Fréttablaðið - 29.01.2011, Blaðsíða 32

4 fjölskyldan
unglingsár. Sindri er núna fyrst
að byrja að tala, en fram til þessa
höfum við talað saman tákn með
tali. Og þótt ekki gangi alltaf jafn
vel og hann vildi segja frá gefst
hann aldrei upp og fer þá bara aðrar
leiðir til að koma sínu til skila,“
segir Bryndís sem var einstæð
tveggja barna móðir þegar hún
tók Sindra fyrst að sér, en dætur
hennar eru uppkomnar í dag.
„Stelpurnar voru strax spenntar
að fá Sindra og natnar að leika við
hann og setja sig inn í hans rútínu.
Það var dásamlegt að fylgjast með
honum skapa sér rútínu heima hjá
okkur, en alltaf þegar hann kemur
setur hann töskuna sína og útiföt
á vísan stað og svo förum við út í
búð að kaupa fisk. Þá horfum við
alltaf á barnatímann saman þegar
við vöknum um helgar og bökum
gjarnan brauðbollur, og þá þarf að
leggja fallega á borð og kveikja á
kerti, en um kertið rukkar hann ef
vantar á borðið. Hann er því mikið
fyrir kósíheit og nýtur samverunn-
ar til hins ítrasta, eins og ég sjálf,“
segir Bryndís og brosir blítt, en
þau Sindri eru miklir vinir og hann
örlátur á kossa og faðmlög.
„Að vera styrktarforeldri er
gaman og gefandi, um leið og það
er pínu erfitt. Ég hlakka alltaf til
stundanna með Sindra því hann
gefur svo mikið. Maður lærir svo
margt af fötluðum börnum og að
meta hvað maður hefur. Ég á tvær
yndislegar dætur og barnabarn,
en Sindri gefur svo margt sem þau
hin geta ekki, reynslu og innsýn
í hulinn heim sem maður annars
fær ekki skilið nema starfa með og
umgangast fatlaða. Og ég kvíði því
ef það verður sem nú er ráðgert,
að fatlaðir fari í almennan skóla.
Mega þeir ekki vera áfram með
sínum líkum í stað þess að eignast
aldrei vini, vera alltaf með aðstoð-
armanneskju með sér og finna til
vanmáttar síns í venjulegum skóla?
Þarna finnst mér skorta á mannúð.
Sækjast sér um líkir og í Öskju-
hlíðarskóla blómstra þau, eins og
Sindri sem elskar skólann sinn og
skólafélaga,“ segir Bryndís, sem
eftir tíu ára stuðning við Sindra
lítur á hann sem eigið barn. „Það
er eðlilegt að fólk sem vinnur náið
með börnum tengist þeim tilfinn-
ingaböndum. Þetta er yndisleg
skuldbinding og auðvitað þarf allt-
af að vanda sig því það eru alvöru
manneskjur í húfi.“ - þlg
Ég var beðin um að taka strák í sveit, þegar ég bjó austur á Fjörðum og sá um félags-miðstöð unglinga og aldr-
aðra í Fjarðabyggð. Mér þótti það
lítið mál og í framhaldi kom Guð-
mundur, þá ellefu ára, til mín í
sumardvöl. Hann bjó hjá ömmu
sinni eftir að móðir hans dó árinu
áður og þurfti stuðning vegna
móðurmissisins,“ segir María Rós
sem í ársbyrjun 2008 fluttist til
Reykjavíkur þar sem hún starfar
á frístundaheimilinu Æskufelli í
Fellaskóla. Guðmundur býr enn á
Austfjörðum, nú á átjánda ári.
„Okkur Guðmundi kom strax
einstaklega vel saman. Fyrstu
fimm vikurnar í sveitinni vorum
við bara tvö og náðum að kynnast
vel,“ segir María en eftir sumar-
dvölina fór Guðmundur þess á leit
við ömmu sína að fá að fara aftur
til Maríu og fjölskyldu hennar.
„Ég bar þá undir fjölskylduna
hvort hún vildi verða stuðnings-
fjölskylda fyrir þennan góða dreng
og það samþykktu allir. Ég gerði
henni jafnframt grein fyrir að
ekki væri unnt að hætta við á miðri
leið, ekki frekar en að ég hætti allt
í einu við að vera móðir barnanna
minna. Hlutverk stuðningsfjöl-
skyldu væri því varanlegt og það
voru allir til í,“ segir María.
„Þótt Guðmundur fari nú af
barnsaldri verðum við alltaf
stuðningsfjölskylda hans. Hann er
í góðu sambandi við ættmenni sín
og á sín alvöru systkini, en lítur
líka á krakkana mína sem syst-
kini sín. Eldri börnin eru tveim-
ur og fjórum árum eldri og þau
urðu strax góðir vinir Guðmundar
og fagna komu hans. Eftir að við
fluttum suður kemur Guðmundur
til lengri dvalar í einu, en þegar
við bjuggum eystra kom hann aðra
hverja helgi og alltaf yfir sumar-
tímann,“ segir María sem upplifir
stuðningsforeldrahlutverk sitt sem
yndislega og ómetanlega reynslu.
„Það hafa allir gott af því að
opna hjarta sitt fyrir öðrum mann-
eskjum og sýna þá ábyrgð að láta
sér þykja vænt um aðra. Það er
líka gott fyrir börn manns að taka
svo bindandi ábyrgð á stuðningi,
og ekki síst að gera sér grein fyrir
því hvað það þýðir. Þetta er því fín
æfing fyrir framtíðina og gerir
þau traustsins verð,“ segir María
sem hvetur aðra til að íhuga að
gerast styrktarforeldri.
„Ákvörðun verður þó alltaf að
vera í samvinnu við manns eigin
fjölskyldu og ef allir eru sáttir er
þetta hægt. Það passa ekki allir
saman og börn þurfa sjálf að vilja
koma. Því þarf alltaf að gefa börn-
um og stuðningsforeldrum aðlög-
unartíma því enginn skyldi taka
að sér barn sem hann nær ekki til.
Þessu þarf maður strax að gera
sér grein fyrir, því sé minnsti vafi
í huga manns ættu aðrir, sem ná til
barnsins, að njóta þess frekar.“
- þlg
Gott að opna
hjarta sitt
María Rós Valgeirsdóttir tók móðurlausan dreng á við-
kvæmum aldri að sér í sumardvöl og hefur verið honum
stuðningsmóðir allar götur síðan.
Góð saman María Rós og Guð-
mundur Þórir Hafsteinsson í bílferð
á góðum degi, en samfundirnir eru
ætíð tilhlökkunarefni hjá báðum.
MYND ÚR EINKASAFNI
FRAMHALD AF FORSÍÐU
HESTAMANNAFÉLAGIÐ HÖRÐUR í Mosfellsbæ býður upp á reiðnámskeið
fyrir börn og ungmenni með fötlun. Um er að ræða fimm vikna námskeið í
reiðhöll Harðar. Það fyrsta hefst 14. febrúar en hið síðasta 25. mars. Kennslan
er í höndum reyndra leiðbeinenda með margra ára reynslu.
Sannir vinir Bryndís og Sindri Ploder njóta hverrar stundar sem þau eiga saman. FRÉTTABLAÐIÐ/VILHELM
Hvað er stuðningsfjölskylda?
■ Stuðningsfjölskyldur taka á móti barni eða börnum til sólar-
hringsvistunar á heimili sínu til að styðja foreldra í uppeldishlut-
verki sínu, veita þeim hvíld og/eða styrkja stuðningsnet hlutaðeig-
andi barns. Ætíð er um tímabundinn stuðning að ræða.
■ Tveir hópar stuðningsfjölskyldna starfa samkvæmt lögum um
barnavernd, en þörfin er brýnust fyrir fötluð börn, börn með miklar
sérþarfir, svo sem ADHD og erfiðar félagslegar aðstæður.
■ Í dag eiga 288 reykvísk börn stuðningsfjölskyldu. Sífellt er unnið
að því að ráða fólk í þetta mikilvæga starf og alltaf leitað stuðnings.
■ Til að verða stuðningsfjölskylda fyllir viðkomandi fjölskylda út
umsókn um starfið. Barnavernd Reykjavíkur metur viðkomandi
fjölskyldu og þarf að skila inn læknisvottorði og sakavottorði.
EasyTone skórnir frá Reebok
eru komnir í Steinar Waage.
Hvernig vinna EasyTone?
Tækni byggð á jafnvægisboltum þar sem hreyfing á lofti býr til örlítið
ójafnvægi sem mótar og styrkir rass og læri í hverju skrefi.
Nánar á reebok.is
samvera
gleði og hlýja ...