17. júní - 01.06.1925, Blaðsíða 6
6
17. JUNÍ
Söngfjelag danskra stúdenta.
Studenter-Sangtorening, sem nú fer
til íslands í fyrsta sinn, er enginn
hvítvoðungur, nýkomin úr reifum, heldur
fullþroskað og hefir fyrir löngu unnið
sjer álit og hylli — er brautryðjandinn
á sviði sönglistarinnar í Danmörku. —
bað er stofnað 5. júli 1839 og hefir
síðan ávalt verið skipað eingöngu stú-
dentum, eins ogþegarvar tekið ákveðið
í boðsbrjefi til stofnfundar fjelags-
ins. „Starfsemi þess á sjerstaklega að
vera í því fólgin, að syngja danska
fjórraddaða söngva" o. s. frv.
Þetta er ennþá einn aðaltilgangur fje-
lagsins, þótt það bindi sig ekki lengur
einungis við danska söngva og vitan-
lega þá heldur ekki aðeins við fjór-
raddaða söngva, heldur líka einsöng
og tvísöng. —
Margir af stjórnendum og söngstjór-
um fjelagsins hafa verið, og eru enn,
úr hóp þektustu tónskálda Dana. Má
þannig nefna I. P. Hartmann (söng-
stjóri frá 1843—1868). Hann er talinn
hinn 6. í röðinni sem stjórnandi
fjelagsins, en mun hafa verið hinn
fyrsti eiginlegi söngstjóri þess, enda er
hann sá af stjórnendunum, sem átti
drýgstan þátt í þroska og vexti fjelags-
ins, og má svo að orði kveða, að
hann svífi yfir því ennþá. Söngstjóri
næstur eftir Hartmann varð C. J.
Hansen; raunar kemur hann við
sögu fjeiagsins á dögum Hartmanns,
er þá nefndur söngkennari; hann er
líka sá einasti sem verið hefir í þessum
fjelagsskap, og ekki var stúdent. Næst
á eftir lionum tók P. Heise við
stýristaumunum (1854—1858) og svo
kemur hvert tónskáldið á fætur öðru
við sögu fjelagsins, ýmist sem formenn
eða söngstjórar, lengi framan af hvort-
tveggja; má nefna þá: P. J. Lange-
Muller, Otto Malling, N. W.
Gade o. fl. Aðeins einn af söngstjór-
um íjelagsins, S. Levysohn var ekki
tónskáld; hinir hafa allir verið það, alt
fram til þessa.
Núverandi söngstjóri fjelagsins er
hr. Roger Henrichsen, cand. jur.,
tónskáld. Hann hefir nú verið söng-
stjóri þess í 9 ár. Hr. Roger Henrich-
sen hefir mikinn áhuga fyrir íslandi,
unnir mjög fornum bókmentun íslands
og fylgist með í ísl. hljómlist. Form.
fjelagsins er hr. O. K. Abraham-
sen, umsjónarm. —
Ferð þessi til íslands er ekki fyrsta
utanferð fjelagsins; þegar 1843, fjórum
árum eftir stofnun þess, fór það til
Uppsala og söng þar, og síðan aftur
1856. Síðan hefir fjelagið farið víða
um Norðurlönd; auk þess hefir það
ferðast þvera og endilanga Danmörku
og sungið.
Fjelagið syngur við flest hátíðahöld
háskólans, svo sem árshátíð hans og
„Imatrikulations“-hátíðina. Konungs-
hjónin eru heiðursfjelagar og konung-
urinn verndari fjelagsins. —
Hjer hefir lauslega verið drepið á
helstu söguatriði fjelagsins. Það er
hvorki tíma eða rúm til þess hjer,
að segja nánar sögu þess. Söng-
skrá sú sem það fer með til íslands, er
mikil, bæði að vöxtum og gæðum.