Sameiningin - 01.04.1950, Blaðsíða 14

44
Sameiningin
Minningabrot um látin merkishjón
Ásgrím Ásgrímsson Hallsson frá Geldingaholti
í Skagafirði, og Sigríði Jónsdóíiur frá Veðrará
í Önundarfirði
Ofangreindra hjóna skal hér minnst með nokkrum orð-
um. Áratugur er nú hjáliðinn síðan þau féllu í val, og mér
vitanlega hefir ekki verið um þau ritað. Ekki er þetta nein
æfisaga í venjulegri merkingu; til þess skortir mig ýmsar
nauðsynlegar upplýsingar. Þessar línur eru aðeins tilraun
til að lýsa áberandi einkennum þeirra og lífsbaráttu, um
leið og þetta er lítið brot hinnar miklu og enn lítt rituðu
sögu fólks vors hér í Vesturálfu. —
Ásgrímur Ásgrímsson var af Skagfirzkum ættum kom-
inn, sonur Ásgríms Hallssonar í Geldingaholti í Skagafirði
og Júlíönu konu hans. Nánir föðurfrændur hans voru séra
Jón Hallsson, síðast prestur og prófastur í Glaumbæ, og
Hallur Ásgrímsson er á Grænlandi dvaldi um hríð. Bróðir
Ásgríms er lifði og dó á íslandi var Júliníus faðir Júliníusar
skipstjóra, er síðast um langt árabil var skipstjóri á Brúar-
fossi. Tvö systkini Ásgríms, Jósafat og Helga, komu vestur
um haf; bjó Jósafat um langa hríð í Manchester í Washing-
ton ríki. Þau eru nú bæði látin fyrir nokkrum árum.
Ungþroska flutti Ásgrímur úr æskuhéraði sínu til Isa-
fjarðar og settist þar að. Þar lærði hann skósmíði hiá Birni
Kristjánssyni (er síðar var kaupmaður í Reykjavík og þjóð-
kunnur framkvæmdamaður). Björn reyndist honum vel, og
taldi Ásgrímur hann jafnan velgjörðamann sinn. Hjá Birni
lærði Ásgrímur einnig undirstöðuatriði söngfræðinnar og
orgelspil, er hann æfilangt tíðkaði og hafði mikið yndi af,
var hann maður mjög sönghneigður og hafði ósegjanlegt
yndi af hljóðfæraslætti og söng. Sum af börnum hans erfðu
þá hæfileika af honum.
Á ísafirði giftist Ásgrímur Sigríði Jónsdóttur frá Veðrará
í Önundarfirði. Hún var dóttir Jóns Halldórssonar bónda á
Innri-Veðrará, móðir Sigríðar en kona Jóns hygg ég að héti