Fréttablaðið - 20.04.2011, Blaðsíða 16

16 20. apríl 2011 MIÐVIKUDAGUR
FRÁ DEGI TIL DAGS
greinar@frettabladid.is
FRÉTTABLAÐIÐ Skaftahlíð 24, 105 Reykjavík SÍMI: 512 5000, ritstjorn@frettabladid.is FRÉTTASTJÓRAR: Arndís Þorgeirsdóttir arndis@frettabladid.is, Kristján Hjálmarsson, kristjan@frettabladid.is Trausti Hafliðason trausti@frettabladid.is og Höskuldur Daði Magnússon (dægurmál) hdm@frettabladid.is
HELGAREFNI: Sigríður Björg Tómasdóttir sigridur@frettabladid.is MENNING: Bergsteinn Sigurðsson bergsteinn@frettabladid.is ALLT OG SÉRBLÖÐ: Roald Eyvindsson roald@frettabladid.is og Sólveig Gísladóttir solveig@frettabladid.is
ÍÞRÓTTIR: Sigurður Elvar Þórólfsson seth@frettabladid.is LJÓSMYNDIR: Pjetur Sigurðsson pjetur@frettabladid.is FRAMLEIÐSLUSTJÓRI: Kolbrún Ingibergsdóttir kolbrun@frettabladid.is
ÚTGÁFUFÉLAG: 365 miðlar ehf. STJÓRNARFORMAÐUR: Ingibjörg S. Pálmadóttir FORSTJÓRI OG ÚTGÁFUSTJÓRI: Ari Edwald
RITSTJÓRI: Ólafur Þ. Stephensen olafur@frettabladid.is AÐSTOÐARRITSTJÓRI: Steinunn Stefánsdóttir steinunn@frettabladid.is
Fréttablaðið kemur út í 90.000 eintökum og er dreift ókeypis á heimili á höfuðborgarsvæðinu og Akureyri. Einnig er hægt að
fá blaðið í völdum verslunum á landsbyggðinni. Fréttablaðið áskilur sér rétt til að birta allt efni blaðsins í stafrænu formi og í
gagnabönkum án endurgjalds. Issn 1670-3871
HALLDÓR
Borgarstjórnarmeirihluta Samfylkingar og Besta flokksins hefur mistekist að
standa með farsælum hætti að hagræð-
ingu í leikskólum, grunnskólum og frí-
stundaheimilum Reykjavíkurborgar. Ríkir
uppnám í mörgum skólum og frístunda-
heimilum vegna óvandaðra tillagna meiri-
hlutans um samrekstur og sameiningu
þessara stofnana. Þessi vinnubrögð koma
fram með flausturslegum vinnubrögðum,
miklum flýti og ónógu samráði við
hagsmunaaðila.
Fyrir liggur fjöldi umsagna frá skólum,
foreldrum, skólastjórnendum, starfsmönn-
um og fleiri aðilum vegna þessara til-
lagna. Í 90% tilvika er eindregin afstaða
tekin gegn vinnubrögðum meirihlutans
auk þess sem 12 þúsund foreldrar hafa
mótmælt þessum áformum með undir-
skriftasöfnun.
Ljóst er að margvísleg tækifæri liggja í
auknu samstarfi og/eða samrekstri skóla
og frístundaheimila en mikilvægt er að
vandað sé til þeirrar vinnu og tryggt að
ekki sé slakað á faglegum kröfum. Áður
en afdrifaríkar ákvarðanir eru teknar
um breytingar á fyrirkomulagi skóla-
og frístundastarfs yngstu barnanna,
er nauðsynlegt að fram fari samráð og
stefnumótunarvinna með aðkomu allra
hagsmunaaðila.
Vanhugsaðar tillögur
Sama dag og menntaráð og íþrótta- og tóm-
stundaráð skiluðu umsögnum sínum vegna
umræddra tillagna í síðustu viku, var
meirihlutinn tilbúinn með nýjar breyting-
artillögur á yfirstjórn menntasviðs, leik-
skólasviðs og íþrótta- og tómstundasviðs.
Meirihlutinn kaus að leyna tillögunum
fyrir þessum ráðum og taldi enga ástæðu
til að fá þær í lýðræðislega umræðu. Til-
lögurnar voru síðan fluttar fyrirvaralaust
í borgarráði daginn eftir (fimmtudag) og
aukafundur boðaður í borgarráði á mánu-
dagsmorgni svo hægt væri að samþykkja
þær á methraða. Það er í takt við annað
að stjórnkerfisnefnd borgarinnar, sem á
að fjalla um allar slíkar breytingar, hefur
ekki fundað í tvo mánuði.
Meirihluti Samfylkingar og Besta
flokksins hefur með illa unnum og van-
hugsuðum tillögum valdið uppnámi í
skóla- og frístundastarfi í borginni. Það
er ótækt að meirihlutinn beiti svo óvönd-
uðum vinnubrögðum í þessum mikilvæga
málaflokki, sem snýr beint að þjónustu við
börn og ungmenni.
Uppnám í skóla- og frístundastarfi
Menntamál
Kjartan
Magnússon
borgarfulltrúi
Sjálfstæðisflokks
Krókur á móti bragði
Ljóst er að þingmenn Sjálfstæðis-
flokksins eru lítt spenntir fyrir því að
rannsóknarnefnd verði falið að skoða
aðdragandann að stuðningi Íslands
við innrásina í Írak 2003. Þegar málið
var afgreitt úr utanríkismálanefnd og
lagt til að það yrði samþykkt með
tilteknum breytingum voru fulltrúar
flokksins fjarverandi. Þeir hafa nú lagt
fram sína eigin breytingatillögu sem
snýst um að sömu meðulum verði
beitt á Líbíu-málið. Forvitnilegt
verður að sjá hvort stjórnarliðar fall-
ist á að aðdragandinn að stuðningi
Íslands við loftárásirnar á Gaddafí
og félaga verði rannsakaður.
Fyrirmynd
Þegar þjóðir heims líta í kringum sig
og skoða hvaða ríki brugðust rétt við
efnahagshruninu 2008 staðnæmast
þær við Ísland. Kann að hljóma
ótrúlega en er samt satt. Meðferð
Íslendinga á bönkunum í kjölfar þess
að þeir stóðu frammi fyrir þroti var sú
eina rétta í stöðunni. Nú síðast
segir New York Times að
sú leið að ábyrgjast ekki
skuldir bankakerfisins og
neyða erlenda kröfuhafa
til að taka á sig tap
virðist æ skynsamlegri
enda sé efnahagur lands-
ins að ná sér á strik á ný.
Höfundurinn
Grunnurinn að þeim aðgerðum
sem ákveðnar voru í byrjun október
2008 voru neyðarlögin svokölluðu.
Þau voru smíðuð í Stjórnarráðinu
í flýti þegar önnur sund reyndust
lokuð. Arkitekt þeirra var
Baldur Guðlaugsson,
ráðuneytisstjóri í
fjármálaráðuneytinu.
Snarræði hans þá
varð líklega til þess
að þjóðin sér fram
úr vanda sínum. Oft
kemur upphefðin að
utan.
bjorn@frettabladid.is
www.listahatid.is
TRYGGÐU ÞÉR MIÐA!
Þ
að fer ekki framhjá vegfarendum, hvað þá þeim sem búa
og starfa í miðborg Reykjavíkur, að þar eru mörg hús í
skelfilegri niðurníðslu. Í Fréttablaðinu í gær kom fram
að byggingafulltrúi Reykjavíkurborgar hefði árið 2008
gert ýtarlega úttekt á ástandi húsa í miðborginni og sent
eigendum hundraða húsa bréf þar sem farið var fram á að þeir
héldu húsunum betur við, annars yrði dagsektum beitt.
Nú eru liðin hátt í þrjú ár og
enn hefur dagsektaúrræðið ekki
verið notað. Í upphafi var gefin
sú ástæða að efnahagslífið fór
á hliðina stuttu eftir að hótunin
um dagsektir var send út. Það
var kannski gild ástæða þá en er
það varla lengur. Páll Hjaltason,
formaður skipulagsráðs Reykja-
víkur, sagði í viðtali hér í blaðinu í ágúst í fyrra að búast mætti
við því að dagsektum yrði beitt „á næstu vikum“ en ekkert hefur
ennþá gerzt.
Sjálfsagt eru einhverjir eigendur niðurníddra húsa í miðbænum
fólk sem ekki hefur mikið handa á milli og myndi ekki ráða við
að greiða dagsektir. En eins og Páll bendir á í Fréttablaðinu í gær
eru nú margar eignanna í eigu bankanna eða fyrirtækja sem eru í
fanginu á bönkunum. Þeir eiga að hafa bolmagn til að halda eignum
sínum við með mannsæmandi hætti.
Magnús Sædal byggingafulltrúi segir í Fréttablaðinu í gær að
Íslendingar þurfi að taka sig á og fara að haga sér „eins og siðaðar
þjóðir og halda mannvirkjum okkar við“. Það er mikið til í því. Í
mörgum miðborgum kæmust húseigendur ekki upp með að trassa
viðhaldið eins og víða er gert í miðborg Reykjavíkur.
Vandinn er hins vegar mun víðtækari, eins og Páll Hjaltason
sýndi raunar heilmikinn skilning á í viðtalinu hér í blaðinu í fyrra.
Það vantar miklu markvissari stefnu um hvaða byggingar beri að
vernda í miðborginni og hvaða skilmálum nýbyggingar eigi að lúta.
Undanfarin ár hafa verktakar komizt upp með að sanka að sér
eignum, leyfa þeim að drabbast niður og leigja þær jafnvel ógæfu-
fólki sem er öllum til ama, þannig að allir verði dauðfegnir þegar
verktakarnir bjóðast til að rífa kofana, sameina lóðir og byggja ný,
stærri og nútímalegri hús í staðinn.
Ein afleiðing þessarar stefnu er rýrnun á byggingararfleifð
Reykvíkinga, sem eiga lítið af gömlum húsum og eiga að kapp-
kosta að vernda þau, og þá helzt þar sem þau hafa alltaf staðið.
Önnur afleiðing er allt of mikið af nýbyggingum sem fara illa í
gamla bænum og eru sumar hverjar ósvífin árás á fegurðarskyn
og smekkvísi.
Núna, þegar áformin um allar nýju gler- og steypuhallirnar í
miðbænum eru í frosti vegna kreppu, er tækifærið til að vinda ofan
af þessari þróun. Það gerist ekki nema með markvissri stefnumótun
borgaryfirvalda. Dæmin eru mýmörg frá nágrannalöndunum um
að gömul, niðurnídd borgarhverfi hafa gengið í endurnýjun líf-
daga með skynsamlegu samstarfi borgaryfirvalda og húseigenda.
Og enginn skilur í dag af hverju menn vildu einu sinni rífa gömlu
húsin, því að þau eru hið raunverulega aðdráttarafl miðbæjanna.
Ástand margra húsa í miðbænum er til skammar.
Hvað á að friða
og hvað má rífa?
Ólafur Þ.
Stephensen
olafur@frettabladid.is
SKOÐUN