Fréttablaðið - 03.08.2010, Blaðsíða 6
6 3. ágúst 2010 ÞRIÐJUDAGUR
Góður ávöxtunarkostur – einnig í áskrift
@Hafðu samband við
ráðgjafa okkar í
síma 460 4700 eða
kynntu þér málið
á www.iv.is
Rólegt á Blönduósi
Tveir ökumenn voru teknir grunaðir
um akstur undir áhrifum fíkniefna í
umdæmi lögreglunnar á Blönduósi
um helgina. Umferð gekk að öðru
leyti vel en fram á mánudag höfðu
fimmtíu verið teknir fyrir of hraðan
akstur.
Fíkniefni í flugi
Eitt fíkniefnamál kom upp í hefð-
bundnu eftirliti á flugvellinum á
Sauðárkróki á föstudag. Eigandi efn-
anna viðurkenndi að þau væru ætluð
til eigin nota og hald var lagt á þau.
ÍSRAEL Geoffrey Palmer, fyrr-
verandi forsætisráðherra Nýja-
Sjálands, og
fráfarandi for-
seti Kólumbíu,
Alvaro Uribe,
munu leiða
rannsóknar-
nefnd Samein-
uðu þjóðanna
um árás Ísraels-
hers á skipalest
á leið til Gasa í
maí. Ingibjörg
Sólrún Gísla-
dóttir hafði komið til greina í
starfið.
Hinir tveir nefndarmennirn-
ir verða frá Tyrklandi og Ísrael.
Benjamin Netanyahu, forsætisráð-
herra Ísraels, segir Ísraela munu
vinna með nefndinni og hafi ekk-
ert að fela. Áður höfðu yfirvöld
neitað að taka þátt í rannsókninni
og hafið eigin rannsókn á málinu.
- þeb
Ísraelar lofa samvinnu:
Nefnd um árás
Ísraela skipuð
Bílvelta á Búrfellsvegi
Bílvelta varð á Búrfellsvegi upp úr
hádegi á laugardag. Þrennt var í
bílnum, útlendingar, sem sluppu
ómeiddir. Bíllinn er hins vegar mikið
skemmdur.
LÖGREGLUMÁL
INGIBJÖRG
SÓLRÚN
GÍSLADÓTTIR
AFGANISTAN, AP 63 bandarískir
hermenn létust í Afganistan
í júlí. Mánuðurinn var því sá
mannskæðasti frá því að stríðið
í Afganistan hófst fyrir næstum
níu árum.
Júnímánuður hafði einnig sett
met sem mannskæðasti mánuður
stríðsins, bæði fyrir Bandaríkin
og Nató-hersveitirnar í heild. 104
létust þá, þar af 60 Bandaríkja-
menn. Jafnmargir höfðu látist
allt fram í lok júlí, þegar tvær
sprengjuárásir urðu þremur her-
mönnum að bana. - þeb
Aldrei fleiri hermenn látist:
Mannskæðasti
mánuðurinn
PAKISTAN, AP Minnst 1200 manns
hafa látist undanfarna daga í
verstu flóðum í sögu Pakistans.
Um tvær milljónir manna hafa
þurft að yfirgefa heimili sín.
Nokkur hundruð manns tóku þátt í
mótmælum gegn ríkisstjórninni á
götum úti í Peshawar í gær. Fólk-
ið er óánægt með aðgerðir stjórn-
valda í kjölfar flóðanna, og segja
þau ekki hafa brugðist nógu vel og
hratt við.
Ríkisstjórn landsins segir mörg
þúsund björgunarmenn vera á
vettvangi og þeir hafi þegar bjarg-
að um 28 þúsund manns og dreift
nauðsynjum til fólks. Þá hafi her-
inn sent 30 þúsund hermenn og
margar þyrlur á flóðasvæðin.
Björgunarmenn reyna nú að ná
til 27 þúsund manns sem eru inn-
lyksa á heimilum sínum vegna
flóðanna. Yfirvöld óttast að þegar
náð verður til þessara svæða muni
tala látinna hækka verulega og
mun meiri eyðilegging koma í ljós.
Rauði krossinn segir að á þeim
svæðum sem hafa orðið verst úti
séu heilu þorpin hrunin.
Óttast er að farsóttir muni breið-
ast hratt út á flóðasvæðunum.
Heimildir herma að í bráðabirgða-
búðum sem settar hafa verið upp
hafi niðurgangur og kólera þegar
gert vart við sig. Reynt er nú að
koma í veg fyrir slíka útbreiðslu,
því farsóttir af þessu tagi gætu
valdið þúsundum dauðsfalla til
viðbótar. Lykilatriði er að tryggja
aðgang að hreinu vatni, en vatns-
ból hafa mengast í flóðunum. Til
dæmis eru allir brunnar á verstu
svæðunum fullir af mold, að sögn
yfirmanna hjálparsamtaka. Fjöldi
lækna hefur verið sendur í norð-
vesturhluta landsins til að takast
á við farsóttaróttann.
Flóðin koma á erfiðum tímum í
Pakistan. Ríkisstjórn landsins var
fyrir í veikri stöðu vegna efna-
hagsvandræða og stríðsins gegn
talíbönum sem hefur orðið þús-
undum að bana undanfarin ár. Þá
er aðeins vika síðan 152 létust í
mannskæðasta flugslysi sem orðið
hefur í landinu.
Ban Ki-moon, framkvæmda-
stjóri Sameinuðu þjóðanna, til-
kynnti í gær um aukaframlag
SÞ til hjálparstarfs í landinu, tíu
milljónir dollara. Þá hafa Banda-
ríkin lofað sömu upphæð og Bret-
ar ætla að verja tíu milljónum
punda í hjálpar- og uppbygging-
arstarfið.
Enn meiri rigningu er spáð í
Pakistan á næstu dögum.
thorunn@frettabladid.is
Óttast kólerufaraldur í
kjölfar flóða í Pakistan
1200 manns hafa farist í verstu flóðum sem orðið hafa í Pakistan. Milljónir manna misstu heimili sín og
óttast er að farsóttir muni breiðast út meðal heimilislausra. Þá gætu þúsundir til viðbótar látist.
NOWSHERA-HÉRAÐ Auk þess sem mikill fjöldi fólks hefur misst heimili sín hafa milljónir þurft að flýja þau. Fjöldi fólks gekk með
eigur sínar í flóðvatninu og í bráðabirgðabúðir í Mohib Bhanda um helgina. NORDICPHOTOS/AFP
LONDON Rannsókn á sautján
krabbameinssjúklingum í Lond-
on leiddi í ljós að herpesvírusinn
vinnur á krabbameini, að því er
fram kemur á fréttavef BBC.
Æxli var fjarlægt úr öllum
sjúklingunum og þeir settir í
lyfjameðferð ásamt því að vera
sýktir með herpesvírus. Í ljós kom
að um 93 prósent sjúklinganna
sýndu engin merki um krabba-
mein í blóðrannsóknum sem gerð-
ar voru eftir meðferðina.
Rúmum tveimur árum síðar
voru 82 prósent þeirra enn við
fulla heilsu.
Vírusinn, ásamt lyfjameðferð,
ræðst á krabbameinsfrumurnar
og eyðir þeim innanfrá. Með því
eflir hann einnig ónæmiskerfi
sjúklinganna töluvert. Vírusnum
hefur verið erfðafræðilega breytt
þannig að hann étur upp krabba-
meinsfrumurnar en hefur engin
áhrif á heilbrigðar frumur.
Yfirmaður rannsóknarinnar,
Dr. Kevin Harrington, segir að
meðferðirnar skila tilætluðum
árangri ef krabbameinið uppgötv-
ast snemma. Í undirbúningi eru
fleiri rannsóknir á þessu sviði og
mun þær hefjast seinnipart þessa
árs.
- sv
Bresk rannsókn sýnir að herpessýking eykur líkur á bata krabbameinssjúklinga:
Eyðir krabbameinsfrumum
HERPES VÍRUS Erfðabreyttur herpesvírus
hjálpar til við baráttu gegn krabbameini
í 93 prósent tilvika. MYND/GETTY
Telur þú aðgang að hreinu
vatni teljast til mannréttinda?
Já 92,0%
Nei 8,0%
SPURNING DAGSINS Í DAG:
Hefur þú farið á útihátíð?
Segðu þína skoðun á vísir.is.
KJÖRKASSINN