Morgunn - 01.07.1974, Page 58

56
MORGUNN
bróðir Gunnlaugs, O.J., óljóst eftir því, að Gunnlaugur hefði
þekkt afa ungfrú E þegar Gunnlaugur vann í tvö ár í Reykja-
vík á skrifstofu, sem vinur afa ungfrú E. átti. Aðspurður sagði
afi ungfrú E., að hann hefði oft heimsótt eigandann á þessari
skrifstofu þótt hann myndi ekki eftir Gunnlaugi .Tónssyni.
Þess má geta, að Gunnlaugur hafði unnið á þessari skrifstofu
um sautján til átján árum áður og að afi ungfrú E. er nú há-
aldraður.
Ungfrú E. hafði aldrei áður setið fund með Hafsteini. Frá-
sögnin, sem átti við ungfrú E., var sú eina þar sem tókst með
sæmilega öruggri vissu að kannast við allar persónurnar, sem
var minnzt á. Á hinn bóginn fengum við nokkrar skýrslur þar
sem ekki tókst að kannast við neina persónu.
1 einu öðru tilfelli staðfestu meðlimir fjölskyldu fundar-
manns fyrstu lýsinguna, sem hann valdi með því að þekkja
annað fólk, sem kom við sögu. í þessu tilfelli valdi fundargest-
ur, sem er gift manni af rússneskum ættum, skýrsluna ein-
göngu á grundvelli lýsingar miðilsins á fólki, sem talaði rúss-
nesku. Rússnesk nöfn voru nefnd, en ekki var hægt að kannast
við þau. íslenzkir foreldrar þessa fundargests völdu hins veg-
ar þessa lýsingu eingöngu vegna nokkurra íslenzkra nafna,
sem þau þekktu, en þó ekki með öruggri vissu.
í öðru tilfelli þekkti annar fundarmaður (kona) aðeins með
öruggri vissu eina manneskju, sem var ekki skyld henni, en
hún hafði þekkt hana. Eftir frekari rannsókn tókst okkur að
bera kennsl á aðra manneskju, sem var lýst ásamt hinni fyrri.
Síðari persónan, en hana þekkti fundargestur alls ekki, reynd-
ist hafa unnið með persónunni, sem fundargestur hafði kann-
azt við. Þær höfðu báðar farizt í sama slysi. Tilfelli sem þessi,
sem E.H. hefur einnig tekið eftir á fundum Hafsteins þar sem
minna eftirlit er haft virðast útiloka tilgátur um að skynjun
Hafsteins sé til komin fyrir hugsanaflutning.
1 öðru dæmi kannaðist mágur fundarmanns greinilega við
tvær persónur, sem var lýst í frásögn miðilsins þótt fundar-
maður hefði sjálfur ekki kannazt við nokkra persónu í lýsing-
unni eða nokkrum öðrum lýsingum og hefði getið sér rangt til