Sólskin - 01.07.1930, Page 36

Kindin mín.
Kindin mín er feit og full,
full og ánægð leikur sér;
mikla gefur af sér ull,
ull í sokka handa mér.
Litla kindin mín á mál,
málið hennar kallast jarm;
hún á líka sína sál,
sál, er þekkir gleði’ og harm.
Skólabörnin leika sér.
Nú er úti sólskin, og brosa fögur blóm,
börnin litlu syngja með fjör og gleðiróm,
teygja sig og hlaupa, og trítla allt í kring,
taka saman höndum og mynda stóran hring
Steini byrjar sönginn og stjórnar þessum dans,
sterk er hún og karlmannleg bassaröddin hans,
Sigga litla’ og Fríða syngja skært og mjótt,
sólskins dansinn hlæjandi stíga títt og ótt :,:
34