Fréttablaðið - 03.08.2010, Blaðsíða 42
26 3. ágúst 2010 ÞRIÐJUDAGUR
sport@frettabladid.is
BURSTAR í vél-
sópa á lager
Vesturhrauni 3 · 210 Garðabæ.
Sími 480-0000 · www.aflvelar.is
- flestar
stærðir
FÓTBOLTI Kristinn Jónsson, vinstri
bakvörður Breiðabliks, er búinn
að gefa sex stoðsendingar á félaga
sína í sumar eða fleiri en allir aðrir
leikmenn í Pepsi-deild karla. Krist-
inn hefur gefið einni stoðsendingu
fleiri en þeir Tryggvi Guðmunds-
son úr ÍBV og Arnar Sveinn Geirs-
son úr Val.
Kristinn hefur lagt upp mörk
fyrir þá Alfreð Finnbogason (2
mörk), Olgeir Sigurgeirsson,
Kristin Steindórsson og Guðmund
Kristjánsson auk þess sem hann
átti einnig þátt í glæsilegu sjálfs-
marki þegar Haukamaður skallaði
fyrirgjöf hans í eigið mark.
Kristinn er ekki eini bakvörð-
urinn meðal efstu manna því FH-
ingurinn Guðmundur Sævarsson,
Framarinn Sam Tillen, Fylkismað-
urinn Andrés Már Jóhannesson og
Stjörnumaðurinn Baldvin Sturlu-
son eru allir meðal efstu manna
þó að tveir þeir síðastnefndu hafi
einnig spilað aðrar stöður á vell-
inum.
Ólafur Kristjánsson, þjálfari
Breiðabliks, segir það ekki koma
sér á óvart að Kristinn hafi gefið
margar stoðsendingar en það
kemur pínulítið á óvart að hann sé
efstur í deildinni.
„Hann er góður sendingamaður
og búinn að vera rosalega öflugur
í sumar. Hann er kannski strákur
sem hefur ekki fengið þá athygli
sem hann er búinn að vinna sér
inn,“ segir Ólafur.
Mikilvægi Kristins sést líka
kannski á útkomunni úr síðasta
leik þegar hann gat ekki verið með
vegna meiðsla og Breiðabliksliðið
steinlá 1-3 á móti Fram á Laugar-
dalsvellinum.
„Það var smá stirðleiki í kálf-
anum hjá honum og við hvíldum
hann. Það er búið að vera mikið
álag á honum og hann er búinn að
spila meira eða minna allar mínút-
ur í allt sumar,“ segir Ólafur sem
vill þó ekki tengja þarna á milli.
„Hann er mikilvægur. Hann er
búinn að bæta varnarleikinn hjá
sér gríðarlega án þess að það bitni
á spyrnugetu hans því hann er
með góðar sendingar. Það er ljúft
að heyra það að hann sé efstur,“
sagði Ólafur að lokum. - óój
Flestar stoðsendingar
í Pepsi-deild karla:
Kristinn Jónsson, Breiðabliki 6
Arnar Sveinn Geirsson, Val 5
Tryggvi Guðmundsson, ÍBV 5
Sam Tillen, Fram 4
Steinþór Freyr Þorsteinsson., Stjörn. 4
Guðmundur Sævarsson, FH 4
Alfreð Finnbogason, Breiðabliki 4
Andrés Már Jóhannesson, Fylki 4
Baldvin Sturluson, Stjörnunni 4
Arnar Gunnlaugsson, Haukum 4
Kristinn Jónsson er efstur í stoðsendingum eftir þrettán fyrstu umferðirnar í Pepsi-deild karla í fótbolta:
Bakvörður Blika með flestar stoðsendingar
KRISTINN JÓNSSON Hefur spilað vel
með Blikum í sumar. FRÉTTABLAÐIÐ/SSSS
GOLF Hið stórskemmtilega góð-
gerða golfmót Einvígið á Nesinu
fór fram í fjórtánda sinn hjá Nes-
klúbbnum í gær og tókst vel að
vanda. Fjölmargir voru mættir
til að horfa á og kylfingarnir sem
voru svo heppnir að vera boðið á
mótið sýndu flott tilþrif á Nesvell-
inum.
Það fer ekkert á milli mála hver
er heitasti kylfingur landsins þess-
ar dagana því Birgir Leifur Haf-
þórsson er hreinlega ósigrandi
síðan að hann sneri til baka eftir
erfið bakmeiðsli sem héldu honum
frá keppni á síðasta tímabili.
„Þetta rúllar þægilega fyrir
mann þessa daganna og sjálfs-
traustið er ágætt. Ég get samt
alveg bætt mig en andlega hlið-
in er fín og líkaminn er góður. Ég
get ekki verið annað en rosalega
ánægður með það sem hefur verið
að gerast,” segir Birgir Leifur, sem
varð klúbbmeistari GKG 10. júlí og
Íslandsmeistari í fjórða sinn á ferl-
inum um síðustu helgi. Nú landaði
hann hins vegar skemmtilegum
titli í fyrsta sinn.
„Þetta er í fyrsta skiptið sem
ég vinn þennan titil þannig að ég
er rosalega stoltur af því það var
fullt af frábærum spilurum að
taka þátt. Ég hafði komist lengst
á sjöundu holu fyrir þetta. Þetta
var því óvænt,” sagði Birgir Leif-
ur sem sló varla lélegt högg á loka-
kaflanum eftir að hafa lent þrisvar
sinnum í bráðabana í byrjun.
„Það er allt öðruvísi ryþmi í
spilinu. Þú ert aldrei að spila á
sama hraða og vanalega enda eru
tíu manns á fyrsta teig. Það líður
alveg heil öld þangað til að þú færð
að gera,“ sagði Birgir Leifur.
„Ég lít á þetta aðallega sem
skemmtun og tækifæri til að prófa
driver-inn hér og þar. Þetta er ein-
mitt þannig völlur að maður getur
verið að leika sér aðeins. Annað-
hvort heppnast það eða heppnast
ekki,“ sagði Birgir Leifur.
Hlynur Geir Hjartarson úr GK
vakti mikla lukku á mótinu enda
sannkallaður skemmtikraftur með
kylfuna og með húmorinn á rétt-
um stað.
„Þetta er frábært mót enda eru
svona góðgerðamót alltaf skemmti-
leg. Það voru allir að gera góða
hluti, völlurinn var frábær og það
var fullt af áhorfendum sem gerði
þetta mjög skemmtilegt,“ sagði
Hlynur Geir og hann var líka með
skýringu á tapinu á tæru.
„Ég er sáttur með 2. sætið. Við
verðum líka að byggja Bigga upp
fyrir atvinnumennskuna þannig að
við leyfðum honum að vinna núna,“
sagði Hlynur Geir hlæjandi. Það
var ljóst á öllu að hann á heima á
móti sem þessu.
„Ég hef aldrei keppt áður á þessu
móti en það hefur alveg komið til
greina að vera með. Málið er bara
að afmæli dóttur minnar er alltaf
haldið á mánudegi eftir verslunar-
mannahelgi og ég hef því ekki kom-
ist. Nú var ég heppinn því afmæl-
ið verður haldið næsta mánudag.
Ef þeir bjóða mér að koma aftur
þá er það ekki spurning að ég mun
koma,“ sagði Hlynur Geir.
Sigurpáll Geir Sveinsson var
líklegur til afreka á mótinu þar
til hann klikkaði illa í teighögg-
inu á 17. holunni. Hann varð því að
sætta sig við þriðja sætið eftir að
hafa unnið höggleikinn um morg-
uninn. Ragnhildur Sigurðardóttir
og Tinna Jóhannsdóttir stóðu sig
báðar vel og voru í 5. og 6. sæti
og þá vakti hinn ungi Bjarki Pét-
ursson úr GB, Íslandsmeistari
drengja 15-16 ára, athygli fyrir
flotta frammistöðu í bæði högg-
leiknum (3. sæti) og einvíginu þar
sem hann endaði í 7. sæti.
Mótið var nú haldið til styrkt-
ar Styrktarfélagi lamaðra og fatl-
aðra sem fékk eina milljón króna
frá DHL fyrirtækinu, aðalstyrkt-
araðila mótsins. eins og í öll skipt-
in síðan það var haldið í fyrsta
sinn 1997. Mótinu verða gerð góð
skil á Stöð 2 eftir viku.
ooj@frettabladid.is
Verðum að byggja Bigga upp
Birgir Leifur Hafþórsson er í svaka stuði þessa dagana og vann í gær þriðja mótið á innan við mánuði.
Fyrst varð hann klúbbmeistari GKG, svo Íslandsmeistari í Kiðjaberginu um síðustu helgi og í gær vann
hann góðgerðamótið Einvígið á Nesinu eftir sigur á Hlyni Geir Hjartarsyni í úrslitunum.
SIGURINN Í HÖFN Hlynur Geir Hjartarson óskar Birgi Leifi til hamningju með sigurinn í gær. FRÉTTABLAÐIÐ/ARNÞÓR
Þannig þróaðist einvígið
1. hola: Örvar Samúelsson úr GA féll út
2. hola: Nökkvi Gunnarsson úr NK
3. hola: Björgvin Sigurbergsson úr GK
4. hola: Bjarki Pétursson úr GB
5. hola: Tinna Jóhannsdóttir úr GK
6. hola: Ragnhildur Sigurðardóttir úr GR
7. hola: Örn Ævar Hjartarson úr GS
8. hola: Sigurpáll Geir Sveinsson úr GK
9. hola: Hlynur Geir Hjartarson úr GK
Sigurvegari: Birgir Leifur Hafþórsson úr GKG
KÖRFUBOLTI „Eigum við ekki að
segja að Fannar hafi búið þetta
til á staðnum því honum leiðist
nú ekki að komast í blöðin,“ sagði
Böðvar Guðjónsson, formaður
körfuknattleiksdeildar KR, í létt-
um tón er hann var inntur eftir
því hvort honum hafi tekist að
efna loforðið við Fannar Ólafs-
son, fyrirliða liðsins, um að finna
nýjan þjálfara fyrir helgi.
„Við Palli (Páll Kolbeinsson)
erum að vinna í þessu og við hitt-
umst á morgun. Við klárum þetta
í vikunni,“ sagði Böðvar.
„Ég get sagt sem minnst um
stöðu mála. Sigurður Hjörleifs-
son umboðsmaður sendi okkur
erlendan þjálfara sem við erum
að skoða með hinum. Það eru
nokkrir möguleikar fyrir okkur í
stöðunni,” sagði Böðvar.
„Ég geri mér alveg grein fyrir
því að þetta er með seinni skip-
unum. Ástæðan fyrir þessu er
að Victor Finora dró okkur á
svari mjög lengi. Það breytti
öllu dæminu. Við erum líka með
hæfa menn í KR sem geta séð um
þessa stráka í vikunni því undir-
búningstímabilið er formlega að
byrja,“ sagði Böðvar. Hann gaf
ekki mikið upp um stöðu mála en
staðfesti það þó að engar gamlar
KR-goðsagnir væru inni í mynd-
inni sem næsti þjálfari KR-liðs-
ins. - óój
Þjálfaramál KR-liðsins:
Ætla að klára
þetta í vikunni
ENN ÁN ÞJÁLFARA Pavel Ermolinskij og
félagar í KR-liðinu. FRÉTTABLAÐIÐ/XXXXX
> Verða núna að vinna Frakka og Dani
Íslenska 20 ára landsliðsins bíður erfitt verkefni í
milliriðlinum á Evrópumóti 20 ára landsliða í hand-
bolta sem nú stendur yfir í Slóvakíu. Eins marks tap á
móti Portúgal (35-36) í lokaleik riðlakeppninnar þýðir
að íslensku strákarnir verða að vinna bæði Frakka og
Dani til þess að komast í undanúrslitin. Íslenska liðið
fer stigalaust inn í milliriðlinn eins og Frakkar en fyrir
mótið var íslenska liðið talið eitt af þeim sigurstrang-
legu. Ísland mætir fyrst Frökkum klukkan
16.00 í dag að íslenskum tíma en
spilar síðan við Dani klukkan 12.00 á
morgun.
Leikur Lilleström og Kongsvinger í norska boltanum um helgina
var heldur betur ævintýralegur fyrir Björn Bergmann Sigurðarson.
Leikurinn endaði með jafntefli 2-2 en Björn skoraði fyrra mark
Lilleström í leiknum og fékk svo að bregða sér í markið í blálokin.
„Við eigum að vinna þetta lið. Við erum búnir að vera upp og
niður en gengið erfiðlega að vinna leiki að undanförnu. Við
erum mikið að lenda undir í leikjunum og gera okkur erfitt
fyrir. Sem betur fer náðum við allavega stigi í þessum leik
eftir að hafa lent 2-0 undir,“ sagði Björn.
Björn minnkaði muninn í 2-1 með laglegu skoti fyrir
utan teig og jöfnunarmarkið kom svo sjö mínút-
um fyrir leikslok. Í uppbótartíma munaði litlu að
Kongsvinger næði að stela sigrinum eftir misskilning
varnarmanns og Stefáns Loga Magnússonar markvarðar.
Stefán var kominn út fyrir teig og kom í veg fyrir mark
með því að brjóta af sér. Hann fékk að launum rautt
spjald. Björn setti þá á sig hanskana á lokasekúndunum
þar sem Lilleström var búið með skiptingar sínar. Hann slapp við að
fá á sig skot áður en dómarinn flautaði af.
„Það var hárrétt ákvörðun hjá Stefáni að brjóta af sér. Fyrirlið-
inn okkar ætlaði að fara í markið en ég bauð mig þá fram og
spurði hvort það væri ekki betra að ég tæki þetta að mér. Ég
leik mér oft í marki eftir æfingar og svona,“ sagði Björn en
getur hann eitthvað í marki? „Ég get ekki sagt það.“
Lilleström er í algjöru miðjumoði og hefur um lítið að
keppa. „Við duttum úr bikarnum gegn einhverju skítaliði.
Nú þurfum við bara að fara að vinna einhverja leiki,
ansi langt síðan við höfum gert það,“ sagði Björn
sem er sáttur við sína persónulegu frammistöðu á
tímabilinu.
„Já, já. Það kom þarna kafli þar sem ég náði ekkert
að skora en þrátt fyrir það var ég alls ekkert að spila
illa. Það hefur gengið nokkuð vel hjá mér.“
BJÖRN BERGMANN SIGURÐARSON: SKORAÐI OG FÓR Í MARKIÐ FYRIR STEFÁN LOGA UM HELGINA
Leik mér oft í marki eftir æfingar