Fréttablaðið - 09.05.2011, Side 6

9. maí 2011 MÁNUDAGUR6
Tímapantanir í síma 563 1046 og 563 1060.
Ágúst Birgisson lýtalæknir.
www.ablaeknir.is
Hef flutt læknastofu mína úr húsi
Lífssteins yfir í Domus Medica.
-
-
mynstrun@internet.is
www.mynstrun.com
Sími: 898 7436
Komum á staðinn
og gerum verðtilboð
ef óskað er.
W W W . M Y N S T R U N . C O M
Við sérhæfum okkur í
vinnu við skrautsteypu,
sem er falleg, endingar-
góð og hagkvæm lausn
fyrir sólpalla, innkeyrslur
og gangstéttir.
Skrautsteypa kemur í
fjölmörgum litum og
mögulegt er að leggja
margskonar mynstur á
hana.
Neyðarlögum aflétt
Neyðarlögum, sem sett voru í konungs-
ríkinu Barein í mars til að bæla niður
mótmæli gegn sitjandi stjórn, verður
aflétt 1. júní. Konungur Barein fyrir-
skipaði þetta í kjölfar þess að helstu
leiðtogar samsæris gegn konungsríkinu
voru dregnir fyrir rétt í gær.
BAREIN
Ók á barn og stakk af
Lögreglan á Akranesi lýsir eftir vitnum
að umferðaróhappi sem varð á
Garðgrund, á móts við verslunina
Samkaup, klukkan 17 á laugardag en
þá var fjórhjóli ekið á barn. Barnið
slasaðist lítillega en ökumaður fjór-
hjólsins lét sig hverfa af vettvangi án
þess að huga að barninu eða gera
lögreglu viðvart. Þeir sem geta veitt
upplýsingar um slysið eru beðnir að
hafa samband við lögregluna.
LÖGREGLUFRÉTTIR
LÍKNARMÁL Fataframleiðandinn
66°Norður færði Fjölskyldu-
hjálp Íslands á dögunum barna-
flíspeysur að andvirði 2,8
milljón ir króna. Flíspeysunum
verður úthlutað til þeirra fjöl-
skyldna sem á þurfa að halda.
Það er von fyrirtækisins að
gjöfin komi að góðum notum.
Fyrirtækið hefur reglulega gefið
Fjölskylduhjálpinni fatnað auk
þess sem Starfsmannafélag Sjó-
klæðagerðarinnar 66°Norður
hefur veitt samtökunum fjár-
stuðning. - sm
Fjölskylduhjálpin fær gjöf:
66°Norður gefa
börnum peysur
Þetta leiðir mögulega til þess að
kröfuhafar óska ekki eftir gjald-
þrotaskiptum til að byrja með,
segir Ásta.
Stefán Ólafsson, félagsfræði-
prófessor við Háskóla Íslands,
segir stjórnvöld hafa grip-
ið til ýmissa aðgerða. „Hvergi
í Evrópu er meira gert fyrir
húsnæðis eigendur í skulda-
vanda,“ segir Stefán.
Athygli vekur að karlmenn
eru í miklum meirihluta þeirra
sem verða gjaldþrota. Dómstól-
ar úrskurða um gjaldþrot ein-
staklinga. Nærri helmingur
gjaldþrotaúrskurða á búum ein-
staklinga frá árinu 2000 er frá
Héraðsdómi Reykjavíkur, um 44
prósent. Ríflega fjórðungur er
frá Héraðsdómi Reykjaness, sam-
tals um 27 prósent. Mun færri
úrskurðir koma frá öðrum dóm-
stólum. brjann@frettabladid.is
Þótt maður vilji ekki
vera með alhæfingar
eru karlmenn áhættusæknari
en konur.
ÁSTA SIGRÚN HELGADÓTTIR
UMBOÐSMAÐUR SKULDARA
FÉLAGSMÁL Mikill meirihluti
þeirra einstaklinga sem verða
gjaldþrota er karlmenn, sam-
kvæmt nýjum tölum sem dóm-
stólaráð tók saman fyrir Umboðs-
mann skuldara.
Ríflega þrír af hverjum fjórum
sem urðu gjaldþrota á síðasta ári
eru karlmenn. Hlutfallið er svip-
að þegar meðaltal síðustu ellefu
ára er skoðað.
„Þótt maður vilji ekki vera
með alhæfingar eru karlmenn
áhættusæknari en konur,“ segir
Ásta Sigrún Helgadóttir, umboðs-
maður skuldara. Hún segir frek-
ari upplýsingar um ástæðu þessa
skorta, en það sé verðugt rann-
sóknarefni.
Í samantekt dómsmálaráðs
kemur fram að fjöldi gjaldþrota
einstaklinga hefur á síðustu
tveimur árum verið svipaður og
á árunum 2006 og 2007. Alls voru
139 úrskurðaðir gjaldþrota á síð-
asta ári, og 112 árið áður. Það eru
talsvert færri en á fyrri hluta síð-
asta áratugar. Árið 2000 voru 478
einstaklingar úrskurðaðir gjald-
þrota, 298 ári síðar og 367 árið
2002.
Fækkun gjaldþrotaúrskurða
einstaklinga bendir til þess að
úrræði stjórnvalda séu farin að
hafa áhrif, eða í það minnsta
að fólk sé í biðstöðu og sé ekki
úrskurðað gjaldþrota á meðan.
Ásta segir að þetta bendi ein-
dregið til þess að möguleikinn á
því að fá greiðsluaðlögun virki.
„Gríðarlega margir hafa sótt um
það úrræði, sem vissulega forðar
fólki frá gjaldþroti,“ segir Ásta.
Fólk sem óskar eftir greiðslu-
aðlögun kemst í skjól frá kröfu-
höfum og fer ekki í gjaldþrot.
Mun fleiri karlmenn
hafa orðið gjaldþrota
Karlmenn eru í miklum meirihluta þeirra sem verða gjaldþrota. Ríflega þrír
af hverjum fjórum sem fara í þrot eru karlmenn. Bendir til áhættusækni segir
umboðsmaður skuldara. Færri verða gjaldþrota nú en í byrjun síðasta áratugar.
500
400
300
200
100
0
20
00
20
01
20
02
20
03
20
04
20
05
20
06
20
07
20
08
20
09
20
10
Heimild: Umboðsmaður skuldara
Fjöldi gjaldþrotaúrskurða
Konur
Karlar
Á LÍÚ að fá að koma að laga-
setningu um framtíðarskipulag
fiskveiðistjórnunarkerfisins?
Já 24,9%
Nei 75,1%
SPURNING DAGSINS Í DAG
Ert þú sátt(ur) við nýgerða
kjarasamninga?
Segðu þína skoðun á visir.is

PAKISTAN, AP Bandarísk stjórnvöld
krefjast þess af pakistönskum yfir-
völdum að fá að yfirheyra þrjár
ekkjur Osama bin Laden og fá
aðgang að öllum gögnum sem fund-
ust í húsi bin Laden.
Bandarískir sérsveitarmenn sem
vógu bin Laden síðastliðinn mánu-
dag tóku með sér talsvert magn
af gögnum eftir að þeir skutu bin
Laden til bana í húsi hans í Pakistan.
Þeir skildu þó ekkjur hans og eitt-
hvað af gögnum eftir.
Upplýsingar frá ekkjunum þrem-
ur gætu leitt í ljós hvort einhverjir
innan pakistönsku stjórnarinnar,
eða stjórnsýslunnar, vissu af bin
Laden í landinu. Því hafa pakistönsk
stjórnvöld neitað. Þá gætu konurnar
þrjár varpað ljósi á líf bin Laden frá
innrás Bandaríkjanna í Afganistan
árið 2001.
Árás bandarísku hermannanna
á hús bin Laden sýnir berlega van-
traust bandarískra stjórnvalda á
pakistönskum stjórnvöldum, og
ekki síður ISI, pakistönsku leyni-
þjónustunni. Pakistönsk stjórnvöld
vissu ekki af árásinni á hús bin
Laden fyrr en hún var afstaðin, og
mótmæltu í kjölfarið harðlega hern-
aðaraðgerð Bandaríkjanna innan
sinna landamæra.
Ekkjur bin Laden gætu nú orðið
að vopni í höndum pakistanskra
stjórnvalda. Bandarísk stjórnvöld
vilja yfirheyra þær, og það gætu
pakistönsk stjórnvöld notað sér til
að létta af sér ákveðinni pressu í
samskiptunum við Bandaríkin, sem
styrkja Pakistan með háum upp-
hæðum á hverju ári. - bj
Bandarísk stjórnvöld þrýsta á yfirvöld í Pakistan í kjölfar dráps Osama bin Laden:
Vilja yfirheyra ekkjur bin Laden
VÖRÐUR Pakistanskur hermaður stendur
vörð um húsið þar sem bandarískir
sérsveitarmenn skutu Osama bin Laden
síðastliðinn mánudag. FRÉTTABLAÐIÐ/AP
STJÓRNSÝSLA Forsætisráðuneytið
hefur ítrekað þrýst á Ólaf Ragn-
ar Grímsson, forseta Íslands, að
setja embættinu siðareglur eins
og lagt er til í skýrslu Rannsókn-
arnefndar Alþingis. Forsetinn
hefur ekki orðið við beiðninni. Frá
þessu var greint í fréttum Stöðvar
2 í gærkvöldi.
Forsætisráðuneytið sendi for-
setanum í þrígang bréf í júní og
júlí í fyrra, þar sem hann var
hvattur til fylgja tillögum skýrsl-
unnar.
Í frétt Stöðvar 2 kom jafnframt
fram að af bréfasamskiptum emb-
ættanna tveggja mætti skilja að
forsetanum fyndist forsætisráðu-
neytið sýna af sér óþarfa afskipta-
semi. Fréttastofa Stöðvar 2 hefur
undir höndum öll bréf ráðuneytis-
ins til forsetans.
Í einu bréfa ráðuneytisins til
forsetans segir meðal annars:
„Bréfið fól í sér beiðni um til-
teknar upplýsingar en í því voru
hvorki tilskipanir né „rakalaus til-
raun til íhlutunar í samskipti for-
setaembættisins og Alþingis“ eins
og þér haldið fram í bréfi yðar og
er ástæða til að mótmæla þessari
framsetningu af yðar hálfu.“ - rat
Forsetinn hefur ekki sett sér siðareglur að tillögu rannsóknarnefndar Alþingis:
Skiptast á harðorðum bréfum
EKKI SAMMÁLA Forsætisráðuneytið
þrýstir á forsetann að setja sér siða-
reglur, sem honum virðist þykja óþarfar.
FRÉTTABLAÐIÐ/ANTON
HVOLSVÖLLUR Breytingar á lög-
reglustjóraembættum samkvæmt
nýju frumvarpi mæta mikilli and-
stöðu hjá sveitarstjórn Rangár-
þings eystra.
„Í umdæmi lögreglustjórans á
Hvolsvelli eru uppi afar sérstakar
aðstæður, en gríðarleg náttúruvá
er fyrir hendi; bæði vegna jarð-
skjálfta sem og mikil eldvirkni
eins og nýleg dæmi sanna,“ segir
sveitarstjórnin, sem kveður mikla
þekkingu hafa verið byggða upp
hjá íbúum og starfsfólki embætt-
is lögreglustjórans á Hvolsvelli.
„Með stækkun embættis lögreglu-
stjóra lengjast boðleiðir og hætta
er á að það mikla starf sem unnið
hefur verið falli í glatkistu stórs
embættis.“ - gar
Breytt lögregluumdæmi:
Hætta vegna
lengri boðleiða
KJÖRKASSINN