Fréttablaðið - 10.08.2010, Blaðsíða 2

2 10. ágúst 2010 ÞRIÐJUDAGUR
„Sveinn, er verið að blása
málið upp?“
„Nei, þetta er vissulega þörf
umræða enda misjafn sauður í
mörgu fé.“
Sveinn Runólfsson er landgræðslustjóri. Í
samtali við Fréttablaðið í gær sagði hann
að lausagangur sauðfjár hefði dregist
mikið saman. Yfirvöld hafa verið gagn-
rýnd fyrir að taka ekki á lausaganginum
sem hefur verið nefnd sem ein ástæðan
fyrir uppblæstri á landinu.
FÓLK Hinn tvítugi björgunarsveit-
armaður, Ásmundur Þór Krist-
mundsson, sem óð út í Krossá
á sunnudag og bjargaði tveim-
ur frönskum ferðamönnum sem
þar sátu fastir, hefur áður komið
manni til bjargar. Að sögn ömmu
hans má hann ekkert aumt sjá og
finnst sjálfsagt að hjálpa fólki í
neyð.
„Ég er mjög stolt af honum og
það er sko alls ekki í fyrsta skipti,“
segir Kolbrún Skarphéðinsdóttir,
amma Ásmundar. „Hann er bara
svona, finnst það vera sjálfsagt að
koma fólki til hjálpar. Hann er í
björgunarsveitinni og hefur notið
sín vel þar og finnst þetta bara
vera skylda sín,“ segir Kolbrún.
Ásmundur hefur verið frá vinnu
undanfarnar vikur þar sem hann
er brákaður á vinstri öxl. Að sögn
Kolbrúnar hefur hann varla getað
lyft upp handleggnum en hann lét
það ekki stoppa sig þegar hann óð
út í ána í gær.
„Ég er allur að koma til eftir
þetta og það er ánægjulegt að
gríðarlega mikið af fólki er búið
að hafa samband,“ sagði Ásmund-
ur við Fréttablaðið í gær.
Spurður hvort hann hefði ekki
betur hlíft öxlinni á sunnudag
sagði Ásmundur: „Ég gat ekki látið
það stöðva mig, maður getur ekki
grenjað yfir einhverju svona.“
Ásmundur er að vinna sem örygg-
isvörður í 10-11 í Austurstræti og
lenti um miðjan síðasta mánuð í
átökum við viðskiptavin sem end-
aði með brákaðri öxl. Þetta er
ekki það eina sem komið hefur
fyrir Ásmund í starfi sínu því í
vor lífg aði hann mann við á bens-
ínstöð í Kópavogi.
„Fyrir einhverjum mánuðum
var ég á vakt á Select við Smára-
lindina og starfsmaður þar kemur
til mín og segir mér að það sé
maður liggjandi á klósettinu. Ég
fer þá að manninum þar sem hann
liggur á gólfinu og finn að hann
hefur engan púls. Ég byrja því
bara að hnoða hann og tókst að
vekja hann aftur,“ segir Ásmund-
ur og bætir því við að þetta sé það
eina sem hann hafi lent í einn í
störfum sínum.
Ásmundur hefur áhuga á því að
verða slökkviliðsmaður og hefur
lokið sjúkraflutninganámi. Les-
blinda hefur hins vegar háð honum
að sögn Kolbrúnar sem segir hann
aldrei hafa fengið nauðsynlegan
stuðning á skólagöngu sinni.
„Þessi strákur er virkileg hetja.
Hann er ofboðslega hægur og ljúf-
ur og góður í sér. Hann vill öllum
hjálpa og má ekkert aumt sjá.
Svo er hann duglegur að kíkja í
kaffi til ömmu sinnar því annars
skammar afi hann,“ segir Kolbrún
að lokum um Ásmund.
magnusl@frettabladid.is
SPURNING DAGSINS
Mikið úrval af frábærum tilboðum - líttu við
Krossárhetjan lífgaði
mann við á bensínstöð
Ásmundur Þór Kristmundsson, sem lagði líf sitt í hættu þegar hann óð út í
Krossá og bjargaði tveimur ferðamönnum í sjálfheldu, hefur áður komið manni
til bjargar. Hann er brákaður á öxl en lét það ekki stoppa sig á sunnudaginn.
Ég er allur að koma
til eftir þetta og það
er ánægjulegt að gríðarlega
mikið af fólki er búið að hafa
samband.
ÁSMUNDUR ÞÓR KRISTMUNDSSON
BJÖRGUNARSVEITARMAÐUR
HEILSA Sex íþróttamenn héldu utan
í gær til að taka þátt í Ólympíu-
leikum ungmenna sem haldnir eru
í fyrsta skipti í Singapúr og hefj-
ast um helgina.
„Þetta eru
nýir leikar þar
sem verið er að
höfða til ald-
ursflokksins
fjórtán til átján
ára,“ útskýrir
Andri Stefáns-
son aðalfarar-
stjóri, sem segir
leikana ekki
eingöngu snúast um íþróttir held-
ur eflingu vinskapar milli þjóða
og fræðslu ungmenna. Ákveðið
var að efna til Ólympíuleikanna
fyrir um tveimur árum. „Þessir
leikar eru greinilega hugsaðir sem
alvöru leikar og mikið lagt upp úr
því að þeir takist vel.“ - mmf / sjá Allt
Ólympíuleikar ungmenna:
Sex Íslendingar
fóru utan í gær
ANDRI
STEFÁNSSON
LÖGREGLA Kona sem björgunar-
sveitir leituðu að við Hrafnagil
fannst heil á húfi síðdegis í gær.
Lögreglan á Akureyri kallaði til
aðstoð um miðjan dag, en þá hafði
ekkert spurst til konu á fimmtugs-
aldri sem farið hafði í göngutúr
snemma morguns. Hjálparsveitin
Dalbjörg og Súlur björgunarsveit
hófu leit, en klukkan hálffimm
fannst konan í fjalllendi ofan
Hrafnagils. Þá voru yfir 30 björg-
unarsveitarmenn við leit.
„Konan fann til slappleika og
svima og hafði sofnað, henni var
fylgt niður og þar hlúðu björgun-
arsveitarmenn að henni,“ segir í
tilkynningu Dalbjargar. - óká
Konu leitað við Hrafnagil:
Lagðist og svaf
eftir svimakast
Í ÖMMUGARÐI Særós Sigþórsdóttir, unnusta Ásmundar, Ásmundur Þór Kristmunds-
son björgunarsveitarmaður og Kolbrún Skarphéðinsdóttir, amma Ásmundar, gáfu sér
í gær tíma til að stilla sér upp á mynd. FRÉTTABLAÐIÐ/ANTON
ALÞINGI Óli Björn Kárason, þing-
maður Sjálfstæðisflokks, hefur
kallað eftir fundi í menntamála-
nefnd Alþingis. Þar vill hann að
farið verði yfir áætlaðan nið-
urskurð til
háskóla og áhrif
lægri framlaga
ríkisins. Hann
kallar einnig
eftir umræðu
um hvort og þá
hvernig háskól-
ar geti aukið
samvinnu sín á
milli.
„Ég lagði sér-
staka áherslu á nauðsyn þess að
allir forráðamenn háskóla verði
á þessum fundi, sem verði eins
konar vinnufundur, sem þýðir að
fundurinn verður að vera utan
boðaðs fundartíma menntamála-
nefndar,“ segir Óli Björn. - óká
ÓLI BJÖRN
KÁRASON
Vill fund í menntamálanefnd:
Aukið samstarf
skóla verði rætt
EFNAHAGSMÁL Flækist Icesave-
málið ekki fyrir þriðju endurskoð-
un efnahagsáætlunar Alþjóðagjald-
eyrissjóðsins (AGS) og íslenskra
stjórnvalda er hugsanlegt að stíga
einhver skref í afnámi gjaldeyris-
hafta. Þetta er mat Más Guðmunds-
sonar seðlabankastjóra.
„Þetta er háð því að þriðja end-
urskoðunin fari fram og að við
fáum þann aðgang að erlendu láns-
fé sem hún mun hafa í för með sér.
Ef Icesave-málið flækist ekki fyrir
þriðju endurskoðuninni, þá er alveg
hugsanlegt að stíga einhver skref í
afnámi gjaldeyrishafta án þess að
málið hafi áður verið leyst,“ segir
Már og bendir á að önnur staða hafi
verið uppi í efnahagsmálum fyrir
aðra endurskoðun áætlunar AGS
og stjórnvalda.
Í kjölfar samþykkis annarrar
endurskoðunar áætlunarinnar í
apríl opnaðist stjórnvöldum aðgang-
ur að rúmum hundrað milljörðum
króna frá AGS, Norðurlöndunum og
Póllandi. Í kjölfarið voru erlendar
skuldir ríkissjóðs keyptar til baka.
Áformað er að leggja þriðju end-
urskoðun efnahagsáætlunarinn-
ar fyrir framkvæmdastjórn AGS í
byrjun næsta mánaðar.
- jab
SEÐLABANKASTJÓRI Flækist Icesave-málið ekki fyrir þriðju endurskoðun efnahagsá-
ætlunar AGS má hugsanlega stíga skref í afnámi gjaldeyrishafta, segir Már Guð-
mundsson. FRÉTTABLAÐIÐ/PJETUR
Seðlabankastjóri segir hugsanlegt að afnema hluta gjaldeyrishafta í haust:
Veltur á vægi Icesave-málsins
SJÁVARÚTVEGUR Ekki er hægt að
ganga að áframhaldandi gagn-
kvæmum veiðiréttindum ESB,
Íslands og Færeyja sem vísum,
endurskoði eyþjóðirnar ekki ein-
hliða áform sín um stórauknar
makrílveiðar. Þetta segir Maria
Damanaki, sem fer með sjávar-
útvegsmál í framkvæmdastjórn
Evrópusambandsins.
Framkvæmdastjórnin lýsti í
gær yfir miklum áhyggjum af
þessum veiðum, í ljósi þess að
Færeyingar hyggjast nú þrefalda
þær, miðað við veiðar þeirra á
árunum 1999 til 2009.
Í fréttatil-
kynningu frá
framkvæmda-
stjórninni segir
að þessi ákvörð-
un Færeyinga
sé í mótsögn við
uppbyggilegt
framlag þeirra
til endurreisnar
makrílstofns-
ins hingað til,
en stofninn sé afar mikilvægur
sjávarútvegi Evrópusambands-
landa.
Fyrirhugaðar veiðar Íslendinga
og Færeyinga vinni gegn mark-
miðum um sjálfbærar veiðar og
ógni makrílstofninum.
Í tilkynningunni segir einnig
að ESB muni á næstunni senda
Færeyingum „skýr skilaboð“
og leitast við að koma á samráði
þjóðanna um að gera veiðarnar
sjálfbærar að nýju.
Verði „núverandi stjórnleys-
isástandi“ viðhaldið af ósann-
girni muni framkvæmdastjórnin
„íhuga allar nauðsynlegar aðgerð-
ir“ til að vernda hagsmuni sam-
bandsins.
- kóþ
Sjávarútvegsstjóri ESB óttast hrun makrílstofnsins vegna aukinna veiða:
Refsiaðgerðir ekki útilokaðar
MARIA DAMANAKI
ÍÞRÓTTIR Íslandsmótið í hafnabolta
hófst í gær og lýkur á föstudag.
Tvö lið keppa sín á milli, Hafna-
og mjúkboltafélag Reykjavíkur og
lið áhugamanna. Fyrra liðið fór
með sigur af hólmi á fyrsta degi,
1-0.
Hafnaboltaiðkun hófst hér á
landi fyrir þremur árum og hefur
íþróttin heyrt undir Íþrótta- og
tómstundasvið Reykjavíkur síð-
astliðin tvö ár. Raj Bonifacious,
formaður Hafna- og mjúkboltafé-
lags Reykjavíkur, segir tæplega
tvö hundruð manns frá skólaaldri
og upp úr stunda íþróttina. - jab
Íslandsmót í hafnabolta:
Tvö hundruð
iðka íþróttina
EINN EINBEITTUR Hafna- og mjúkbolta-
félag Reykjavíkur fór með sigur í fyrsta
leik Íslandsmótsins í hafnabolta í gær.
FRÉTTABLAÐIÐ/ANTON
EFNAHAGSMÁL Seðlabankinn birti
í gær á vef sínum álit lögmanns-
stofunnar Lex, síðan í maí í fyrra
um heimildir til gengistrygging-
ar lána. Seðlabankinn hefur verið
sakaður um að hafa þagað yfir
vitneskju um að lán í erlendri
mynt væru ólögleg.
Álitið segir þau lögleg, en ólög-
legt sé að verðtryggja á grund-
velli gengis erlenda mynta. Aðal-
lögfræðingur bankans tekur undir
álitið í meðfylgjandi minnisblaði,
en bendir á að dómstólar þurfi að
skera úr um þetta. - kóþ
Seðlabankinn birtir álit Lex:
Lán lögleg ekki
verðtryggingin