Útvarpstíðindi - 19.04.1948, Blaðsíða 21
trrVARPSTÍÐTNDI
165
Fyrsta bók norska frelsisskáldsins á sslenzku
Fögur er foldin TTólff úrvalssögur
Arnulf överland er að líkindum mest umdeildi maðurinn á
Norðurlöndum um þessar mundir. Hann tekur mikinn þátt í um-
ræðunum um helztu mál dagsins og stendur fremstur í flokki
allra þeirra sem berjast fyrir frelsi og gegn hvers konar andlegri
og efnalegri kúgun. — Hann vekur alls staðar storm þar sem
hann kemur, fyrirlestrar hans eru sóttir meir en fyrirlestrar
nokkurra annara manna og bækur hans seljast betur en flestar
aðrar bækur. —
Arnulf överland kemur hingað til íslands í næsta mánuði
í boði Norræna félagsins. Mun hann dvelja hér í eina viku, ferð-
ast um eins og föng verða á og flytja einn fyrirlestur og lesa eina
kvöldstund upp úr ritum sínum.
En um sama leyti kemur út bók eftir skáldið á íslenzku,
fyrsta bókin, sem þýdd hefur verið eftir hann á íslenzka tungu,
en áður hafa verið þýdd nokkur ljóð hans. Bókin inniheldur tólf
úrvals smásögur hans — og verður hún fyrsta bókin í ritsafni
Norræna félagsins, en það hefst nú handa með útgáfu á fögrum
bókmenntum helztu skálda Norðurlanda. Bókin heitir „Fögur er
foldin“, og hefur Helgi Sæmundsson blaðamaður þýtt hana.
Bókaútgáfufélagið Helgafell annast dreyfingu bókarinnar og
geta menn snúið sér til þess ef þeir vilja panta bókina. Vegna
pappírseklu hefur orðið að takmarka upplag hénnar og er því
ráðlegast fyrir menn út á landi að skrifa Helgafelli nú þegar og
verður hún þá send þeim gegn póstkröfu.
Uetfafoll
Garðastræti 17 . Reykjavík