Fréttablaðið - 26.08.2011, Qupperneq 17

FÖSTUDAGUR 26. ágúst 2011 17
Hafa Framsóknarflokkurinn og Sjálfstæðisflokkurinn
færst lengra til hægri á und-
anförnum mánuðum? Það fer
dálítið eftir því hvaða skilning
menn leggja í hægri. Skilji menn
hægri sem dálæti á hinu þekkta
og liðna ásamt efasemdum um
ágæti þess nýja og óþekkta þá er
svarið já.
Hliðareinkenni þess konar
hægris geta verið fortíðarþrá,
þjóðernishyggja og trúar-
ofsi. Hliðarverkanir eru
einangrunar hyggja, verndar-
stefna og stundum útlendinga-
andúð. Einskis af þessu er þörf í
íslensku samfélagi. Þetta er vont
hægri.
Síðan er það gott hægri. Með
góðu hægri er átt við þá markaðs-
hyggju sem gert hefur öll ríki
Vesturlanda og fjölmörg önnur að
góðum stöðum til að búa á. Góða
hægrið byggir á því að gott sé að
einstaklingar geti eignast hluti,
og geti notað þá í það sem þeim
sýnist. Góða hægrið amast ekki
við því að sumir græði. Á þessu
góða hægri er skortur.
Góða hægrið
Góða hægrið snýst um markaðs-
verð í stað niðurgreiðslu, mark-
aðslausnir í stað ríkislausna og
niðurskurð í stað skattahækkana.
Góða hægrið þarf til dæmis
að vera heiðarlegt í því að það
muni rukka nemendur í háskóla-
námi um hærri skólagjöld. Góða
hægrið þarf að vera heiðarlegt í
því að það muni rukka fólk meira
fyrir þá heilbrigðisþjónustu sem
það fær og ekki leggjast gegn því
að aðrir en ríkið geti rekið eigin
heilbrigðsstofnanir og rukkað
þar enn meira. Síðan þarf góða
hægrið að innleiða markaðslög-
mál í vegakerfið, og láta fram-
vegis einkaaðila sjá um rekstur
meiriháttar umferðarmann-
virkja, sem fjármögnuð yrðu með
veggjöldum. Auðvitað er ekki allt
af þessu endilega massavinsælt.
Auðvitað vilja margir að aðrir
borgi fyrir þeirra nám, upp-
skurði eða vegnotkun. Auðvitað
vilja margir það.
Góða hægrið getur ekki lofað
fólki að bjarga því úr hvers kyns
ógöngum sem það lendir í, sama
hve gjarnan fólk vill heyra slík
loforð. Menn eiga að búa í húsum
sem þeir eiga efni á og keyra
um í bílum sem þeir geta borgað
fyrir. Menn eiga sjálfir að hugsa
fyrir eigin atvinnuleysi en ekki
að gera ráð fyrir að einhverjir
aðrir muni hugsa fyrir því.
Ríkið mun ekki alltaf koma til
bjargar
Hægrimenn eiga ekki að lofa því
að skapa störf eða byggja nýja
og breiðari vegi í því kjördæmi
sem þeir kunna að hafa boðið sig
fram í.
Né heldur að tala fyrir sam-
ræmingu húsaleigu- og vaxta-
bóta heldur aflagningu þeirra.
Loks ættu þeir að leiða baráttuna
fyrir frjálsri verslun með mat-
vörur en ekki að sitja á bekknum
eða styðja við baráttu fyrir hinu
þveröfuga.
Sjálfsþurftarkúrinn
Að mati umboðsmanns Alþingis
brjóta tollalög stjórnarskrá.
Ofurtollastefna Jóns Bjarna-
sonar er auðvitað fráleit. Það
mætti halda að hrun krónunn-
ar og gjaldeyrishindranir væru
meira en nægjanleg markaðs-
vörn fyrir innlenda framleiðslu
á krepputímum án þess að trölla-
tollum væri þar bætt ofan á.
Lítið heyrist þó, enn sem komið
er, frá hægriflokknum um þessi
mál. Þvert á móti er Jón Bjarna-
son mærður fyrir staðfestu sína
í baráttu gegn ESB, en sú stað-
festa byggist auðvitað á sömu
hugmyndafræði fríverslunarhat-
urs og áðurnefnd ofurtollastefna.
Nóg hefur verið skrifað um þá
tilkynningu eins stjórnmálafor-
ingja að hann hyggist einungis
borða mat sem íslenskir menn
hafa handleikið. Ég skal bjóð-
ast til að umhella Hunt’s-tómat-
sósu fyrir Sigmund Davíð svo
hann geti áfram fengið sér eina
með öllu. Að gríni slepptu er
öllum auðvitað frjálst að ákveða
hvað þeir leggja inn fyrir sínar
varir. Svo geta menn lofsam-
að innlenda framleiðslu ef þeir
vilja, vitandi það að neytendur
fá sjaldan tækifæri til að japla
á öðru. En lýsir slíkur hugsana-
gangur meiri hægristefnu? Ef
svo er þá er það allavega ekki
gott hægri.
Ef hægriskoðun felst í þeirri
afstöðu að vilja stuðla að sem
mestri sjálfbærni ríkis í fram-
leiðslu nauðsynja þá er Kim
Jong-il nefnilega dæmi um últ-
rahægrimann. Últrasjálfbærni
hefur verið reynd víða, alls stað-
ar með skelfilegum afleiðingum
fyrir viðkomandi þjóð.
Eitt sannleikskorn kann þann-
ig að leynast í hugmyndafræði
formanns Framsóknarflokksins.
Sannarlega eru fáir Norður-Kór-
eubúar yfir kjörþyngd. Það má
því segja að sjálfsþurftarbúskap-
ur sé með þessum sérstaka hætti
vissulega ákveðið vopn í baráttu
gegn offitu þjóða.
Ég skal bjóðast til að umhella Hunts
tómatsósu fyrir Sigmund Davíð svo hann
geti áfram fengið sér eina með öllu.
Pawel Bartoszek
stærðfræðingur
Í DAG
Of rangt til hægri
Sjálfstæðis-
flokkur sem
breiðfylking!
Hin djúpstæðu átök sem geisa innan Sjálfstæðisflokksins
hafa vart farið framhjá nokkrum
þeim sem fylgist með stjórnmál-
um. Sundrungin ristir djúpt og
lamar flokksstarfið. Hvergi hefur
þessi klofningur verið meira áber-
andi en í Sambandi ungra sjálf-
stæðismanna (SUS) og nægir að
rifja upp þegar heilli farþegaflug-
vél var flogið vestur á Ísafjörð til
að smala sem flestum atkvæðum
fyrir aðra fylkinguna. Það gefur
auga leið að átök sem þessi hafa
dregið úr áhuga ungs fólks á að
taka þátt í starfinu og trúverðug-
leiki SUS hefur beðið hnekki.
Við viljum hverfa frá þessari
öfugþróun, en undirritaðir hafa
gefið kost á sér til formanns og
fyrsta varaformanns SUS til næstu
tveggja ára. Markmið okkar er að
opna starf ungliðahreyfingarinnar
og virkja aðildarfélögin hringinn
í kringum landið, en mikil deyfð
hefur einkennt starfið undanfar-
ið. Í okkar huga skiptir engu máli
hvort fólk sem vill starfa kemur
úr svokölluðum „deigluarmi“,
„skrímsladeild“, eða er fylgjend-
ur Evrópusambandsins eða and-
stæðingar þess. Megin styrkleiki
Sjálfstæðisflokksins hefur allt-
af verið að hann er breiðfylking
sem rúmar ólíkar skoðanir fólks
sem þó vill halda í heiðri ákveðin
grunngildi sem byggjast á frelsi
einstaklingsins.
Mikil ólga hefur einkennt stjórn-
málin undanfarin misseri og við
búum nú við afleita ríkisstjórn sem
keppist við að hækka skatta á fólk
og fyrirtæki og fæla fjárfestingu
frá landinu. Náum við kjöri munum
við vinna ötullega að því að verja
þjóðina fyrir frekari niðurrifs-
starfsemi ríkisstjórnarinnar.
Í krafti sameiningar og fjöldans
mun okkur takast að hefja hreyf-
ingu ungra sjálfstæðismanna til
vegs og virðingar og standa vörð
um hina sönnu stefnu Sjálfstæðis-
flokksins, lausa við innanflokks-
átök og baktjaldamakk.
Stjórnmál
Björn Jón
Bragason
Jóhann Már
Helgason
SUS-frambjóðendur