Fréttablaðið - 24.03.2011, Blaðsíða 2

24. mars 2011 FIMMTUDAGUR2
REYKJAVÍKURBORG Engir skólagarð-
ar verða í boði fyrir reykvísk börn
næsta sumar. Garðarnir verða
h i n s ve g a r
boðnir til leigu
undir matjurta-
garða fyrir fjöl-
skyldur.
„Ástæðan er
sparnaður og
hagræðing,“
segir Gunnar
Hersveinn, upp-
lýsingafulltrúi
umhverfissviðs
borgarinnar. Foreldrar hafa greitt
þrjú þúsund krónur fyrir hvern
skika sem börn hafa fengið í skóla-
görðunum. Innifalið í gjaldinu
var bæði útsæði og starfsfólk sem
aðstoðaði börnin. Að sögn Gunn-
ars var kostnaður borgarinnar af
skólagörðunum í fyrra 24 milljón-
ir króna.
Til samanburðar eiga fjölskyld-
ur að greiða 4.200 krónur fyrir
sams konar skika sem er tuttugu
fermetrar. Það eina sem fylgir er
aðgangur að útikrana með köldu
vatni. „Gert er ráð fyrir að Fjöl-
skyldugarðar komi út á núllinu,“
segir Gunnar.
Að sögn Gunnars dalaði aðsókn í
skólagarðana fram til ársins 2007.
„Eftir hrunið jókst áhuginn aftur
og það hefur verið eftirspurn eftir
matjurtagörðum fyrir almenning,“
segir hann.
Hægt verður að leigja garða í
Breiðholti, Árbæ, Vesturbæ, Foss-
vogi, Laugardal og Grafarvogi.
Aðspurður segir Gunnar að úthlut-
unarreglurnar séu einfaldar. „Fólk
er skráð þar til garðarnir eru
orðnir fullir,“ upplýsir hann. Um
sex hundruð skikar eru í boði. Þá
stendur Reykvíkingum áfram til
boða að leigja 100 fermetra garð-
land í Skammadal ofan við Mos-
fellsbæ fyrir 4.600 krónur.
Hagræðingin á ekki eingöngu
að felast í hækkaðri garðleigu og
minni tilkostnaði vegna sumar-
starfsfólks og útsæðis. Fram-
kvæmda- og eignasvið borgarinn-
ar hefur nú tekið yfir húsakostinn
við skólagarðana og hyggst nýta
hann til að afla tekna. Þannig
hefur verið sótt um leyfi til að fá
að leigja þrjú húsanna til dagfor-
eldra. Þau hús eru við Logafold í
Grafarvogi, við Bjarmaland í Foss-
vogi og við Holtaveg í Laugardal.
„Nú þegar eru dagforeldrar
komnir með á leigu nokkur hús við
gæsluvelli borgarinnar og hefur
það komið vel út fyrir alla,“ segir
eignasviðið í leyfisumsókn sinni.
Við gæsluvellina leigi tveir dagfor-
eldrar hvert hús saman og reiknað
sé með því sama hvað skólagarða-
húsin varðar. gar@frettabladid.is
Eva María, er Ísland þá
hinsegin land?
„Það er bæði öðruvísi og hýrt.“
Eva María Þórarinsdóttir Lange hefur
ásamt kærustu sinni opnað ferðaskrif-
stofuna Pink Iceland sem sérhæfir sig í
þjónustu við samkynhneigða. Eva María
segir Ísland vel í stakk búið til að taka
við hinsegin ferðamönnum enda sé rétt-
indabaráttan hér langt á veg komin.
Skólagarðar aflagðir
en leigðir fjölskyldum
Börn í Reykjavík munu ekki geta skráð sig í skólagarða eins og síðustu áratugi.
Spara á 24 milljónir króna. Í staðinn á að leigja skikana í görðunum til fjöl-
skyldna. Leigja á húsin við þrjá skólagarða undir starfsemi dagforeldra.
LIÐIN TÍÐ Reykjavíkurborg er að spara og því verður starfsemi Skólagarðanna hætt.
Komið verður til móts við eftirspurn með því að leigja skika í görðunum til almenn-
ings. FRÉTTABLAÐIÐ/VALLI
GUNNAR
HERSVEINN
DÓMSMÁL Eigandi skemmtistaðar-
ins Sjallans á Akureyri, karlmaður
nær sextugu, hefur verið dæmdur
í Héraðsdómi Norðurlands eystra
til að greiða 400 þúsunda króna
sekt í ríkissjóð fyrir brot gegn
lögum um brunavarnir á staðnum.
Þegar slökkviliðsstjórinn á
Akureyri skoðaði eldvarnir húss-
ins að beiðni lögreglu aðfaranótt
sunnudagsins 21. febrúar 2010
kom í ljós að allar flóttaleiðir voru
ófærar. Meðal skemmtiatriða
í húsinu umrætt kvöld var eld-
gleypir sem lék listir sínar fyrir
gesti staðarins. Taldi dómurinn
það ekki hafa minnkað alvarleika
málsins.
Fram kom að umrædda nótt hafi
Sjallinn verið opinn fyrir almennt
skemmtanahald með brunavarn-
ir á skemmtistaðnum í miklum
ólestri. Við skoðun hafi komið í
ljós þeir ágallar á brunavörnum að
neyðarútgangur á suðausturhorni
hússins hafi verið skrúfaður fast-
ur og aðrar flóttaleiðir gesta ýmist
bilaðar, eða hindraðar með stólum,
bjórkútum, snjó og fleiru og slökkt
hafði verið á brunavarnarkerfinu.
Slökkviliðsstjóranum tókst ekki
að sparka upp hurðinni á neyðar-
útganginum þótt hann reyndi það.
Eigandinn játaði sök fyrir dómi.
- jss
Eigandi Sjallans dæmdur til að greiða 400 þúsund krónur í sekt:
Eldgleypir skemmti í brunagildru
SJALLINN Á AKUREYRI Brunavarnir og
eftirlit hafa verið stórlega bætt.
ALÞINGI Lilja Mósesdóttir og Atli
Gíslason sitja hvort í sinni fasta-
nefnd þingsins eftir nefndakosn-
ingar í gær.
Í kjölfar úrsagnar þeirra úr
þingflokki Vinstri grænna misstu
þau sæti sín í fastanefndum og
var útlit fyrir að þau tækju ekki
frekari þátt í nefndastörfum
þingsins. Að tilstuðlan Margrétar
Tryggvadóttur í Hreyfingunni
varð að samkomulagi að Lilja
tæki sæti í efnahags- og skatta-
nefnd og Atli í sjávarútvegs- og
landbúnaðarnefnd. - þj
Atli og Lilja eftir úrsögn:
Sitja hvort í
sinni nefndinni
EIN NEFND HVORT Atli Gíslason og Lilja
Mósesdóttir eru nú í einni fastanefnd
alþingis hvort. FRÉTTABLAÐIÐ/STEFÁN
MENNING Fréttablaðið birtir
næstu daga þrjá texta sem urðu
hlutskarpastir í Áttu orð? –
textasamkeppni hugvísindasviðs
Háskóla Íslands.
Hugvísindasvið efndi til sam-
keppninnar í tilefni af aldar-
afmæli háskólans og var hún
opin öllum nemendum, kenn-
urum og öðrum starfsmönnum
HÍ. Hátt í 200 textar bárust í
keppnina.
Dómnefnd valdi úr 25 texta
sem voru til sýnis í Kringlunni
en 19. mars var tilkynnt hvað
þrír textar dómnefnd þóttu
skara fram úr. Fréttablaðið birt-
ir í dag textann sem lenti í þriðja
sæti: „Guðs dýrðar Kanaan“
eftir Þórdísi Eddu Jóhannesdótt-
ur. - bs / sjá síðu 36
Textasamkeppni HÍ:
Fréttablaðið
birtir verð-
launatextana
LANDSDÓMUR Saksóknari Alþingis er löglega kjörinn
þrátt fyrir að hann hafi ekki verið kjörinn á sama
þingi og ákvað að ákæra skyldi Geir H. Haarde,
fyrrverandi forsætisráðherra, fyrir landsdómi.
Þetta kemur fram í dómi landsdóms, sem hafnar
kröfu Geirs um að máli á hendur honum verði vísað
frá.
Í lögum um landsdóm segir að þegar Alþingi
ákveði að ákæra fyrir landsdómi skuli „jafnframt“
kjósa saksóknara til að sækja málið. Eftir að ákveð-
ið var að ákæra Geir var þingi slitið og var því sak-
sóknarinn kosinn á nýju þingi. Það taldi verjandi
Geirs gera það að verkum að saksóknarinn væri
ekki rétt kjörinn og því ætti að vísa málinu frá.
„Á kosningu saksóknara [...] urðu engar slíkar
tafir að til réttarspjalla gætu horft gagnvart [Geir],“
segir í dómi Landsdóms.
Þar segir jafnframt að ekki sé hægt að líta svo á
að ákvörðun um að ákæra og ákvörðun um saksókn-
ara verði að koma fram í einu og sama þingmálinu.
Kosning Alþingis á saksóknara sé því lögleg.
- bj
Landsdómur hafnar kröfum Geirs H. Haarde um að ákæru verði vísað frá:
Saksóknarinn löglega kjörinn
ÁKÆRÐUR Kröfu Geirs H. Haarde um að ákæru á hendur
honum fyrir landsdómi yrði vísað frá hefur verið hafnað.
FRÉTTABLAÐIÐ/VALLI
BRETLAND, AP Breska lögreglan
býr sig nú undir fjölmennan
mótmælafund, sem boðað hefur
verið til í London á laugardag
gegn efnahagsaðgerðum stjórn-
valda, sem bitnað hafa harkalega
á almenningi.
Talið er að mótmælin verði ein
þau fjölmennustu sem efnt hefur
verið til um árabil. Lögreglan
hefur nú boðað að hún ætli að
nota samskiptasíðuna Twitter til
að ná eyrum mótmælenda jafn-
skjótt og eitthvað kemur upp á,
meðal annars til að kveða niður
orðróm, draga úr áhyggjum og
koma viðvörunum á framfæri.
- gb
Bretar búast til mótmæla:
Lögregla boðar
Twitter-notkun
HEILBRIGÐISMÁL Sala á neftóbaki
rúmlega tvöfaldaðist á sjö ára bili
frá 2003 til 2010, úr 11,7 tonnum
upp í 25,5 tonn.
Þetta kom fram í svari Guð-
bjarts Hannessonar velferðarráð-
herra í gær við fyrirspurn Sivjar
Friðleifsdóttur um tóbaksnotkun
hér á landi síðustu sjö ár.
Þar kom líka fram að sífellt
drægi úr reykingum þar sem
rúm 14 prósent Íslendinga reyktu
á síðasta ári og íþróttaiðkendur
væru síður líklegir til að reykja.
- þj
Tóbaksnotkun á Íslandi:
Neftóbakssala
tvöfaldaðist
490 milljónir til Noregs
Tveir heppnir Norðmenn skiptu með
sér fyrsta vinningnum í Víkinga lottó-
inu í gær. Þeir fengu 245 milljónir
króna hvor.
VÍKINGALOTTÓ
PORTÚGAL, AP José Socrates sagði
í gær af sér embætti forsætis-
ráðherra Portúgals. Afsögnin
kom eftir að stjórnarandstöðu-
flokkarnir tóku sig saman um að
hafna frumvarpi hans um niður-
skurði á ríkisútgjöldum.
Stjórnarandstöðunni fannst
sem niðurskurðurinn gengi of
langt og hafnaði því lögunum.
Socrates sagði í yfirlýsingu að
höfnunin gerði honum ómögulegt
að tryggja efnahagslega framtíð
landsins, en skuldastaða Portú-
gals verður rædd á leiðtogafundi
Evrópusambandsins í dag. - þj
Hræringar vegna skulda:
Ríkisstjórnin í
Portúgal fallin
SPURNING DAGSINS