Sameiningin - 01.05.1927, Page 11

137
ólskra manna sé jafn-rétthá trúarbrögðum annara
manna, eða ekki. Allir viðurkenna það. Þegar í önd-
verðu var sá grunnsteinn lagður undir þjóðfélag Banda-
ríkja, og síðar þaulvígður, að allir menn skyldu hafa
fullkomið trúarbragðafrelsi, og engum þar gert hærra
undir höfði en öðrurn,—triíarbrögð manna því einu skil-
yrði bundin, að þau aldrei komi í bág við borgaralegar
skyldur eða lög ríkisins. Það var hinn annar horn-
steinn þjóðfélagsins frá öndverðu, frá þessu sjónarmiði
skoðað, að um aldur og æfi mætti kirkjan aldrei segja
stjórn landsins fyrir verkum, eða skifta sér af athöfnum
hennar.
Nú standa þá umræðumar um það, hvort kaþólsldr
menn sé svo settir, að þeir geti varist afskiftum kirkju-
legra yfirvalda sinna, ef þeir fara með vald ríkisins.
Með öðrum orðum: eru kaþólskir menn háðir æðri
stjórn, samkvæmt trúarskoðunum sínum, heldur en stjórn
ríkisins? Þetta eru kaþólskir menn, ekki síður en aðr-
ir, tilknúðir að gera sér grein fyrir um þessar mundir.
Smith ríkisstjóri, sem umræðurnar ha'fa spunnist út
af, hefir lýst því yfir s'kýrt og drengilega, að þrátt fyrir
það, að hann sé kaþólskur maður og kirkju sinni trúr, þá
sé hann engum þeim böndum bundinn, sem komið geti í
bág við embættisskyldur hans, þótt hann væri forseti
þjóðarinnar. 1 ágætri greinargjörð fyrir aðstöðu sinni,
hefir Mr. Smith lýst því yfir með ótvíræðum orðum, að
hann neiti því, að yfirvöld kirkju sinnar hafi nokkra
heimild til þess að skifta sér af löggjöf þjóðarinnar, að
hann viðurkenni algjört samvizku-frelsi og jafngildi
(equality) allra kirkna, trúarflokka og trúarskoðana, og
að hann trúi því, að allir menn séu bræður og börn Guðs.
Þessar yfirlýsingar hins mæta kaþólska manns liafa
vakið afarmikla eftirtekt og veitt mikinn fögmuð mörgum
þeim, er unna víðsýni og frelsi í andlegum efnum.
En svo er spurt: getur maðurinn staðið við þessar
fögru yfirlýsingar og samt sem áður verið trúr kirkju
sinni og trúarjátningum liennar?
Það getur hann ekki, nema svo sé, að kaþólska kirkj-
an sé fallin frá sumum grundvallar-atriðum kenningar