Sameiningin - 01.04.1950, Blaðsíða 13

Sameiningin
43
hans, til þess að leita um friðarskilmála. Þegar menn þessir
komu á fund Alexanders, gekk samtalið líklega að fyrstu, en
þegar hann krafðist þess að fá að heimsækja borgina til
þess að biðjast þar fyrir, þóttust menn skilja hvar fiskur
lægi undir steini, og báðust undan þeim heiðri. Með þessu
var öllum friðarsamningum lokið og sendimenn skyldu við
konung í reiði.
Alexander hélt nú liði sínu gegn Týrus. En hvernig átti
nú að vinna borgina. Það var ekki hlaupið að því, þar sem
borgin stóð nú á eyjarkletti hálfa mílu frá landi. og virtist
óvinnandi. Konungi varð ekki ráðfátt; hann skipaði hernum
að rífa niður múrveggi og önnur mannvirki gömlu Týrusar
og gera úr því gangveg fyrir liðið út á eyjuna.
Eftir mikla örðugleika og tíma tókst að síðustu að gera
veg þennan, var ráðist á borgina, og hún rifin niður til
grunna; mannfólkið var selt í þrældóm eða tekið af lífi.
Ekki er nú eftir urmull af borginni ríklunduðu og heims-
frægu. Hefir hún ekki verið endurreizt. Sagan um auðæfi
hennar, lystisemd og frægð geymist á spjöldum sögunnar;
svo gersamlega er hin glæsilega, gjálífa Týrus horfin, og
klettarnir þar sem hún eitt sinn stóð eru þvegnir af öldum
hafsins eins og nakin kjúkubein ber og skinin, og orðnir
að þerrireit fyrir net fiskirnanna.
Orð Drottins hljóta ávalt að rætast í smáu og stóru, hve
ólíklegt sem það virðist í fyrstu.
En hvernig víkur því við, að þessi nær óviðjafnanlega,
heimsfræga borg fékk ekki að standa? Um það fræðir
frelsarinn okkur hjá Lúkasi í tólfta kapítula:
„Svo fer þeim, er safnar fé, og ekki er ríkur í Guði“.
Hvert það líf, sem gerir ákvörðun í ásamræmi við Guðs
heilaga lögmál, fyrirgerir rétti sínum til lífsins í Guði. Fyr-
ir því fer eins og borginni Týrus hinni frægu.
Enn þá líður smáaldan að strönd hins fornfræga stað-
ar, og leikur blítt og góðlátlega í fjöruborðinu. í rödd öld-
unnar virðist búa vanmegna andvarp af margþjáðu og hel-
særðu brjósti og sorgarstuna yfir afdrifum fólksins, er sög-
unni samkvæmt kaus að gleyma sönnum Guði og skapara
sínum. S, S. C.