Sameiningin - 01.03.1946, Blaðsíða 9

39
hættuleg öfl sem til greina koma við krossfestingu Krists,
séu ekki ábærilegri og jafnvel verri en sjálfur faríseahátt-
urinn, þó hann sé nægilega illur. Hugsum t. d. um Sadúke-
ana og hið kalda og grimma kæruleysi þeirra, þótt þeir
vissu að aðrir hlytu að líða þungar þjáningar og þrautir,
bara ef þeir liðu ekki sjálfir.
Fátækt og allsleysi, hungursneið, örvænting og margt og
margt fleira böl á þessari fríðu og frjóu jörð, á sér nú átak-
anlega víða stað. En þó er ekki nándarnærri nógu mikill
og brennandi áhugi fyrir því að bæta úr því margvíslega
heljarböli. Það er erfitt að fá menn til að skilja þörfina,
þó hún reyndar blasi við auga, og erfiðara þó að fá menn
til að leggja á sig til að bæta úr þeirri brýnu þörf.
Hræðileg er sú hneigð, sem of oft hefir komið fram í
sögunni, og heldur enn áfram að koma fram aftur og aftur,
að ófrægja, tortryggja, og jafnvel að ryðja úr vegi, þeim
sem eru sannir vinir mannkynsins. Umbótafrömuðir virð-
ast svo átakanlega oft hættulegir í 'augum þeirra, sem finst
sinn eigin hagnaður á einhvern hátt vera í veði.
Hræðileg er rangsleitnin í sambandi við það að reyna
að hafa áhrif á þá sem úrskurðarvaldið hafa í sínum höndum
á ýmsan hátt. — Að hafa þá þau áhrif ein sem leiði til eigin
hagnaðar. Slík svikráð eru svo oft á ferðinni í heimi hér, að
oss hrýs hugur við. Sú afstaða hlýtur sífelt að standa í
vegi fyrir framförum, umbótum, sanngirni og réttlæti.
Og altaf verður að óttast þann reikula hug fjöldans,
sem alt of oft lætur æsa sig til mótstöðu gegn sínum beztu
vinum, og sem stundum lætur toga sig langt burt frá sínum
allra bezta vini, Jesú Kristi, og lætur þá jafnvel stundum
ginna sig til þess að ganga í lið með óvinum hans að kross-
festa hann að nýju.
Þessi mikli og margvíslegi veikleiki mannanna og
þjóðanna, sem opinberast svo oft enn þann dag í dag, eins
og hann hefir oft áður gjört í sögu mannanna, bendir á
■hvað þörfin er brýn að kristnir einstaklingar og kristnir
söfnuðir leggi krafta sína fram til að leiða alþýðuna og
leiðtoga hennar til verulegs samfélags við anda Guðs. Fólkið
verður að læra að þekkja Jesú sem frelsara sinn. En líka
verður það að læra að þekkja hann sem fyrirmynd sína í
göfugu og guði-helguðu líferni og drengilegri framkomu.
Myndin af Jesú Kristi eins og hún opinbérast í guðspjöll-
um Nýja Testamentisins, þarf að verða skýr og glögg fyrir