Morgunblaðið - 29.12.2008, Qupperneq 26

26 Umræðan
MORGUNBLAÐIÐ MÁNUDAGUR 29. DESEMBER 2008
Reykjavík
Sími 588 9090 • Síðumúla 21
108 Reykjavík
www.eignamidlun.is
Sverrir Kristinsson, lögg. fasteignasali
Skrifstofuhúsnæði óskast til leigu
Traustur aðili óskar að taka á leigu 250 fm
skrifstofuhæð. Æskileg staðsetning er Miðborgin,
Múlar eða Borgartún. Til greina kemur að leigja
skrifstofupláss með öllum húsgögnum.
Allar nánari upplýsingar veitir Sverrir Kristinsson
löggiltur fasteignasali í síma 861-8514
Ég skora á Illuga
Gunnarsson að greina
frá því hvers konar hús-
næðislánakerfi hann tel-
ur að eigi að taka við af
núverandi verðtrygging-
arkerfi. Nýlega var hann
í viðtali í ríkisútvarpinu að morgni
dags og lýsti þar því sjónarmiði sínu að
núverandi kerfi væri óviðunandi og því
yrði að breyta. Jafnframt kom fram
hjá honum að stýrivaxtavopn Seðla-
bankans biti ekki sem skyldi þegar
það næði ekki að höggva í íbúða-
lánageirann. Þannig skildi ég alla vega
Illuga en hann nefndi ekki hvers konar
lánakerfi ætti að taka við. Í grein
minni í Morgunblaðinu um þetta mik-
ilvæga efni sem birtist 26. október sl.
sagðist ég ekki hafa séð neinn af þeim
sem gagnrýnt hefðu kerfið benda á
nýtt kerfi. Margar greinar hafa síðan
séð dagsins ljós með gagnrýni á kerfið
en enginn bendir á lausn. Ég geri mun
meiri kröfur til Illuga í þessu efni en
annarra sem hafa lýst sömu skoðunum
og hann. Hann er þingmaður og að
auki hagfræðingur að mennt og því er
honum skylt að benda á lausn. Raunar
ber honum að berjast fyrir endur-
skoðun kerfisins á Al-
þingi telji hann það eins
slæmt og skilja mátti á
honum í umræddu við-
tali. Það er alveg ljóst að
þær efnahagslegu ham-
farir sem nú hafa gengið
yfir þessa þjóð munu
koma illa við marga sem
hafa tekið nýlega verð-
tryggð lán. En það er
líka ljóst að vandi þeirra
verður varla leystur
með því að setja Íbúða-
lánasjóð á hliðina eða
skerða enn frekar kjör lífeyrisþega en
ljóst er að margir þeirra munu verða
fyrir þungum búsifjum. Það verður að
skoða þennan vanda sértækt en ekki
að kenna verðtryggingarlánsforminu
um hann. Það hefur ekki þótt gott að
kenna árinni um slakan róður og það
gengur ekki hér. Ég hélt því fram í
grein minni að þetta lánsform væri hið
heppilegasta fyrir þá sem vilja fjár-
festa í húsnæði með lántöku og ég er
enn sömu skoðunar.
Heldur einhver virkilega að lánveit-
endur séu nú reiðubúnir til að áskilja
sér lakari kjör en svo að þeir fái raun-
verð lánsfjárins til baka auk „hóflegra“
vaxta? Er það ekki líka sanngjörn
krafa? Vill einhver lána fé með „hóf-
legum“ vöxtum án þess að taka tillit til
verðrýrnunar krónunnar? Þeir sem
eiga sparifé gera kröfu um sem hæsta
raunvexti (þ.e. vöxtum umfram verð-
rýrnun krónunnar) af þessu fé og ekki
geta þeir sem taka að sér ávöxtun á
sparifé endurlánað það með lakari
kjörum eða hvað? Það verður fróðlegt
að kynnast hugmyndum Illuga um
kerfi sem leysir núverandi kerfi af
hólmi sem og hugmyndum annarra
gagnrýnenda verðtryggðra húsnæð-
islána og þá að sjálfsögðu með útreikn-
ingum á breyttri greiðslubyrði og
áhrifum á greiðslumat lánastofnana,
svo og hvernig stýrivextir eigi að virka
á nýtt kerfið. Ég er sammála Bjarna
Braga Jónssyni um að við Íslendingar
getum verið stoltir af því húsnæð-
islánakerfi sem við höfum þróað og
ættum að flytja það út til annarra
landa. Getum við sagt hið sama um
stjórnun peninga- og efnahagsmála
undanfarin ár? Hver vill svara því?
Hver er hin raunverulega rót vanda
þeirra sem skulda verðtryggð lán?
Bjarni Þórðarson
skorar á Illuga
Gunnarsson að lýsa
því lánakerfi sem
eigi að leysa núver-
andi húsnæð-
islánakerfi af hólmi
»Heldur einhver
virkilega að lánveit-
endur séu nú reiðubúnir
til að áskilja sér lakari
kjör en svo að þeir fái
raunverð lánsfjárins til
baka auk „hóflegra“
vaxta?
Bjarni Þórðarson
Höfundur er trygginga-
stærðfræðingur.
Skorað á Illuga Gunnars-
son, alþingismann
ÉG HEF oft velt
fyrir mér hvernig
hægt er að fara gegn-
um lífið án þess að
skilja neitt í því og
þar að auki hrópa á
torgum um skilnings-
leysi sitt. Ég verð að
viðurkenna að mér
finnst best að hugsa mitt í hljóði en
á aðfangadagsmorgun þegar ég las
Morgunblaðið með morgunkaffinu
varð mér svo ofboðið yfir pisli Kol-
brúnar Bergþórsdóttur að ég get
ekki þagað lengur.
Það eru engin ný sannindi að
gleði og hlátur, fýla og leiðindi eru
bráðsmitandi. Við vitum það öll
sem lifum lífinu þokkalega með-
vituð. Við þurfum ekki meira en
líta í kringum okkur til að sann-
reyna það sem virðist verða op-
inberun í huga Kolbrúnar þegar
hún las um vísindalega rannsókn
við Harvard-háskóla eins og hún
vitnar í. Síðan heldur hún áfram:
„Það er orðinn eins konar lífsstíll í
kreppunni að vera fýldur og reiður
og þykir sérstaklega smart í réttu
kreðsunum.“ Eftir vangaveltur um
mótmælendur og fólk með písl-
arvættissvip sem lætur sér boðskap
jólanna um kærleik-
ann í léttu rúmi liggja
þá bítur hún höfuðið
af skömminni með að
enda pistilinn á eft-
irfarandi: „Sjálfsagt
verða einhverjir í fýlu
yfir jólin vegna þess
að þeir hafa ekki tæki-
færi til að gala á torg-
um gegn ríkisstjórn og
fyrrverandi auðjöfrum.
Meirihluti þjóðarinnar
mun þó örugglega
fagna og gleðjast.“
Mér er spurn: Hvar er Kolbrún
stödd? Fólk á Íslandi er ekki í fýlu
en það er uppfullt af sorg, reiði og
örvæntingu. Hefur Kolbrún lesið
um hve margar fjölskyldur hafa
þurft að leita sér aðstoðar til að
halda mannsæmandi jól, ég veit að
hún er vel læs en lesskilningur og
læsi fara ekki alltaf saman. Er það
í lagi að nokkrir einstaklingar séu
búnir að rústa efnahag og orðstír
heillar þjóðar og virðast komast
upp með það hingað til og enginn
er ábyrgur, allir þvo hendur sínar?
Fólk er að missa vinnuna og hús-
næði og skuldahaugurinn bara vex.
Hvernig getur hún hneykslast á
mótmælendum, hvað getur fólk
gert annað en mótmælt? Eigum við
að taka öllu með bros á vör og fara
á hlátursnámskeið svona í anda
Pollýönnu? Þótt einhverjar rúður
brotni og eggjaslettur lendi á Al-
þingishúsinu eru það smámunir hjá
því sem við Íslendingar erum að
ganga í gegnum. Þetta unga fólk
og reyndar fólk á öllum aldri og af-
komendur þess.
Ég spyr: Hvaða kröfur eru gerð-
ar til blaðamanna í dag? Er hægt
að bera á borð fyrir hinn almenna
lesanda þvílíkan kjaftavaðal sem
upp úr Kolbrúnu Bergþórsdóttur
rennur? Ef eitthvað kemur mér í
fýlu eru það skrif Kolbrúnar, mér
finnst mér misboðið og skrifað nið-
ur til mín. Ef íslenska þjóðin mót-
mælir ekki óréttlæti eins og við
höfum verið beitt undanfarið þá er-
um við ekki þjóð. Mótlæti þjappar
okkur saman, við erum ekki í fýlu
en við erum full af sorg og von-
brigðum. Við erum raunsæ og ætl-
um að breyta þjóðfélaginu, annað
er ekki hægt. Við þurfum því á
fólki með lesskilning að halda en
ekki fólki sem er bara læst en skil-
ur ekki neitt í lífinu eða hvað það
les.
Bólusetning gegn vitleysu
Ragnheiður Steph-
ensen gerir at-
hugasemdir við
pistil Kolbrúnar
Bergþórsdóttur
»Er hægt að bera á
borð fyrir hinn al-
menna lesanda þvílíkan
kjaftavaðal sem upp úr
Kolbrúnu Bergþórs-
dóttur rennur?
Ragnheiður Stephensen
Höfundur er hjúkrunarfræðingur.
HVERN hefði
grunað hversu illa
samfélagið færi eftir
það góðæri sem hef-
ur ríkt undanfarin
ár. Lengi vel var það
svo að ómögulegt var
að fá iðnaðarmenn og
vinnandi fólk fékk at-
vinnutilboð reglulega
í samfélagi launaskriðs og upp-
byggingar. Nú er annað upp á
teningnum. Atvinnulausum fjölgar
stöðugt og sífellt þrengir að
stærri hópi með lífsviðurværið.
Ég tel að það sé ekki nokkurt vit
fyrir fólk sem missir vinnuna að
setjast niður heima fyrir, því
mörg tækifæri eru til að gera eitt-
hvað betra við tíma sinn. Til
dæmis að mennta sig frekar. Það
er mun gæfulegra að lifa á náms-
lánum en atvinnuleysisbótum og
nota tímann í að lesa námsbækur
og bæta samkeppnisstöðu sína á
vinnumarkaði. Það eru fjölmörg
tækifæri til náms sem eru opin
eða eru að opnast.
Undirritaður hóf nám í Há-
skólabrú Keilis síðastliðið haust
eftir að hafa verið á vinnumarkaði
í 15 ár. Auðvitað var átak að
koma sér af stað, en það er um
námið eins og svo margt annað.
Fyrsta skrefið er langerfiðast. Ég
hafði lengi haft það í maganum að
mennta mig frekar og lét loksins
verða af því nú í haust að setjast
aftur á skólabekk. Ég get sagt frá
því að það hefur gengið mun bet-
ur en ég átti von á, áhyggjur og
efi sem ég hafði reyndist ástæðu-
laus.
Hjá Keili á Vallarsvæðinu er
boðið upp á fjölbreytt nám sem
hentar vel fólki sem hefur verið á
vinnumarkaði. Þannig er nú boðið
upp á fjölda námsleiða á fram-
haldsskólastigi eða starfsmennt-
anám, en einnig er nám á há-
skólastigi. Skólanum Keili er skipt
í fimm meginsvið, auk fjarnáms;
Háskólabrú, Heilsu- og uppeldis-
skóla, Orku- og tækniskóla, Skóla
skapandi greina og Samgöngu- og
öryggisskóla.
Háskólabrú Keilis er í samstarfi
við Háskóla Íslands. Í Há-
skólabrúnni er góð leið fyrir fólk
sem er að koma af vinnumarkaði
sem þarf að rifja upp gamlan lær-
dóm og komast í námsgírinn fyrir
frekara nám eða til að bæta við
einingum til að fá aðgang að há-
skólanámi. Meðalaldurinn í Há-
skólabrú Keilis er 32 ár, þannig
að fólk með lífsreynslu á auðvelt
með að samsama sig hópnum. Í
námi hjá Keili er mikið lagt upp
úr hópvinnu og samvinnu milli
nemenda.
Háskólabrúin veitir nemendum
rétt á að sækja um nám á
menntasviði Háskóla Íslands, Há-
skólanum í Reykjavík, Háskól-
anum á Akureyri, Listaháskóla Ís-
lands, Háskólanum á Hólum og
Landbúnaðarháskólanum á
Hvanneyri.
Í Heilsu- og uppeld-
isskólanum er nú opið
fyrir umsóknir í ÍAK-
einkaþjálfaranám, en
einnig eru þar leik-
skólaliðanám, hjúkr-
unarbrú fyrir sjúkra-
liða, afreksbraut og
íþróttafræði. Orku- og
tækniskólinn er með
þrjár brautir í tækni-
fræði sem eru að hefj-
ast. Skóli skapandi
greina býður upp á
frumkvöðlanám og viðskiptalist.
Samgöngu- og öryggisskólinn er
með sjö brautir tengdar flug-
málum; atvinnu- og einkaflug-
mannsnám, flugrekstrarstjórn,
flugumferðarstjórnun, flugþjón-
ustunám, flugvirkjanám, flug-
vernd auk sjúkraflutninganáms og
öryggisvarðanám. Innritun hafin á
allar brautir nema flugþjónustu
og flugvirkjun, en þar hefjast
næstu námskeið í september.
Góð búsetuúrræði eru á svæð-
inu, frá litlum einstaklingsíbúðum
og allar stærðir upp í íbúðir fyrir
stærstu fjölskyldur. Skóli, leik-
skóli og félagsmiðstöð fyrir ung-
linga er á svæðinu. Verslun, veit-
ingastaðir, íþróttahús og
bílaverkstæði eru meðal þeirrar
þjónustu sem er fyrir hendi og
svo er stutt í alla þjónustu í
Reykjanesbæ. Þá er ókeypis
strætisvagn sem gengur um
hverfið og til Reykjanesbæjar. Að
auki geta íbúar á svæðinu fengið
ókeypis í strætó sem gengur til
Reykjavíkur. Sama á við um nem-
endur sem búa á höfuðborg-
arsvæðinu, en strætisvagnar fara
reglulega á milli Reykjavíkur og
skólabygginga á svæðinu. Ferð-
irnar eru sniðnar að upphafi
kennslu í skólanum. Nemendur fá
frítt í vagninn, en nettenging er í
vagninum og því má nýta tímann
til lærdóms.
Í skólanum er nemendafélagið
Tindur sem hefur það að mark-
miði að efla félagsanda í skól-
anum, gæta að hag nemenda og
bæta lífskjör með öflun hóp-
afslátta. Bæði er félagsstarfsemi
fyrir nemendur og einnig börn
nemenda.
Á heimasíðu skólans, www.keil-
ir.net, er sagt nánar frá þeim
námsleiðum sem í boði eru. Núna
er opið fyrir umsóknir um nám
sem hefst eftir áramót. Er þar
margt spennandi í boði og er
námið sniðið að þörfum vinnu-
markaðarins.
Það þýðir ekkert að gefast upp
þó að á móti blási, heldur á að
bíta í skjaldarrendur og gera hvað
maður getur til að hafa stöðu sína
sem besta og veita sjálfum sér
forskot þegar mótlætinu linnir.
Öll él styttir upp um síðir og því
er um að gera að vera tilbúinn
með ferska menntun til að nota
þegar næsta góðæri kemur.
Vil ég hvetja þá sem hafa misst
vinnuna að huga að möguleikum
sínum og snúa ógæfu í gæfu með
aukinni menntun. Einnig þá sem
eru eins og ég, búnir að ganga
með það í maganum lengi að afla
sér aukinnar menntunar, að láta
nú verða af því, ekki síst svo
meira pláss skapist á vinnumark-
aði.
Júlíus Sigurþórs-
son hvetur til auk-
innar menntunar í
þrengingunum
Júlíus Sigurþórsson
»Nú er lag að sækja
sér frekari mennt-
un. Enda eru fjölmörg
tækifæri til náms opin
eða að opnast. Fjöl-
margar námsleiðir opn-
ar hjá Keili á Vall-
arsvæðinu.
Höfundur er formaður nemenda-
félagsins Tinds.
Tækifæri
í kreppu
Mikið úrval af
fallegum
rúmfatnaði
Skólavörðustíg 21, Reykjavík, sími 551 4050 Sími 551 3010