Sameiningin - 01.05.1950, Blaðsíða 5

Sameiningin
51
Hér birtist að því er virðist eitt af áberandi einkennum
vor manna, ef til vill er þetta eitt af takmörkunum þeim
er fylgja oss mönnunum — og gætir einnig í afstöðu læri-
sveinanna gagnvart Jesú, að vér hvorki metum né skiljum
að fullu aðra menn: samferðamenn, jafnvel ástvini er Guð
lánar, eins og vera ber, meðan vér njótum þeirra. Dýpri
merking hins persónulega gildis, áhrifa og blessunar er vér
nutum af þeirra hálfu, verður fyrst að fullu skiljanleg í
ljósi viðskilnaðarins og saknaðarins. Þessa virðist einnig að
gæta af hálfu lærisveina Jesú gagnvart honum. Eftir upp-
risuna, gætir brátt nýs skilnings á frelsaranum og hlutverki
hans. Huggarinn, hinn heilagi andi Guðs opnaði hugi þeirra
og hjörtu fyrir fegurð og dýrð orða hans, kenninga og per-
sónu. í ljósi alls þess sáu þeir dýrð hans, er öll fékk á sig
nýja merkingu, — varð þeim skiljanlegri en fyr — því að nú
var svo margt af því er hann hafði sagt þeim og kennt
komið fram. En áhrif andans gáfu öllu því er bjó í djúpi
sálna þeirra nýtt líf og nýjan og magnaðan gróðrarmátt.
Lítt skiljanleg orð meistarans, töluð meðan hann var með
þeim, urðu augljós og virkilegur máttur í lífi þeirra þaðan
af. Þannig rættust orð hans til þeirra töluð:
„Það er yður til góðs að ég fari burt, því færi ég ekki
burt, kæmi huggarinn ekki til yðar“.
Þannig eru áhrif Guðs heilaga anda vorgróður í sálum
allra lærisveina hans. Þau eru að verki til blessunar í kenn-
ingum Guðs orðs, þau láta sakramenti kirkju vorrar fá á
sig undraverðan og gleðiríkan blæ dýrðar og fegurðar í
táknrænni merkinu, — þar sem orð eða útskýringar fá ekki
að komist — þar túlka þau elsku Guðs, sem er ofar mannleg-
um skilningi — og gera nærveru Jesú og minninguna um
hann æðsta virkileika hverri sál er þráir hann og náðar-
samfélag sálarinnar við hann.
í öðru lagi skal athygli leidd að fyrirheiti Jesú er texti
vor færir um gjöfina undraverðu er Jesús gefur lærisvein-
um sínum í texta orðunum sem tilfærð eru:
„Minn frið gef ég yðnr”.
Þetta er arfleiðslugjöf Jesú til lærisveina hans á öllum
tímum. Hugleiðum þessa gjöf. Hann gaf af sínum eigin
andlega auði. Áberandi einkenni Jesú í þeim brotum af lífs-
sögu hans er guðsspjalla frásögurnar færa oss er hinn innri
friður í samfélagi við föðurinn er ávalt ríkti í sálu hans.