13 26
ÍBV 12 8 2 2 19-9 26
FH 12 5 4 3 21-18 19
Keflavík 12 5 4 3 12-13 19
Valur 12 4 6 2 20-18 18
Fram 12 4 5 3 18-17 17
Fylkir 11 4 3 4 23-22 15
Stjarnan 12 3 5 4 21-20 14
KR 11 3 4 4 17-18 13
Grindavík 12 2 2 8 12-22 8
Selfoss 12 2 2 8 15-26 8
Haukar 12 0 7 5 15-25 7
Pepsi-deild kvenna í kvöld:
Breiðablik - Þór/KA 19.15
Afturelding - KR 19.15
Valur - FH 19.15
Haukar - Fylkir 19.15
Grindavík - Stjarnan 19.15
PEPSI-DEILDIN
FÓTBOLTI Logi Ólafsson varð í gær
enn einn þjálfarinn sem þarf að
standa upp frá hálfkláruðu verki
í Vesturbænum þegar hann og
stjórn Knattspyrnudeildar KR
komust sér saman um að best
væri að Logi hætti sem þjálf-
ari KR-liðsins. KR situr í fjórða
neðsta sæti Pepsi-deildar karla
aðeins sex stigum frá fallsæti og
síðasti leikur Loga var 3-3 jafn-
teflisleikur við nýliða Hauka í
fyrrakvöld.
„Það býr miklu meira í þessu
liði og óánægjan snýst um það að
úrslitin hafa ekki verið okkur í
hag. Staðan er ekki góð í töflunni
og menn töldu að þetta væri nið-
urstaða sem væri best fyrir liðið.
Ég get verið svekktur að fara frá
þessu eins og staðan er núna en
ég er stolltur að öðru leyti. Mér
finnst ég hafa unnið ágætisstarf
fyrir þetta félag,“ sagði Logi.
Rúnar Kristinsson tekur við af
Loga en það var í starfssamningi
hans sem yfirmanns knattspyrnu-
mála að taka við liðinu við svona
aðstæður. „Ég ætla ekki að skor-
ast undan þeirri ábyrgð sem ég
skrifaði undir á sínum tíma. Ég tel
mig alveg vera tilbúinn að klára
þetta tímabil fyrir félagið og hef
Pétur Pétursson áfram með mér
í þessu. Við vinnum þetta saman.
Ég er búinn að vinna náið með
Loga hingað til og ég þekki þenn-
an hóp mjög vel,“ sagði Rúnar.
„Það er mun styttra niður en
upp á við í töflunni. Menn eru
samt ekkert að spá í töfluna í dag.
Við eigum ærin verkefni fram
undan. Við byrjum á þessum Evr-
ópuleik og svo verður mjög erfið-
ur leikur fyrir okkur á Selfossi
þegar við komum heim,“ segir
Rúnar en fyrsti leikur hans sem
þjálfari er á móti hinu sterka úkr-
aínska liði Karpaty Lviv.
„Við förum út á miðvikudaginn
og komum heim á föstudaginn.
Þetta verður stutt og hnitmiðuð
ferð. Við vitum að þetta er gríðar-
lega erfitt verkefni en við munum
reyna að nýta það sem jákvæðan
punkt í þessu ferli. Við ættum að
geta nýtt tímann á ferðalaginu og
á hótelinu til að spjalla saman og
fara yfir hlutina til þess að stilla
strengina í réttan tón,“ segir
Rúnar sem ætlar sér að ná miklu
meira út úr liðinu.
„Við eigum fullt af góðum
knattspyrnumönnum en hugur-
inn þarf að fylgja. Menn þurfa að
vera tilbúnir að leggja sig fram
hver einn og einasti. Það er það
sem er brýnast í stöðunni okkar
í dag að fá alla til að fórna sér
og hlaupa og berjast í 90 mínútur
fyrir KR. Það er það sem maður
þarf að ná í gegn,“ sagði Rúnar
Kristinsson um nýja starfið.
„Ég ætlaði að vera hættur
þessu þegar kallið kom frá KR
2007 því ég er búinn að reyna allt
í íslenskum fótbolta. Mér fannst
þetta mjög ögrandi verkefni sem
það var. Ég vissi að ég væri í
heitu sæti með að vera þjálfari
hjá KR,“ sagði Logi og það sýnir
líka þróun mála hjá þjálfurum
KR eins og sjá má í töflu hér til
hliðar.
„Það sem mér finnst persónu-
lega leitt fyrir annars þetta
ágæta félag er að það er nánast
alveg nákvæmlega sama hvaða
maður kemur þarna að verki sem
þjálfari. Ég held að það hafi ekki
einn einasti maður þjálfað þetta
lið á undanförnum árum sem
ekki hefur þurft að fara annað-
hvort vegna lélegs árangurs eða
einhver læti og leiðindi komið í
kjölfarið,“ segir Logi.
„Ég ber ekki kala til nokkurs
manns hvort sem er í leikmanna-
hópnum, í knattspyrnudeild KR
eða meðal samstarfsmanna
minna. Það er ekkert út á sam-
starfið að setja því það eru fyrst
og fremst úrslitin sem féllu ekki
með okkur og það er ástæðan
fyrir þessu. Mér finnst það leitt
fyrir félagið að þetta skuli ávallt
þurfa að enda með þessum hætti.
Ég held að ég eigi tiltölulega
langa starfsævi hjá KR miðað
við þá þjálfara sem hafa verið á
undan mér,“ sagði Logi að lokum
og tölfræðin sýnir það líka svart
á hvítu því enginn þjálfari hefur
stýrt KR-liðinu í fleiri deildar-
leikjum í röð en Logi.
ooj@frettabladid.is
Vissi að hann var í heitu sæti
Logi Ólafsson er fimmti þjálfari KR-inga í röð sem klárar ekki samning sinn hjá félaginu. Logi hætti sem
þjálfari KR í gær. Rúnar Kristinsson mun stýra liðinu út tímabilið og hafa Pétur Pétursson sér til aðstoðar.
GÓÐ RÁÐ Rúnar Kristinsson talar hér við Óskar Örn Hauksson í hálfleik á Evrópuleik í fyrra. Hann tekur við af Loga Ólafssyni sem
sést hér í bakgrunni. FRÉTTABLAÐIÐ/VALLI
Síðustu fimm þjálfarar KR*
(Hlutfall stiga innan sviga)
LOGI ÓLAFSSON
Stýrði liðinu í 62 leikjum (58 prósent)
Sagt upp störfum 19. júlí 2010
KR í 9. sæti með 13 stig í 11 leikjum
TEITUR ÞÓRÐARSON
Stýrði liðinu í 29 leikjum (43 prósent)
Sagt upp 29. júlí 2007
KR í 10. sæti með 7 stig í 11 leikjum
MAGNÚS GYLFASON
Stýrði liðinu í 12 leikjum (36 prósent)
Sagt upp 26. júlí 2005
KR í 6. sæti með 13 stig í 12 leikjum
WILLUM ÞÓR ÞÓRSSON
Stýrði liðinu í 54 leikjum (56 prósent)
Sagt upp í lok tímabils, átti eftir 2 ár af 5
ára samningi
KR endaði í 6. sæti
PÉTUR PÉTURSSON
Stýrði liðinu í 25 leikjum (59 prósent)
Sagði upp 26. júní 2001
KR í 8. sæti með 7 stig úr 7 leikjum
* Hér eru ekki meðtaldir þjálfarar sem hafa
tekið við á miðju tímabili en ekki haldið
áfram. Það eru þeir David Winnie (2001) og
Sigursteinn Gíslason (2005).
> Gunnar Kristjánsson á leið til FH frá KR
Kantmaðurinn knái Gunnar Kristjánsson er að ræða við
FH og býst við að ganga í raðir félagsins í vikunni. „Ég bíð
eftir símtali frá FH og er spenntur að heyra
hvað þeir hafa upp á að bjóða. Maður vill
aldrei fara frá KR en ég verð að fara. Ég
er ekki búinn að fá að spila neitt og
þjálfaraskiptin breyta engu um
ákvörðun mína. Ég ákvað
þetta fyrir nokkru. Ég er ekki
hræddur við samkeppni en
það verður að vera sanngjörn samkeppni.
Hún var það ekki hjá KR en ég hef heyrt
að hún sé það hjá FH,“ sagði Gunnar.
FÓTBOLTI Liverpool vann kapp-
hlaupið um enska landsliðsmann-
inn Joe Cole sem var samn-
ingslaus hjá Chelsea. Cole var á
óskalista Tottenham, Arsenal og
Liverpool og valdi hann síðast-
nefnda kostinn.
Cole kemur frítt til Liverpool
en laun hans eru talin vera um
90 þúsund pund. Hann er fyrsti
leikmaðurinn sem Roy Hodgson
fær til félagsins. Hann mun fylla
skarð Yossi Benayoun, sem gekk
einmitt í raðir Chelsea fyrir sex
milljónir punda í sumar. - hþh
Roy Hodgson:
Fékk Joe Cole
til Liverpool
Gylfi Einarsson segir að 90% líkur séu á því að hann spili á
Íslandi á næsta tímabili. Hinn 31 árs gamli Gylfi er að verða
samningslaus hjá Brann í Noregi og ætlar að fara frá félaginu.
Það var þó sól og blíða í Bergen þegar Fréttablaðið ræddi
við Gylfa í gær en hann hefur rætt óformlega við Fylki um að
ganga aftur í raðir félagsins.
„Þeir voru að athuga hvort það væri möguleiki á því
að ég kæmist heim núna. Það verður ekki.“
Gylfi segir að eftir tíu ár í atvinnumennsku sé
kannski réttast að fara heim. Hann fór frá Fylki árið
2000 til Lilleström í Noregi, þaðan til Leeds á Eng-
landi og þá aftur til Noregs, nú til Brann.
„Ég var ekkert alltaf spenntur fyrir því að koma heim
en er að verða heitur núna. Það er fínt að spila aðeins
heima áður en maður hættir þessu,“ segir Gylfi sem segir
ekki öruggt að hann fari til Fylkis.
„Ég verð alltaf Fylkismaður og Fylkir er mitt félag.
En ég útiloka ekkert og það gæti þess vegna verið gaman að prófa
eitthvað annað,“ sagði Gylfi sem má semja við félag núna þar sem
samningur hans er að renna út.
„Ég er ekkert að drífa mig að þessu,“ segir Gylfi sem segir að ef
ekki væri fyrir stóra fjölskyldu væri hann kannski heitur fyrir því að
ljúka ferlinum á framandi slóðum.
„Ef ég væri einn myndi ég kannski fara til Ástralíu eða
eitthvað. En ég er með fjögur börn svo það er ekki að fara að
gerast. Ef eitthvað virkilega spennandi býðst loka ég ekki á að
prófa eitthvað annað land áður en ég kem heim,“ sagði Gylfi.
Hann segir einnig að það sé erfitt að slíta sig alveg frá fót-
boltanum en framtíð sín liggi ekki í þjálfun, umboðsmennska
sé meira að hans skapi.
„Ég fer ekki að þjálfa. Kannski fer ég og læri umboðsmann-
inn, maður er kominn með ágætis tengslanet,“ segir Gylfi sem fær
reglulega spurningar frá kollegum sínum hvernig í ósköpunum
Íslendingar fari að því að framleiða góða leikmenn í bílförmum.
GYLFI EINARSSON: KLÁRAR SAMNINGINN SINN VIÐ BRANN EN ER SÍÐAN Á LEIÐINNI HEIM TIL ÍSLANDS
Ísland með fjölskylduna − Ástralía væri ég einn
MÆTTUR Hodgson og Cole takast í
hendur í Austurríki þar sem liðið er í
æfingaferð. HEIMASÍÐA LIVERPOOL
FÓTBOLTI „Við áttum að vera búnir að klára
þennan leik,“ sagði Bjarni Jóhannsson, þjálf-
ari Stjörnunnar, eftir að liðið gerði jafntefli í
Grindavík í gær, 1-1. Það eru orð að sönnu hjá
Bjarna en Stjörnumenn fóru illa með ansi marg-
ar vænlegar sóknir áður en Grindvíkingar jöfn-
uðu metin.
„Það var sárt að sjá eftir þessum tveimur
stigum sem við töpuðum í lokin. Liðið
var nokkuð þétt og fínn stíll á því.
Það hefur vantað dug og bar-
áttu í okkur að undanförnu en
heildarsvipurinn á liðinu var
allt annar núna. Vonandi
náum við að halda því
áfram,“ sagði Bjarni.
Grindvíkingum hefur
gengið brösuglega í
sumar og lentu undir í fyrri hálfleiknum.
Þeir áttu fjölmargar vitavonlausar skot-
tilraunir í leiknum og virtust ekkert sérlega lík-
legir til að ná inn marki. En þá kom til bjarg-
ar Makedóníumaðurinn Gjorgi Manevski.
Hann er nýgenginn í raðir Grindvíkinga og
tryggði þeim stig eftir að hafa komið
inn sem varamaður.
„Við vitum ekkert hvernig þessi
leikmaður er. Hann náði ekkert að
æfa með okkur fyrir leikinn enda
kom hann seint í gærkvöldi
(fyrrakvöld). En hann
skoraði og það er frá-
bært. Við þurfum
bara að sjá hvað
hann heitir og
hvað hann getur,“
sagði Auðun
Helgason, varnar-
maður Grindvíkinga.
Auðun var ánægður með
stigið. „Ég er mjög sáttur. Við lendum undir
eins og alltaf en samt voru mikil batamerki á
liðinu. Við fengum færi og vorum að spila
ágætlega. Við héldum áfram allt til loka.
Það var trú og sjálfstraust í liðinu. Það
er samt eins og við þurfum 5-6 færi til
að skora.“
Ólafur Örn Bjarnason er enn í Noregi
en verður kominn fyrir næsta leik
sem er grannaslagur gegn Kefla-
vík. „Við erum í hrikalega erfiðum
málum en nú sýndu menn karakter.
Keflvíkingar eru mjög misjafnir
og stundum er eins og þeir séu ekki
að nenna þessu. En við skulum sjá
hvað gerist,“ sagði Auðun. Með stig-
inu komst Grindavík upp úr fallsæti
þar sem liðið hefur betri markatölu
en Selfoss.
- egm
Nýr erlendur leikmaður hjá Grindavík skoraði eftir að hafa komið inn á sem varamaður gegn Stjörnunni í gær:
Nýlentur nýliði bjargaði stigi í Grindavík