Jazzblaðið - 01.09.1950, Side 18

Bretland.
★ Geraldo, Ted Heath og Joe Loss, þrjár
stærstu hljómsveitir Englands, hafa
leikið sinnhvorn mánuðinn í sumar í
hinni frægu skemmtiborg Blackpool,
auk nokkurra annarra smærri hljóm-
★ George Melly, ungur söngvari, sem
eingöngu syngur blues lög, hefur vakið
talsverða athygli í Englandi. Hann
hefur komið fram með hljómsveit Mick
Mulligan, en hljómsveitin leikur ein-
göngu New Orleans jazz.
★ Gus Merzi stjórnar einni skemmti-
legustu jazzhljómsveitinni í Ástralíu.
Hljóðfæraskipunin er Gus með har-
moniku og síðan klarinet, vibrafónn,
guitar og bassi. Einn af fremstu jazz-
leikurum Ástralíu er hinn ungi tenór-
saxófónleikari Alan Coucill, en hann
leikur með hljómsveit Gaby Roger.
★ Rose Murphy bandaríska negrasöng-
konan hefur sungið í nokkrar vikur
á næturklúbbum í London. Einnig hef-
ur staðið til að Frank Sinatra kæmi til
London og syngi í Palladium, og eins
hefur verið í undirbúningi að fá aðra
ameríska listamenn til Englands.
Skandinavía.
★ Jazzklúbbur hefur nýlega verið stofn-
aður í Stokkhólmi og er það, þó und-
arlegt megi virðast, sá fyrsti þar í borg.
Helztu forráðamenn klúbbsins eru rit-
stjórar sænsku jazzblaðanna og aðrir
jazzgagnrýnendur og jazzaðdáendur.
★ Svend Asmussen fer í hljómleikaferð
til Englands í september og síðan mun
hann jafnvel fara til Kanada og Banda-
ríkjanna. Goodman hefur gert allt sem
hann hefur getað til að fá Svend til
USA, en hvort hann kemst í haust er
ekki gott að segja, en fari hann, þá
mun öll hljómsveitin fara með. Svend
Hauberg klarinet- og guitarleikari hjá
Asmussen, mun hætta að leika með
honum í haust, en þeir hafa verið sam-
an í fimmtán ár. Hauberg hefur keypt
hótel í Kaupmannahöfn, sem hann mun
stýra. Svend hefar hug á að ráða belg-
íska guitar- og munnhörpuleikarann
Toots Thielmanns í stað Hauberg.
lnnlent.
★ Anna í Hlíð heitir danslag, sem ný-
lega hefur verið gefið út af Nótnafor-
laginu „Tempó”. K. K. sextettinn kynnti
þetta lag í útvarpinu á síðastliðnum
vetri og síðan hefur verið talsverð eftir-
spurn eftir laginu, en það ekki fengizt.
Einnig var lag þetta eitt þeirra, sem
leikin voru í sýningarferð Stjörnu-
kabarettsins nú í sumar.
★ Jazzlclúbbur íslands hefur átt í bréfa-
skriftum við útvarpsráð síðan snemma
í sumar og einnig hefur verið rætt við
tónlistarráðunaut útvarpsins, hr. Jón
Þórarinsson — allt var þetta með það
fyrir augum, að klúbburinn fengi fast-
an jazzþátt í útvarpinu. Þetta mun
sennilega verða nú strax í haust, en
ekki verður hægt að skýra nánar frá
þessu fyrr en í næsta blaði.
★ Jazzklúbbar eru nú orðnir þrír hér
á landi, þ. e. a. s. í Reykjavík, Vest-
mannaeyjum og ísafirði. Strax í haust
stendur til að stofna klúbba á Akureyri
og Akranesi og ættu jazzáhugamenn í
fleiri kaupstöðum og bæjum, svo sem
Borgarnesi og Keflavík, að athuga
möguleika á stofnun klúbba.
18