Faxi - 01.05.1983, Blaðsíða 7
Jón Böðvarsson, skólameistarí
MÉR ER EFST í HUGA
TÖLVUFORRITUN SEM
NÝTA MÁ VIÐ KENNSW í
ÝMSUM NÁMSGREINUM
Miklar breytingar hafa orðið á
íslensku skólakerfi undanfarinn
áratug og námsskipan tekið
stakkaskiptum víðast hvar. Ný
skólagerð, fjölbrautaskólar,
hefur rutt sér til rúms. Tilkoma
þeirra hefur orðið landsbyggðinni
til mikilla hagsbóta, m.a. vegna
þess að námsframboð á eða nærri
heimaslóðum hefur stóraukist.
Tveir fyrstu fjölbrautaskólarnir
á höfuðborgarsvæðinu tóku til
starfa haustið 1975. Ári síðar var
Fjölbrautaskóli Suðurnesja stofn-
settur. Hann var fyrsti skóli þeirrar
tegundar hérlendis þar sem sam-
þætt er almennt bóknám með
mörgum námsbrautum allt til
stúdentsprófs og almennt nám
fyrir samningsbundna iðnnema.
Hann er fyrsti fjölbrautaskólinn
sem stofnsettur var utan höfuð-
borgarsvæðisins, og hafa starfs-
menn skólans átt drjúgan þátt í
mótun áfangaskólakerfisins.
Ritstjóri FAXA frétti að Jón
Böðvarsson, skólameistari, væri
nýkominn heim frá Norðurlönd-
um þar sem hann kynnti sér skóla-
mál í Svíþjóð og Danmörku - og
bað hann segja lesendum FAXA í
stuttu máli frá ferð sinni.
Við fórum þrír: Ingvar Ás-
mundsson, skólastjóri Iðnskólans
í Reykjavík, Ólafur Ásgeirsson
skólameistari Fjölbrautaskólans á
Akranesi og ég.
í Svíþjóð áttum við fund með
fulltrúa fræðsluyfirvalda og skóla-
stjórnendum. Við vorum talsvert
eftirvæntingarfullir sökum þess að
skömmu fyrir brottför fengum við
írá menntamálaráðuneytinu ný-
lega stefnuskrá í skólamálum Svía
~ býsna álitlega í ýmsum greinum.
- En viðmælendur okkar voru
vondaufir um að takast mætti að
ná helstu markmiðum sem þar eru
fram sett meðan bekkjakerfi er
haft. Býsna torvelt töldu þeir að
koma á áfangakerfi vegna mikilla
áhrifa stjórnmálamanna og feikn-
legrar miðstýringar. Ekki tel ég
margt til fyrirmyndar í skólakerfi
Svía en athyglisverð sú gagnrýni
sem viðmælendur okkar settu fram
á skólaskipan sinni. Til fyrirmynd-
ar er hins vegar tækjakostur og
annar búnaður í mörgum skólum
þar í landi.
í Danmörku áttum við fund
með ráðuneytisstarfsmanni, skoð-
uðum verslunarskóla og ræddum
ítarlega við stjórnendur hans.
Þar í landi er líkt ástatt og með
Svíum: Skilningur ýmissa skóla-
manna má sín lítils gagnvart bákn-
inu.
Gagnlegasti þáttur Danmerkur-
fararinnar var fundur um tölvu-
væðingu sem við áttum með tveim
íslendingum, búsettum í Kaup-
mannahöfn. Þeir eru Agnar
Höskuldsson, lektor við danska
tækniháskólann og Magnús S.
Magnússon, framkvæmdastjóri
fyrirtækisins Scandinavian Com-
putor Institute. -
Hér er hvorki staður né stund til
þess að greina frá þeim fjölþætta
fróðleik sem þessir landarmiðluðu
á fundinum, - en mikilvægustu
niðurstöðuna tel ég þá að Magnús
kemur væntanlega hingað í ágúst-
mánuði - búinn margs konar gögn-
um varðandi tölvukennslu í skól-
um og notagildi tölva í skólastarfi,
- og stjórnar námskeiði fyrir kenn-
ara og aðra starfsmenn skólanna
þriggja sem að framan eru nefndir.
Hygg ég að í kjölfar námskeiðsins
muni áðurnefndir skólar geta hag-
nýtt sér þekkingu sem augljóst er
að mikil þörf er á, - en fáir skólar
hafa getað hagnýtt sér. Mér eru
efst í huga tölvuforrit sem nýta má
við kennslu í ýmsum námsgrein-
um.
í októbermánuði síðastliðnum
var ég hálfan mánuð í Bandaríkj-
unum og heimsótti þá nokkra
skóla í Boston og New York.
Skólaskipan þar er miklu skyn-
samlegri en á Norðurlöndunum og
kennsla í tölvufræðum miklu
lengra á veg komin. Bretar munu
þó standa Bandaríkjamönnum
framar varðandi tölvukennslu og
tölvunotkun í skólum, og sú er ætl-
un okkar að komast í bein tengsl
við starfsmenn BBC sem forystu
hafa á þessum vettvangi. Nú er
mér nauðsynlegt að fá tóm til þess
að vinna úr gögnum sem ég hef í
höndum bæði úr austri og vestri.
FAXI-123