Fréttablaðið - 28.09.2011, Page 28

KYNNING − AUGLÝSINGferðir MIÐVIKUDAGUR 28. SEPTEMBER 20114
Í stærri byggðarlögum
Íslands er ýmislegt hægt að
gera sér til dundurs, hvort
sem fólk langar til að
versla, prófa eitthvað nýtt
eða einfaldlega borða ís og
fara í sund. Ferðir leit við í
þremur kaupstöðum.
Akureyri
Það er eitthvað sérstakt við það að
versla úti á landi. Á Akureyri er á
nokkrum stöðum hægt að gera góð
kaup á heimilisvörum. Ein sú allra
skemmtilegasta með antikmuni er
Frúin í Hamborg í Hafnar stræti.
Önnur góð verslun er síðan Sirka,
sem selur nýjar vörur, húsmuni,
íslenska hönnun og f leira til en
Reykvíkingar hafa margir hverjir
nýtt sér vefverslun hennar.
Góð söfn eru víða á Akureyri.
Í Friðbjarnarhúsi í Innbænum er
hægt að skoða alls kyns gömul
leikföng, en opið er á safninu á
laugardögum í vetur frá klukk-
an 14-16 auk þess sem hægt er að
panta skoðun sérstaklega utan
þess tíma. Margt vekur þar athygli,
má nefna nákvæma eftirlíkingu af
rútunni sem fór í Hlíðarfjall fyrir
mörgum árum.
Egilsstaðir
Minjasafn Austurlands er forvitni-
legt heim að sækja, en yfir vetrar-
tímann er það opið frá mánudegi
til föstudags. Einar merkustu forn-
leifaminjar sem fundist hafa hér á
landi, Þórisár kumlið svokallaða,
eru meðal þeirra gersema sem þar
eru til sýnis.
Lagarfljótið er eitt af því fyrsta
sem fólki dettur í hug þegar minnst
er á Egilsstaði. Boðið er upp á sigl-
ingar á Lagarfljóti en möguleikar
til útivistar á Egilsstöðum eru
endalausir; hesta- og hjólaleigur
og nokkur fyrirtæki sérhæfa sig í
jeppa- og jöklaferðum.
Vestmannaeyjar
Erfitt er að fá nóg af náttúru fegurð
Vestmannaeyja og eru skemmti-
legar gönguleiðir ótalmargar.
Fyrir göngufólk sem langar í smá
áskorun er mælt með göngu upp
á Há, yfir Dalfjall og niður í Stafs-
nes. munið bara að fara varlega og
ekki of nærri bjargbrúnum.
Sundlaug Eyjamanna er rómuð,
en í henni er saltvatn, sem gerir
sundið léttara. Þá býðst laugar-
gestum að skella sér í gufubað og
þreksalinn.
Ekki má gleyma að minn-
ast á elstu byggingu Vestmanna-
eyja, Landakirkju, en prédikunar-
stóllinn er eftirtektarverður, þar
sem hann er fyrir miðri kirkju.
Upplagt er að fara í messu til að
fullkomna upplifunina, dvelji
maður yfir helgi í byggðarlaginu.
Sitt lítið af
hverju
Verslun á Akureyri er blómleg. Hægt er
að gleyma sér tímunum saman í Frúnni í
Hamborg. Möguleikar til útivistar eru margvíslegir í Vestmannaeyjum.
Þó að flestir þekki
Lagarfljót hafa færri
siglt á því.
Leið okkar liggur hvert þangað sem fólk vill fara innanlands. Styttri og lengri ferðir, starfsmanna- og óvissuferðir,
afmælisferðir, til að mynda á æskuslóðirn-
ar og hvað sem fólki í raun dettur í hug er
í boði. Þá keyrum við til að mynda hópa á
vegum íþróttafélaganna mikið,“ segir Hel-
ena Herborg Guðmundsdóttir, sölu- og
markaðsstjóri hjá Guðmundi Tyrfingssyni.
Rúturnar sjálfar eru mjög fjöl breyttar,
taka allt frá 8 til 62 farþega en rútu flotanum
tilheyra fimmtíu rútur, af öllum stærðum
og gerðum. „Við erum með fjórhjóla drifnar
rútur, sérstakar lúxusrútur og hefð bundnar
rútur. Á þessum árstíma eru hvers kyns
starfsmanna- og óvissuferðir mjög vin-
sælar.“
Fyrirtækið skipuleggur ferðirnar frá a til
ö og þá oft í samstarfi við hópinn eða for-
svarsmenn hans, þar sem fólk er með sér-
stakar óskir um áfangastaði og hvað skal
gert í ferðinni. „Oft er fólk líka mjög upp-
tekið en langar að gera eitthvað skemmti-
legt. Þá komum við með nokkrar tillögur
og getum séð alfarið um skipulagninguna.
Einnig skipuleggjum við skemmtilegar
óvissuferðir þar sem jafnvel aðeins einn til
tveir vita hver dagskráin nákvæmlega er.“
Þá býðst mjög skemmtilegur og ódýr
möguleiki fyrir hópa þar sem einhver er
með rútupróf, en það er að leigja út rútu án
bílstjóra. Slík ferð getur verið afar persónu-
leg fyrir til að mynda fjölskylduhópa.
Að sögn Helenu dettur Íslendingum ým-
islegt í hug en um þessar mundir eru ferðir
á Draugasetrið á Stokkseyri vinsælar, hella-
skoðun og aðrar slíkar ferðir sem valda
auknum hjartslætti. Einnig eru enda lausir
möguleikar á alls kyns ratleikjum. Að
stoppa einhvers staðar og borða saman á
veitingastað er líka oft hluti af dagskránni.
„Ein vinsælasta ferðin í dag er þannig
samansett að farið er í aparólu, Drauga-
setrið heimsótt, borðað einhvers staðar og
jafnvel fenginn dansari sem kennir hópnum
línudans, partídans eða annað. Þetta hrist-
ir hópinn vel saman. Þá er bjórsmökkun í
brugghúsinu sem er rétt hjá Selfossi mjög
vinsæl en þetta skipuleggjum við allt fyrst
og fremst út frá því hvað fólk vill gera.“
Helena segir þó það allra mikilvægasta í
huga starfsfólks Guðmundar Tyrfingssonar
vera öryggismálin. „Belti eru í öllum sætum
og yfir þrjátíu rútur eru með þriggja punkta
öryggisbelti. Þá eru umhverfismálin okkur
ofarlega í huga, við erum með umhverfis-
vottun og leggjum mikið upp úr því að fá
rútur sem menga minna.“
Að lokum má geta þess að á fyrir tækið er
með síðu á Facebook þar sem leikur stendur
yfir en vinningurinn er vinsælasta ferðin
fyrir allt að þrjátíu manns í lúxusrútu.
Dregið verður 30. september.
Ein vinsælasta ferðin er
þannig samansett að farið
er í aparólu, Draugasetrið heim-
sótt, borðað og jafnvel fenginn
dansari til að kenna línudans.
Getum skipulagt ferðir frá a-ö
Flestir tengja grænar rútur við fjölskyldufyrirtækið Guðmund Tyrfingsson, sem starfrækt hefur verið í um fjörutíu ár. Skemmtiferðir þess innanlands
njóta mikilla vinsælda.
Rútufloti fyrirtækisins er fjölbreyttur. Fjórhjóladrifnar rútur, lúxusrútur, hefðbundnar rútur og fleira til.
Helena Herborg Guðmundsdóttir, sölu- og markaðsstjóri hjá Guðmundi Tyrfingssyni,
segir óvissu- og starfsmannaferðir afar vinsælar um þessar mundir.