Fréttablaðið - 16.08.2010, Blaðsíða 40

20 16. ágúst 2010 MÁNUDAGUR
sport@frettabladid.is
FÓTBOLTI KR-ingurinn Grétar Sig-
finnur Sigurðarson var eins og
aðrir KR-ingar ósáttur við víta-
spyrnudóma Erlends Eiríkssonar
í fyrri hálfeik í bikarúrslitaleikn-
um og þá sérstaklega þann fyrri.
„Ég veit ekki með seinna vítið
en fyrra vítið var aldrei víti.
Þetta var bara aumingjaskapur
hjá Atla Guðnasyni að reyna að
fiska. Þetta var bara of mikill
aumingjaskapur og menn eiga að
fá rauða spjaldið fyrir svona eftir
á,“ sagði Grétar ósáttur.
Atli Guðnason fiskaði umrætt
víti sem gaf fyrsta markið en var
þetta víti? „Já, þetta var víti. Ég
er það léttur og þegar menn fara
utan í mig þá bara dett ég. Ég
er það léttur að ég næ ekkert að
standa þetta af mér,“ sagði Atli
sem féll eftir viðureign við Skúla
Jón Friðgeirsson. - óój
Atli Guðnason umdeildur:
Vítaspyrna eða
leikaraskapur?
> Aðeins 672 fleiri en í kuldanum í fyrra
Aðsókn að bikarúrslitaleik karla í ár var mikil vonbrigði
þrátt fyrir að áhorfendatalan hafi farið yfir fimm
þúsund í aðeins annað skiptið á þessari öld. Menn
stefndu að því að slá áhorfendametið sem var 7.401
áhorfandi sem mætti á úrslitaleik KR og ÍA árið 1999.
Þegar upp var staðið mættu „aðeins” 5.438 manns á
leik FH og KR eða bara
672 fleiri á leikinn en
á úrslitaleik Blika og
Framara í kuldanum í
október í fyrra.
FÓTBOLTI FH-ingar unnu annan
stærsa sigurinn í sögu bikarúr-
slitaleiks karla þegar þeir unnu 4-
0 sigur á KR á Laugardalsvellinum
á laugardagskvöldið. Matthías Vil-
hjálmsson kom FH í 2-0 með tveim-
ur vítaspyrnum með sex mínútna
millibili í fyrri hálfleik. Atli Viðar
Björnsson skoraði þriðja markið
sextán mínútum fyrir leikslok og
Atli Guðnason innsiglaði síðan sig-
urinn rétt fyrir leikslok.
KR-ingar komust aldrei yfir það
að fá á sig tvo stranga vítaspyrnu-
dóma á lokakafla fyrri hálfleiksins
og FH-ingar hreinlega yfirspiluðu
þá í seinni hálfleiknum.
„Það er gaman að vera í FH.
Þetta var rosalega góður sigur og
það er frábært að vinna bikarúr-
slitaleik,“ sagði Daninn Tommy
Nielsen eftir að hann vann sinn
sjöunda stóra titil með FH-ingum.
„Við vorum kannski heppnir að
fá þessi víti því maður sér ekki
alltof svona víti dæmd,“ sagði
Tommy.
„Við ætlum að djamma aðeins
núna en svo á mánudaginn [í
dag] förum við bara að hugsa um
Grindavík,“ segir Tommy sem
hefur sett stefnuna á að vinna tvö-
falt í fyrsta sinn. „FH hefur verið
meistari á hverju ári en ég hef
aldrei unnið tvöfalt og mig lang-
ar að prófa að gera það,“ sagði
Tommy.
„Þetta eru rosalega vonbrigði.
Við fáum dæmd á okkur vægast
sagt mjög ódýr víti og menn verða
að skoða hvað þeir eru að gera í
bikarúrslitaleik. Þá er komið 2-0
fyrir þá í fyrri hálfleik og það er
erfitt fjall að klífa að spila á móti
FH-liðinu 2-0 undir. Við vorum að
reyna að komast inn í leikinn með
einu marki en það bara gekk ekki,“
sagði Bjarni Guðjónsson, fyrirliði
KR sem var ósáttur með vítin.
„Þú átt aldrei nokkurn tímann
aftur að sjá svona dómgæslu. Ég
hef ekki séð það fyrr og á ekki eftir
að sjá það aftur,“ sagði Bjarni.
- óój
FH-ingar urðu bikarmeistarar í annað skipti eftir 4-0 stórsigur á KR í bikarúrslitaleiknum á laugardagskvöldið:
Tommy vill prófa að vinna tvöfalt
SJÖ STÓRIR TITLAR MEÐ FH Tommy Nielsen fagnar hér stórsigri á KR. FRÉTTABLAÐIÐ/DANÍEL
Matthías Vilhjálmsson, fyrirliði FH-liðsins, var sáttur
í leikslok eftir 4-0 sigur á KR í bikaúrslitaleiknum á
laugardagskvöldið. Matthías skoraði tvö fyrstu mörk
leiksins úr vítaspyrnum. „Einhverjir sögðu mér að
sjónvarpið hefði sýnt að þetta voru víti og ég
segi bara því miður fyrir þá en gott fyrir okkur,”
sagði Matthías um vítin tvö sem réðu svo miklu
um gang leiksins.
„Ég var öruggur í báðum vítunum. Hann
var reyndar nálægt boltanum í fyrri spyrnunni
en seinni spyrnan var örugg. Við tókum völdin
í leiknum í stöðunni 2-0 og þetta var aldrei í
hættu eftir það. Mér fannst við vilja þetta meira
og um leið og við komumst yfir þá var þetta aldrei
í hættu. Við vorum líka skynsamari en þeir,“ sagði
Matthías. Hann segir FH-liðið vera í frábæru formi
„Við erum að toppa á réttum tíma finnst mér.
Við æfðum vel í vetur undir stjórn Silju Úlfarsdóttur og þrekið er í
hámarki núna. Þetta var annar bikarmeistaratitillinn hjá okkur núna
og hann er ekki sá seinasti,“ sagði Matthías og hann var stoltur af
lokatölum leiksins.
„Það hlýtur að vera skráð á spjöld sögunnar að vinna 4-0
sigur í bikarúrslitaleik á móti jafnsterku liði og KR. Ég er
mjög sáttur við að vinna KR-inga 4-0,“ sagði Matthías sem
vill vinna tvöfalt í sumar.
„Núna getum við fagnað í einhvern smá tíma en farið svo
að einbeita okkur að deildinni og þar erum við ekki heldur
hættir. Við höfum ekki unnið tvöfalt og það hefur verið
markmiðið okkar í allt sumar.“
Matthías vildi ekki gefa upp leyndarmálið á bak við
vítin sín. „Ég tók nokkur víti á æfingu daginn fyrir leik
en síðan hef ég bara mínar leiðir sem ég gef ekkert
upp nema hvað það varðar að pabbi velur hornin
fyrir mig. Það veit það enginn nema hann og ég.“
MATTHÍAS VILHJÁLMSSON: KOM FH-INGUM Í 2-0 Í FYRRI HÁLFLEIK MEÐ TVEIMUR ÖRUGGUM VÍTASPYRNUM
Það eina sem ég gef upp er að pabbi velur hornin