Fréttablaðið - 15.02.2011, Síða 46

38 15. febrúar 2011 ÞRIÐJUDAGUR
FACEBOOK
„Ég hafði alltaf trú á þessu lagi,
alveg frá því að Sigurjón tók það
upp. En svo er þessi keppni svo
hverful að maður veit aldrei. Kepp-
endurnir í ár voru náttúrlega frá-
bærir, keppnin því mjög tvísýn og
eiginlega ekkert öruggt,“ segir
Þórunn Erna Clausen.
Lagið Aftur heim eftir eigin-
mann hennar, Sigurjón heitinn
Brink, sigraði í Söngvakeppni Sjón-
varpsins á laugardaginn. Það voru
vinir Sigurjóns; Hreimur Örn,
Vignir Snær, Pálmi Sigurhjartar-
son, Matthías Matthías son, Gunnar
Ólason og Benedikt Brynleifsson,
sem fluttu lagið í beinni útsend-
ingu sjónvarpsins. Sigur lags-
ins var nokkuð öruggur því sam-
kvæmt atkvæðatölum frá RÚV
fékk Aftur heim rúmlega 25 þús-
und atkvæði. Ég trúi á betra líf
eftir Hallgrím Óskarsson, sem
hafnaði í öðru sæti, fékk rúmlega
átján þúsund en alls bárust 96 þús-
und atkvæði.
Þórunn viðurkennir að henni
hafi alltaf þótt lagið skemmti-
legt og grípandi og hún hafi hvatt
Sigurjón til að senda það í keppn-
ina á sínum tíma. Hann hafi síðan
ekki tekið annað í mál en að hún
semdi textann við það.
Þórunn kveðst strax hafa orðið
yfir sig hrifin af laginu hans
Sjonna. „Það er svo ólíkt þessum
hefðbundnu Eurovision-lögum,
það fylgir ekki neinum formúlum,“
segir Þórunn en margir hafa bent
á að lagið sé nokkuð í anda dönsku
laganna sem hafa náð langt í þess-
ari keppni, laga á borð við Fly on
the Wings of Love og Never Ever
Let You Go. Þórunn viðurkenn-
ir að síðarnefnda lagið hafi verið
eitt fyrsta lagið sem hún og Sjonni
æfðu saman og þau sungu óteljandi
oft. Að sögn Þórunnar stendur til
að þýða textann yfir á ensku og er
sú vinna þegar hafin.
Þórunn sá um að stýra atriðinu
á laugardagskvöldinu, rétt eins
og þegar Sigurjón keppti með
lagið Waterslide. Og hún mun
einnig sitja í leikstjórastólnum í
Þýskalandi þegar atriðið keppir í
Düsseldorf í sjálfri Eurovision.
ÞÓRUNN ERNA CLAUSEN: HAFÐI ALLTAF TRÚ Á LAGINU
HVATTI SIGURJÓN TIL
AÐ SENDA LAGIÐ INN
HJARTNÆM STUND Þórunn Erna Clausen með sigurlaunin fyrir lagið Aftur heim eftir Sigurjón heitinn Brink. Þórunn ætlar að fylgja
atriðinu til Þýskalands þar sem hún mun stýra því. FRÉTTABLAÐIÐ/DANÍEL
Tvær nýjar stiklur úr kvikmynd-
um sem skarta Anitu Briem í stór-
um hlutverkum eru komnar á netið.
Þetta eru kvikmyndirnar Dylan
Dog: Dead of Night og You, Me &
Circus sem leikarinn Omar Epps
framleiðir. Fyrrnefndu myndar-
innar hefur verið beðið með mik-
illi eftirvæntingu á Ítalíu enda er
hún byggð á ítalskri myndasögu
um einkaspæjara sem hefur hæfi-
leika til að kljást við vampírur og
uppvakninga.
Meðal mótleikara Anitu í mynd-
inni er Brandon Routh en hún
verður frumsýnd á Ítalíu í næsta
mánuði. Ítalir, líkt og Þjóðverjar,
eru ekkert sérstaklega hrifnir af
ensku og því er Anita „döbbuð“
af ítalskri leikkonu í stiklunni.
Hin myndin, You, Me &
Circus, er einhvers konar söng-
leikur og þar er Anita augljós-
lega í stóru hlutverki. Stiklan
býður upp á mjög dramatísk
atriði milli Anitu og aðal-
leikarans en ekki er vitað hvort
eða hvenær myndirnar rata til
Íslands. - fgg
Anita á ítölsku
TVÆR MYNDIR Anita Briem frumsýnir
væntanlega tvær myndir á þessu ári,
annars vegar You, Me & Circus og hins
vegar Dylan Dog: Dead of Night.
„Ég hef ákveðið að banna tón-
list mína á Lindinni. Þeir spila
mig aldrei þar þessir helvítis
aumingjar.“
Dr. Gunni hellir sér út í slaginn sem
Jóhann G. Jóhannsson byrjaði.
„Ég er að byrja að teikna þetta upp,“ segir
tónlistarmaðurinn Björn Jörundur Frið-
björnsson.
Björn verður kynnir á Edduverðlauna-
hátíðinni sem verður haldin í Íslensku
óperunni á laugardaginn og í beinni
útsendingu á Stöð 2. „Ég var rólegur yfir
þessu þangað til núna – þangað til þú
hringdir. Þá vaknaði ég upp af vondum
draumi og þarf að pæla í þessu,“ segir
Björn, sem hefur verið upptekinn við að
setja upp sýninguna Í nánd ásamt félög-
um sínum í hljómsveitinni Nýdönsk.
Spurður hvort hann hafi áður tekið að
sér svipuð verkefni segir Björn að hann
hafi gert það í gamla daga, þótt hann hafi
reyndar aldrei kynnt Edduna. „Ég fékk
nú Edduverðlaunin einu sinni, fyrir Engla
alheimsins,“ segir hann léttur. „Ætli
þetta sé ekki svona eins og þegar menn
fá Fálkaorðuna, þá setja þeir hana á sig á
tyllidögum. Ætli ég verði ekki með mína á
mér til að ítreka það að ég sé verðugur.“
Störf kynna á verðlaunahátíðum vekja
oft mikla athygli og skemmst er að minn-
ast þess þegar breski grínistinn Ricky
Gervais fór á kostum á Golden Globe
hátíðinni í janúar. Ætli íslenski kvik-
myndabransinn eigi von á slíkri með-
ferð?
„Ég á eftir að horfa á hvernig Ricky
Gervais gerði þetta. Ég þakka þér fyrir
ábendinguna,“ segir Björn. „Ég heyrði
náttúrlega um það í fréttum – ætli ég
verði ekki að kynna mér hvernig
hann fór að. Og einhverjir aðrir.
Balti var nú léttur í fyrra.“
Hann var mjög pólitískur.
Ætlar þú að feta þær slóðir?
„Pólitíkin dugði í fyrra, það
hefur lítið gerst í þeim efnum
síðan og ekki þörf á að draga það
fram aftur. Ég held að fólk muni
eftir því og það þarf ekki að ítreka
það. Ætli ég verði ekki sjálfum mér
verstur, er ég það ekki alltaf?“ - afb
Björn Jörundur kynnir á Eddunni
KYNNIR KVÖLDSINS Björn Jörundur
verður kynnir á Eddunni í ár og veltir
nú fyrir sér hvort hann verði með
Edduverðlaunin sín á sér.
Vefsíðan er.is er einn vinsælasti
spjallvefur landsins en þar skrifar
fólk gjarnan undir dulnefni
um menn og málefni. Heitasta
umræðuefnið var hvort Jóhanna
Guðrún hefði farið í fýlu þegar
tilkynnt var að lögin Aftur heim og
Ég trúi á betra líf hefðu verið efst.
Er-verjar höfðu augljóslega horn
í síðu Eurovision-stjörnunnar og
skömmuðu hana rækilega fyrir sína
framkomu þar til kærasti hennar,
Davíð Sigurgeirsson, birtist óvænt
og tók upp hansk-
ann fyrir sína konu.
Jóhanna Guðrún
svaraði síðan sjálf
gagnrýnisröddum
á Facebook-
síðu sinni og
erlendum
Eurovision-
síðum.
Eurovision-aðdáendur hafa lengi
haldið því fram að þeir hafi
mikil áhrif á úrslit Eurovision og
þeir brugðust ókvæða við þegar
Jóhanna Guðrún komst ekki áfram.
Heitar umræður hafa átt sér stað á
esctoday.com sem er einn stærsti
Eurovision-vettvangurinn á netinu
og þar segja menn að Nótt hafi
verið besta lagið. Eurovision-nördar
hafa raunar yfirleitt verið hrifnir af
íslenskum lögum, þeir
spáðu til að mynda
Selmu mikilli
velgengni í seinna
skiptið sem hún
fór og sáu vart
sólina fyrir
Heru Björk
en annað
kom á dag-
inn og þau
lög máttu sín
lítils. - fgg
FRÉTTIR AF FÓLKI
Auglýsingasími
Óska eftir að kaupa enskt
Lingaphone - námskeið
upplýsingar í síma 865 7013