Fréttablaðið - 02.05.2011, Blaðsíða 4

2. maí 2011 MÁNUDAGUR4
EVRÓPUMÁL Evrópusambandið (ESB) virðist
stefna á að taka upp marga meginþætti íslenska
fiskveiðistjórnunarkerfisins. Framseljanlegar
aflaheimildir og bann við brottkasti eru þar
veigamestar en hugmyndafræðin er sú sama og
íslenskra stjórnvalda við innleiðingu breyttrar
veiðistjórnunar á sínum tíma.
Framkvæmdastjórn ESB vinnur nú að því
að móta tillögur að breytingum á sameigin-
legu fiskveiðistjórnunarkerfi sambandsins sem
munu líta dagsins ljós í júlí næstkomandi. Til-
lögurnar miða að því að snúa við óheillaþróun
síðustu ára og bjarga ofveiddum fiskistofnum
fyrir árið 2015. Þetta er takmark Maríu Dam-
anaki, sjávarútvegsstjóra ESB, að sögn dag-
blaðsins Europolitics, eða að fiskveiðar innan
ESB verði sjálfbærar hið fyrsta.
Tillögurnar kallast mjög á við íslenska kerf-
ið eins og það er í dag. Framseljanlegar afla-
heimildir yrðu teknar upp með kvóta á einstök
skip. Framsal á milli skipa sem gera út undir
sama fána yrði leyft. Þetta yrði ekki síst gert
til að minnka evrópska flotann sem er allt of
stór miðað við mögulega veiði. Framkvæmda-
stjórnin íhugar jafnframt að banna brottkast
sem hefur lengi verið ljóður á kerfinu og þyrnir
í augum allra sem koma að útgerð.
Eiríkur Bergmann Einarsson, dósent við
Háskólann á Bifröst og forstöðumaður Evrópu-
fræðaseturs, segir að nái tillögurnar fram að
ganga yrði það til að kollvarpa núverandi kerfi
ESB. „Með þeim nálgast ESB íslenska fiskveiði-
stjórnunarkerfið í mikilvægum atriðum. Hér er
þó aðeins um að ræða tillögur og með öllu óvíst
hvort eða í hvaða formi þær muni ná fram að
ganga. Það er langur og grýttur vegur enn í
þeim efnum.“
Aðalsteinn Leifsson, lektor við viðskiptadeild
Háskólans í Reykjavík, segir að framkvæmda-
stjórnin þekki vel til fiskveiðistjórnunar hér og
í Noregi. Áherslan sé á að ná fram ábyrgari og
hagkvæmari nýtingu auðlindarinnar með því
að minnka sókn, banna brottkast og minnka
miðstýringu. „Ef til vill má segja að menn horfi
meira til félagslegra sjónarmiða og byggðasjón-
armiða hjá ESB. Sjávarútvegur er víða óburðu-
gur innan aðildarríkjanna og það má gera ráð
fyrir viðbrögðum við breytingum sem fela í sér
minni og hagkvæmari sókn.“
Í grein Europolitics kemur fram að hug-
myndirnar mæti andstöðu, meðal annars í
Frakklandi þar sem litið er á fiskveiðar sem
sameign undir forræði ríkisins og að markaðs-
öflin eigi þar ekki að hafa aðkomu. Spánverjar
vilja ekki banna brottkast með öllu og margar
þjóðir finnt takmarkið um sjálfbærni árið 2015
óraunhæft, segir í frétt Europolitics.
svavar@frettabladid.is
Tillögur um fiskveiðistjórn
í anda íslenska kerfisins
Framkvæmdastjórn ESB vinnur með hugmyndir sem bylta munu fiskveiðistjórnun innan sambandsins.
Þær eru mjög í anda íslenska kerfisins með upptöku framseljanlegra aflaheimilda og banni við brottkasti.
■ Markmið íslenskra stjórnvalda með stjórn
fiskveiða er lögum samkvæmt að stuðla að
verndun og hagkvæmri nýtingu nytjastofna
og tryggja með því trausta atvinnu og byggð
í landinu.
■ Við stjórnun veiða íslenskra skipa er ýmsum
aðferðum beitt. Þar má nefna úthlutun
veiðileyfa og aflaheimilda, reglur um gerð og
útbúnað veiðarfæra og lokanir veiðisvæða.
■ Allar fiskveiðar í atvinnuskyni eru háðar leyfi
frá Fiskistofu. Að jafnaði eru um 1.300 skip
og bátar með leyfi frá Fiskistofu til veiða í
atvinnuskyni.
■ Fiskistofa úthlutar aflamarki (í tonnum) til
veiða á kvótabundnum tegundum til eins
fiskveiðiárs í senn á grundvelli aflahlut-
deildar hlutaðeigandi skips og ákvörðunar
sjávarútvegs- og landbúnaðarráðherra um
leyfilegan heildarafla í einstökum tegundum á
fiskveiðiárinu.
■ Aflaheimildir verða lögum samkvæmt alltaf
að vera bundnar við fiskiskip. Að tilteknum
skilyrðum uppfylltum og með ákveðnum
takmörkunum er heimilt er að flytja aflaheim-
ildir á milli fiskiskipa. Flutningur aflaheimilda
öðlast ekki gildi fyrr en Fiskistofa hefur stað-
fest hann.
■ Heimilt er að flytja allt að 15 prósent af
aflamarki flestra tegunda frá einu fiskveiðiári
yfir á það næsta og þá er heimilt að veiða allt
að 5 prósent umfram úthlutað aflamark skips
á einstöku fiskveiðiári og dregst sá afli frá
úthlutun á næsta ári.
■ Aflamark er tvenns konar, almennt aflamark,
sem nýta má með veiðum með öllum leyfi-
legum veiðarfærum og krókaaflamark sem
einungis er heimilt að nýta með krókaveiðar-
færum (handfæri og lína). Bátar sem stunda
veiðar á grundvelli krókaaflamarks eru minni
en 15 brúttótonn.
Heimild: Fiskistofa
Um fiskveiðistjórnun
BROTTKAST Helsti ljóður á fiskveiðistjórnun í ESB hefur
verið gegndarlaust brottkast.
MARIA
DAMANAKI
AÐALSTEINN
LEIFSSON
EIRÍKUR
BERGMANN
KJARAMÁL „Þetta er sá frostavetur sem
íslenskt launafólk hefur gengið í gegnum
og þetta er sá frostavetur sem við viljum
sjá ljúka. Við viljum sjá vor, vor hins vinn-
andi manns,“ sagði Gylfi Arnbjörnsson, for-
seti ASÍ, í ræðu sinni á Akureyri í tilefni af
alþjóðlegum baráttudegi verkalýðsins í gær.
Gylfi sagði að öflugt velferðarsamfélag yrði
aðeins reist á trúverðugum og varanlegum
efnahagslegum stöðugleika og uppbyggingu.
Þá vék hann meðal annars að aðildarviðræð-
um við Evrópusambandið, sem hann sagði
mikilvægt að þjóðin fengi að taka afstöðu til í
þjóðaratkvæðagreiðslu.
Að venju fóru fram hátíðahöld í tilefni
dagsins víða um land. Í ræðu sinni á útifundi
á Austurvelli gerðu nokkrir gestir hróp að
Signýju Jóhannesdóttur, varaforseta ASÍ,
þegar hún hélt þar ræðu sína. Kveikt var á
blysi fyrir framan ræðupúltið og Signý meðal
annars kölluð svikari og spurð hvers vegna
sjálfur forseti ASÍ hefði ekki haldið ræðu í
Reykjavík.
Forsetahjónin Ólafur Ragnar Grímsson og
Dorrit Moussaflutti hátíðarávarp í íþrótta-
höllinni, en hundrað ár voru liðin frá stofnun
Verkamannafélags Húsavíkur. - kg
Forseti ASÍ hélt ræðu á Akureyri í tilefni af baráttudegi verkalýðsins í gær:
Kallar eftir vori hins vinnandi manns
VEÐURSPÁ
Alicante
Basel
Berlín
Billund
Frankfurt
Friedrichshafen
Gautaborg
Kaupmannahöfn
Las Palmas
London
Mallorca
New York
Orlando
Ósló
París
San Francisco
Stokkhólmur
HEIMURINN
Vindhraði er í m/s.
Hitastig eru í °C.
Gildistími korta er um hádegi.
18°
21°
13°
10°
18°
19°
9°
9°
21°
16°
19°
18°
31°
11°
21°
17°
7°
Á MORGUN
Hæglætis veður.
MIÐVIKUDAGUR
Hæg suðaustlæg eða
breytileg átt.
8
10
10
12
9
15
14
14
11
4
7
5
14
5
6
6
4
3
2
6
3
8
10
13
13
12
14
11
11
10 10
12
ÞETTA ER ALLT AÐ
KOMA Hlýnandi
veður um vestan-
vert landið í dag og
léttir einnig til. Útlit
fyrir þurrt veður
og tveggja stafa
hitatölur í fl estum
landshlutum í vik-
unni og því engar
líkur á snjókomu!
Elísabet
Margeirsdóttir
veður-
fréttamaður
KÍNA, AP Reykingabann hefur tekið
gildi í Kína. Markmið bannsins
er að draga úr dauðsföllum sem
rekja má til reykinga.
Ekki er leyfilegt að reykja á
veitingastöðum, hótelum, lest-
arstöðvum og í leikhúsum en þó
verður áfram leyfilegt að reykja
á vinnustöðum. Bannið hefur sætt
gagnrýni því engin refsing er við
broti á því og þess vegna talið
ólíklegt að banninu verði fylgt
eftir. Mikill fjöldi Kínverja virðist
alveg ómeðvitaður um þær hættur
sem stafa af reykingum og aðeins
einn af hverjum fjórum þekkir
slæm áhrif óbeinna reykinga. - sm
Reykingabann sett í Kína:
Ómeðvitaðir
um hætturnar
REYKT Í KÍNA Kínverjar munu enn mega
reykja í vinnunni. NORDICPHOTOS/AFP
LÖGREGLAN Breyttur útivistartími
barna og unglinga tók gildi í gær.
Nú mega börn tólf ára og yngri
vera úti til klukkan tíu á kvöldin
og unglingar sextán ára og yngri
til miðnættis. Í tilkynningu frá
Lögreglunni kemur fram að börn
mega ekki vera á almannafæri
utan fyrrgreinds tíma nema í
fylgd með fullorðnum.
Reglur um útivistartíma barna
eru samkvæmt barnaverndarlög-
um og er meðal annars ætlað að
tryggja börnum nægan svefn. - sm
Breyttur útivistartími barna:
Útivistartími
barna lengist
UNGUR NEMUR Ungviðið lét sig ekki vanta á útifund-
inn á Austurvelli í tilefni af 1. maí.
FRÉTTABLAÐIÐ/ANTON
GENGIÐ 29.04.2011
AUGLÝSINGADEILDIR FRÉTTABLAÐSINS – AUGLÝSINGASTJÓRI: Jón Laufdal jonl@frettabladid.is ALMENNAR SÍMI 512-5401: Hendrik Sigurðsson hendrik@frettabladid.is, Guðmundur Steinsson gudmundurs@365.is, Laila Awad laila@365.is, Örn Geirsson orn.geirsson@365.is, Hjördís Zoëga hjordis@frettabladid.is
ALLT SÍMI 512-5402: Jóna María Hafsteinsdóttir jmh@365.is, Þórdís Hermannsdóttir thordish@365.is SÉRBLÖÐ SÍMI 512-5016: Sigríður Hallgrímsdóttir sigridurh@frettabladid.is, Hlynur Þór Steingrímsson hlynurs@365.is, Benedikt Freyr Jónsson benediktj@365.is RAÐAUGLÝSINGAR /FASTEIGNIR SÍMI 512-5403:
Hrannar Helgason hrannar@365.is, Viðar Ingi Pétursson vip@365.is ÞJÓNUSTUAUGLÝSINGAR SÍMI 512-5407: Sigurlaug Aðalsteinsdóttir sigurlaug@365.is, Arna Rut Kristinsdóttir arnarut@365.is, Guðný Gunnlaugsdóttir gunny@365.is KYNNINGARSTJÓRI: Einar Skúlason einar.skulason@365.is
GJALDMIÐLAR KAUP SALA
HEIMILD: Seðlabanki Íslands
218,1875
GENGISVÍSITALA KRÓNUNNAR
110,60 111,12
184,21 185,11
164,35 165,27
22,036 22,164
21,080 21,204
18,406 18,514
1,3589 1,3669
179,34 180,40
Bandaríkjadalur
Sterlingspund
Evra
Dönsk króna
Norsk króna
Sænsk króna
Japanskt jen
SDR