Sólskin - 01.07.1930, Side 9

Það gaman væri’ að vita
hvort veit hún af mér;
hvort hana langar, líka
að leika sér —
að leika sér.
* *
*
Þú brosir, bjarta stjarna,
þú brosir til mín;
ég vildi’ eg ætti vængi
og veg til þín —
og veg til þín.
Pabbavísa.
Pabbi vinnur úti allt,
oft er honum sjálfsagt kalt;
hvenær sem hann inni er
upp á hnéð hann lyftir mér;
allar sögur, sem ég kann,
sagt mér hefir mamma’ og hann.
Mömmuvísa.
Elskulega mamma mín,
mjúk er alltaf höndin þín,
tárin þorna sérhvert sinn,
sem þú strýkur vanga minn;
þegar stór ég orðinn er
allt það launa skal ég þér.
7