Fréttablaðið - 24.03.2011, Blaðsíða 61

FIMMTUDAGUR 24. mars 2011 45
„Þetta eru myndir sem rosalega margir hafa
séð í sjónvarpi en ekki í kvikmyndahúsi,“
segir Haukur Viðar Alfreðsson, formaður
Sci-Fi klúbbsins Zardoz í Bíó Paradís.
Klúbburinn var stofnaður fyrir skömmu
og heldur fyrstu sýninguna á morgun.
Þá verða sýndar kvikmyndirnar The
Terminator frá 1984 og Robocop frá 1987
sem eru að sögn Hauks tvær af helstu Sci-Fi
kvikmyndastórvirkjum níunda áratugarins.
Hann segir myndirnar tvær höfða til ótrú-
lega stórs hóps. „Ekki bara til sci-fi ofur-
nörda,“ segir Haukur. „Mér fannst sterkur
leikur að byrja á myndum sem fleiri hefðu
mögulega áhuga á að sjá til að kynna klúbb-
inn fyrir fólki.“
Sci-Fi klúbburinn Zardoz er með mánaðar-
legar sýningar í Bíó Paradís og ætlar að
sýna alls konar myndir frá ýmsum tímabil-
um, bæði klassísk stórvirki sem og minna
þekktar B-myndir. Sýningarnar eru síðasta
föstudag hvers mánaðar. „Við ætlum ekki
að horfa á Star Trek allan daginn,“ segir
Haukur í léttum dúr. „Sci-Fi myndir eru alls
konar. Þær leka oft inn í aðra flokka, eins
og hasar og jafnvel hrylling. Ég býst við að
þetta verði ekki bara sveittir karlmenn í
Nexusbolum þótt ég voni svo sannarlega að
það verði eitthvað um þá. Þeir eru hjartan-
lega velkomnir.“
Miðasala gengur vel að sögn Hauks. Svo
vel að sýningin hefur verið færð úr sal tvö í
sal eitt. Miðasala fer fram í Bíó Paradís og á
Midi.is.
Robocop og Terminator í Bíó Paradís
VÍSINDASKÁLDSKAPUR Haukur Viðar hyggst kynna
klassískar sci-fi myndir fyrir áhugasömum.
FRÉTTABLAÐIÐ/VALLI
Plötu Davids Bowie, Toy, sem
útgáfufyrirtæki hans hætti við
að gefa út árið 2002, hefur verið
lekið á netið. Á plötunni eru nýjar
útgáfur af mörgum af hans eldri
lögum, þar á meðal In the Heat of
the Morning og Liza Jane, fyrsta
smáskífulaginu hans. Platan kom
aldrei út á vegum Virgin, meðal
annars vegna höfundarréttar-
mála. Eftir að Bowie stofnaði
eigið útgáfufyrirtæki, ISO, hafa
fimm lög af plötunni verið gefin
út. Bowie hefur ekki gefið út
nýja plötu í átta ár.
Lítið hefur spurst
af honum síðan
hann gekkst undir
hjartaaðgerð árið
2004.
Týndri plötu
lekið á netið
Boxhanskar sem Sylvester Stal-
lone notaði í Rocky-myndunum
og sloppurinn sem Jeff Bridges
klæddist í hlutverki sínu sem The
Dude í gamanmyndinni The Big
Lebowski eru á meðal safngripa
sem verða seldir á uppboði í Los
Angeles í maí. Jakki sem James
Dean klæddist í kvikmyndinni
Rebel without a Cause sem kom
út 1955 verður einnig til sölu á
uppboðinu. Á meðal fleiri muna
verður gullkálfur sem var not-
aður í myndinni The Ten Comm-
andments og handskrifað bréf frá
Walt Disney, stofnanda Disney-
veldisins.
Boxhanskar
boðnir upp
ROCKY Boxhanskar úr Rocky-mynd-
unum verða seldir á uppboði í maí.
DAVID BOWIE Plötunni
Toy hefur verið lekið á
netið, níu árum eftir
að hún átti að
koma út.
Michael Stipe, söngvari R.E.M.,
segist hafa tekið upp síðustu
plötu hljómsveitarinnar á
iPhone-símann sinn. Platan Col-
lapse Into Now kom út 7. mars og
á meðal gesta á henni eru Eddie
Vedder úr Pearl Jam, Patti Smith
og Peaches. „iPhone-síminn er
skrifblokkin mín. Ég meira að
segja tók upp og samdi alla plöt-
una á símann minn,“ sagði Stipe.
„Það er frábært að nota þessa
tækni því þá þarf maður ekki
að vera með bréfsnepla á víð og
dreif.“
Tók upp plötu
á iPhone
MICHAEL STIPE Söngvari R.E.M. notaði
iPhone til að taka upp síðustu plötu.