Sólskin - 01.07.1930, Side 39

Hann neytti þess afls, er hann átti
— af engum er heimtandi meir —
en kraftarnir voru svo veikir,
æ, vesalings fuglinn — hann deyr!
Nei, Fúsi um fjöruna gengur
og fuglinn í lífshættu sér;
af meðaumkun hjarta’ hans hrærist,
hann hníf sinn á snöruna ber.
Ó, hugsið hve fuglinn er feginn
er frelsaður leitar hann heim,
og Fúsi með fögnuði starir
á ferðir hans langt út í geim.
En guð sér af himninum háa
hve hjálpsamur drengurinn er,
sem fuglinn úr lífshættu leysti,
hann letrar því nafn hans hjá sér.
Mánaðanöfnin.
(Stæll.)
Janúar flytur frost og snjó,
flest er þá kalt um lönd og sjó.
Febrúar eykur fönn og hríð,
flytur hann ársins verstu tíð.
Marz er kaldur — í köflum þó
kyssir hann þýtt og bræðir snjó.
37