Morgunblaðið - 12.01.2009, Blaðsíða 8

8 FréttirINNLENT
MORGUNBLAÐIÐ MÁNUDAGUR 12. JANÚAR 2009
Eftir Ingu Rún Sigurðardóttur
ingarun@mbl.is
GREINILEGT er að St. Jósefsspít-
ali skipar stóran sess í hugum Hafn-
firðinga en um 2.000 manns mættu
á borgarafund til stuðnings spít-
alanum á laugardag. „Hafnfirð-
ingum finnst eins og verið sé að rífa
úr þeim hjartað,“ segir Gunnhildur
Sigurðardóttir, fyrrverandi hjúkr-
unarforstjóri spítalans og einn
skipuleggjenda.
Ljóst er að fundurinn er einhver
fjölmennasti borgarafundur sem
hefur verið haldinn í bænum. „Það
var með ólíkindum hvað þetta gekk
vel og þátttakan fór fram úr björt-
ustu vonum okkar,“ segir Gunn-
hildur og bætir við að fundurinn
hafi verið málefnalegur. „Ráðherra
voru send skýr skilaboð um að hann
endurskoði afstöðu sína,“ segir hún
en í ályktun fundarins, sem fram
fór í Íþróttahúsinu við Strandgötu,
er skorað á ráðherra að gera það
og því mótmælt að leggja niður
spítalann í núverandi mynd. Þar
segir ennfremur að spítalinn hafi
„nú og í framtíð stóru hlutverki að
gegna í okkar samfélagi“ og að
leita verði „allra leiða í viðræðum
við starfsmenn og bæjaryfirvöld í
Hafnarfirði til að tryggja áfram-
haldandi starf og þjónustu St. Jós-
efsspítala“.
Á fundinum kom fram að öll póli-
tísku félögin í Hafnarfirði hafi
ályktað um stuðning við spítalann
og einnig Verkalýðsfélagið Hlíf og
Starfsmannafélag Hafnarfjarðar
og safnaðarnefndir.
Í stuðningshópnum er líka Félag
sérfræðinga í meltingarsjúkdómum
en í nýrri yfirlýsingu félagsins seg-
ir m.a. að á spítalanum hafi verið
byggð upp sterk meltingarlækna-
deild með sérþekkingu, sem ekki sé
til annars staðar á landinu.
Gunnhildur segir góð viðbrögð
hafa verið við undirskiftasöfnun til
stuðnings spítalanum og ennfremur
hafa tæplega 4.000 manns skráð sig
í stuðningshóp á Facebook. Ráð-
herra verður afhentur undir-
skriftalistinn í vikulok.
Verið að rífa hjartað úr Hafnfirðingum
Morgunblaðið/Kristinn
Fyrir svörum Guðlaugur Þór Þórðarson heilbrigðisráðherra var á meðal frummælenda fundarins. Skipuleggjandi
fundarins segir fundinn hafa verið málefnalegan, framsögur hafi verið góðar og fyrirspurnir sömuleiðis.
Eftir Sigtrygg Sigtryggsson
sisi@mbl.is
MIKILL halli hefur myndast á vetrarþjónustu
Vegagerðarinnar eða 700 milljónir króna. Hallinn
fékkst ekki bættur á fjáraukalögum og hefur
Vegagerðin ákveðið að beita ýtrustu reglum og
aðhaldi og útilokar ekki að þjónustuna þurfi að
skerða.
Hætt er við að landsmönnum bregði í brún ef
þjónustan verður skert enda orðnir góðu vanir á
síðustu árum. Aukin þjónusta Vegagerðarinnar
samfara hagstæðu tíðarfari
hefur orðið þess valdandi að
helstu fjallvegir á þjóðveg-
unum verða sjaldan ófærir og
þá aðeins í verstu veðrum og
oftast hluta úr degi. Á árum
áður var ekki óalgengt að fjall-
vegir væru ófærir í lengri og
skemmri tíma með öllum þeim
óþægindum sem slíku fylgir.
Björn Ólafsson, for-
stöðumaður þjónustudeildar
Vegagerðarinnar, fjallaði um stöðu vetrarþjón-
ustu og framtíðina í erindi sem hann flutti á vetr-
arráðstefnu stofnunarinnar.
Hlutfall ökumanna á þjóðvegunum, sem
eru óvanir vetrarakstri, hækkar stöðugt
Í erindi sagði Björn m.a:
„Með bættum efnahag þjóðarinnar og betri
vegum hefur almenn umferð stóraukist, umferð-
arhraði aukist og á sama tíma hefur hlutfall
þungra ökutækja á vegakerfinu farið ört vaxandi
eftir að reglubundnar strandsiglingar lögðust af.
Ferðavenjur einstaklinga hafa einnig breyst á
þann veg að akstur á þjóðvegum að vetrarlagi
þykir ekki lengur tiltökumál og hlutfall öku-
manna, sem óvanir eru vetrarakstri, hækkar
stöðugt. Með breyttum atvinnuháttum, þ.e. með
samþjöppun atvinnutækifæra, samþjöppun skóla-
halds o.s.frv., sækir fólk úr dreifbýlinu í auknum
mæli vinnu sína eða nám til þéttbýliskjarnanna.
Allt þetta þýðir auknar kröfur um betra ástand á
vegum sem fram til þessa hafa haft takmarkaða
þjónustu að vetrarlagi. Samfara kröfum um
aukna þjónustu er krafa samfélagsins og hins op-
inbera um að umferðaröryggi skuli vera eins og
best verður á kosið.“
Björn Ólafsson segir að í hnotskurn þýði þetta
að á næstu árum blasi við eftirfarandi staða í
vegakerfinu:
 Gera verður ráð fyrir því að allir vegir sem
falla undir núverandi reglur njóti fullrar þjónustu
alla daga og í flestum tilfellum allan sólarhring-
inn og við bætist að veita þarf fullnægjandi þjón-
ustu alla daga eða alla vinnudaga á þeim leiðum
sem á einhvern hátt tengjast atvinnulífi landsins.
 Stytta þarf viðbragðs- og aðgerðatíma sem
þýðir að gera verður auknar kröfur um markvisst
skipulag og meiri afköst.
 Ná þarf fram háu gæðastigi hvað varðar hve
slétt yfirborð er og viðnám til að tryggja sem
best umferðaröryggi og akstursþægindi við vetr-
arakstur.
 Með tilliti til umferðaröryggis þarf að búa sig
undir stórauknar kröfur vegfarenda um gott að-
gengi að fjölþættum ferðaupplýsingum, bæði
hvað varðar veður, veðurspár, færðarástand,
ferðaleiðsögu, umferðarástand, viðvaranir o.fl.
Á sviði vetrarþjónustunnar hafa verkefnin auk-
ist hröðum skrefum. Frá árinu 1977 til 2007 hefur
vinnuumfang vetrarþjónustu Vegagerðarinnar
u.þ.b. sjöfaldast á meðan kostnaður og fjárveit-
ingar hafa um tvöfaldast, samkvæmt upplýs-
ingum Björns.
Það þýðir að nýtingarhlutfall vinnuframlagsins
hefur skilað sér betur til vegfarandans sem þessu
nemur sem verður að telja mjög góðan árangur.
Hann skýrist m.a. af betri vegum, betri tækja-
kosti, endurbættri tækni og síðast og ekki síst
öflugu starfsliði sem byggt hefur á þekkingu og
reynslu til margra ára.
Lengst af var það hlutverk starfsmanna Vega-
gerðarinnar að annast vetrarþjónustuna. Hlutfall
þeirra verkefna sem boðin er út fór fyrst að
aukast að einhverju marki frá árinu 1995 og á
árinu 2007 voru um 35% af heildarfjárveitingum
vetrarþjónustunnar greidd til verktaka.
Með auknum útboðum hafi þessi vinna færst
yfir í samkeppnisumhverfi og um leið verði til
meiri starfsmannavelta þar sem verkefnin eru
boðin út með reglulegu árabili. Það þýði að á
hverju ári komi inn í starfsgreinina aðilar sem
ekki hafa þá reynslu sem nauðsynleg er til að
geta unnið þessi störf svo að vel sé, segir í erindi
Björns.
Það er niðurstaða Björns að á næstu 10 árum
megi búast við því að kröfur um snjó- og hálku-
laust vegakerfi, sem opið sé allan sólarhringinn,
muni aukast hröðum skrefum og gerir hann ráð
fyrir því að umfang þessara verkefna muni rúm-
lega þrefaldast frá því sem nú er.
Ökumenn góðu vanir
 Auknar kröfur gerðar
til Vegagerðarinnar um
góða vetrarþjónustu
Björn Ólafsson SLYSATÍÐNI á vegum landsins hefur lækkað
verulega hér á landi undanfarin ár og er sá ár-
angur að þakka margvíslegum aðgerðum sem
gripið hefur verið til á öllum þeim sviðum er
snerta umferðaröryggi á einn eða annan hátt,
segir Björn Ólafsson.
Björn telur að bæta megi þennan árangur enn
frekar með betri vetrarþjónustu. Hver prósenta í
lægri slysatíðni skili þjóðfélaginu til baka um
150-200 milljónum króna. Hann bendir á að
reynslan annars staðar sýni að slysatalan 2,5 á
hálum vegi lækkar í 0,6 eftir að sami vegur hef-
ur verið hálkuvarinn. Á Íslandi séu þessar
reynslutölur sambærilegar.
Á þjóðvegum í dreifbýli verði um þriðjungur
allra slysa við aðstæður þegar hálka eða ísing er
á vegyfirborði og á umferðarþyngri vegum í ná-
grenni höfuðborgarinnar sé þessi tala 40-50%.
Hafa skal í huga að hér er aðeins átt við þá daga
að vetrarlagi sem hálkuaðstæður eru fyrir hendi.
Fjöldi slysa verður þegar ísing og hálka eru á vegunum
KENNSLA hefst í lok mánaðarins í
tæknifræði við Háskóla Íslands í
fyrsta sinn og er námið samstarfs-
verkefni HÍ og Keilis, miðstöðvar
vísinda, fræða og atvinnulífs.
Nemendur verða skráðir við HÍ
og munu útskrifast þaðan en námið
fer fram hjá Keili á gamla varn-
arsvæðinu.
Fyrst um sinn verður boðið upp á
tvær brautir: orkutæknifræði og
mekatróník. Sérstök áhersla verð-
ur lögð á námsgæði með takmark-
aðri inntöku, persónulegri kennslu
og verklegu námi í vel búnum til-
raunastofum.
Umsóknarfrestur er til 20. janúar
og nánari upplýsingar er að finna á
www.keilir.net.
Nám í orkutækni-
fræði og mekatróník
JAPÖNSK stjórnvöld styrkja ungt
fólk í japönskunámi sem hyggst
nema japönsku eða japönsk fræði
við háskóla í Japan.
Er styrkurinn í allt að eitt ár, frá
október 2009. Greidd eru flugfar-
gjöld, skólagjöld og mánaðarleg
upphæð. Styrkurinn stendur þeim
til boða sem fæddir eru eftir 2. apríl
1979 og fyrir 1. apríl 1991. Sjá
http://www.studyjapan.go.jp/en.
Nám í japönsku
ÚT er að koma
bókin „Hvað er
Íslandi fyrir
bestu?“ eftir
Björn Bjarnason
dómsmálaráð-
herra en hún hef-
ur að geyma rit-
gerðir og pistla
úr bókum og
blöðum og af net-
inu.
Á vefsíðu sinni segir Björn, að
með bókinni vilji hann efla umræð-
ur um Evrópumálin en það er Bóka-
félagið Ugla, sem gefur hana út.
Verður bókin kynnt og til sölu í
bókaverslunum eftir helgi.
Ný bók innlegg í
Evrópuumræðuna
Björn Bjarnason
STUTT
Morgunblaðið/Júlíus
Snjómokstur Akstur á þjóðvegunum að vetri til hefur verið að aukast hröðum skrefum og landsmenn
gera sífellt meiri kröfur um að vegirnir séu færir á öllum tímum.