Barnablaðið - 01.02.1993, Page 20
20 BARNABLAÐIÐ
SALTI
söngbók
Nokkrir krakkar fundu gamla söngbók, liggjandi á skólalóðinni. Þau tóku eftir því að söngbókin var að gráta.
Þau tóku hana upp og komust að því að þetta var engin venjuleg söngbók. Þessi söngbók kunni að tala.
Söngbókin sagðist heita Salti og væri að gráta af því að enginn vildi syngja lögin hans lengur. Honum hefði
bara verið hent út í horn. Börnin kenndu í brjósti um bókina. Þið getið rétt ímyndað ykkur hvernig það er að
heyra gamla bók gráta!
Þau fóru að fletta blöðunum og skoða bókina. Þau langaði til þess að syngja lögin en því miður kunnu þau
ekki eitt einasta lag í bókinni.
Þá sagði Salti þeim að það væri enginn vandi að læra þessi lög, þau þyrftu bara að hugsa fallega um Jesú.
Allt í einu byrjuðu börnin að syngja og dansa. Þetta voru falleg og fjörug lög. Lofgjörðarlög um Jesú.
Fyrir tveimur árum byrjuðu nokkrir krakkar í Vestmannaeyjum að æfa lögin úr Salta söngbók. Hjálmar
Guðnason, tónlistarkennari, hjálpaði þeim. Fyrst í stað sungu þau fyrirfólk sem kom að hlusta, en svo ákváðu
þau að syngja lögin inn á snældu. Guðni Hjálmarsson syngur Salta sjálfan og eins og þið sjáið á myndunum
er búið að búa til sérstakan búning á hann.
Fyrir stuttu fengum við sent bréf frá hópnum í Vestmannaeyjum.