Morgunblaðið - 12.01.2009, Side 11

Fréttir 11INNLENT
MORGUNBLAÐIÐ MÁNUDAGUR 12. JANÚAR 2009
Evrópunefnd Sjálfstæðisflokksins
Nánari upplýsingar um fundina og félagsstarf Sjálfstæðisflokksins má finna á heimasíðum flokksins, xd.is og evropunefnd.is, eða í síma 515 1700.
Næstu fundir:
Mánudagur 12. janúar
Vík í Mýrdal | Ströndinni, Víkurskála kl. 12:00
Hella | Árhúsum kl. 17:30
Selfoss | Félagsheimili sjálfstæðismanna, Austurvegi 38 kl. 20:00
Þriðjudagur 13. janúar
Ólafsfjörður | Félagsheimilinu Tjarnarborg kl. 12:00
Seltjarnarnes | Félagsheimili sjálfstæðismanna, Austurströnd 3 kl. 17:00
Reykjanesbær | Félagsheimili sjálfstæðismanna, Njarðvík kl. 20:00
Miðvikudagur 14. janúar
Þorlákshöfn | Ráðhúskaffi kl. 12:00
Vestmannaeyjar | Félagsheimili sjálfstæðismanna, Ásgarði kl. 20:00
Fimmtudagur 15. janúar
Húsavík | Veitingastaðnum Sölku kl. 12:00
Akureyri | Kaupangi við Mýrarveg kl. 20:00
Föstudagur 16. janúar
Hornafjörður | Kaffi Horninu kl. 12:00
Fjarðarbyggð | Hótel Capitano á Neskaupsstað kl. 12:00
Fjarðarbyggð | Fjarðahótel á Reyðarfirði kl. 17:00
Fljótsdalshérað | Hótel Héraði á Egilsstöðum kl. 20:00
Laugardagur 17. janúar
Reykjavík | Valhöll, Háaleitisbraut 1 kl. 12:00
Evrópunefnd Sjálfstæðisflokksins heldur í fundaherferð dagana 8. - 17. janúar. Haldnir verða 28
opnir fundir víðs vegar um landið þar sem Evrópumálin verða rædd. Á fundunum munu Kristján
Þór Júlíusson, formaður nefndarinnar, og Árni Sigfússon, varaformaður, kynna starf Evrópunefndar
og leita eftir sjónarmiðum fólks um land allt.
Taktu þátt í að móta framtíðina
Eftir Unu Sighvatsdóttur
una@mbl.is
„VIÐ stefnum á alþjóðamarkað en kynnum
þetta sem íslenskt hugvit,“ segir Hákon Skúla-
son, framkvæmdastjóri Kaldara Green
Energy ehf, sem hefur hafið framleiðslu á
nýrri gerð varmavirkjana með breyttri nálgun.
Hugmyndin byggist í stuttu máli á virkj-
unum í smáum einingum, sem eru aft-
urkræfar, hentugri og betur fallnar að um-
hverfinu en þær sem tíðkast hafa. Þetta er í
fyrsta skipti sem íslenskt fyrirtæki framleiðir
virkjanir. „Í rauninni erum við ekki að gera
neitt nýtt, við erum bara að gera það á annan
hátt,“ segir Hákon en með honum að hug-
myndaþróuninni standa þeir Skúli Jóhanns-
son, Guðmundur Þór Þormóðsson og Valdimar
K. Jónsson.
Öll hugmyndavinnan er því íslensk en fyr-
irtækið er að hálfu í eigu Norðmanna og fjár-
magnað af norskum fjárfestum. Framleiðslan
á fyrstu virkjuninni hófst á Indlandi þann 1.
maí síðastliðinn og verður hún sett í gang í
Karíbahafi næsta sumar. Stefnan var að setja
fyrstu virkjunina upp á Íslandi en vegna efna-
hagsástandsins verður það látið bíða um sinn,
að sögn Hákonar.
Umhverfisvænni
og meðfærilegri
Nýnæmið í framleiðslu Kaldara ehf. er fyrst
og fremst meðfærilegri og umhverfisvænni
virkjunarmöguleikar. „Í staðinn fyrir að setja
upp eina risastóra virkjun, þá erum við með
litlar KAPS (Kaldara Power System) virkj-
anir, 5 MW hverja, sem tengja má saman.
Þannig að byrjað er á því að setja upp eina
virkjun og ef vill má stækka hana og bæta
annarri KAPS við. Þá eru komin 10 MW og
þannig koll af kolli í hvaða virkjunarstærð sem
verkast vill.“ Hákon bendir á að þetta sé í
samræmi við ábendingar margra
umhverfisverndarsinna, þ. á m. Bjarkar
Guðmundsdóttur sem fyrir skömmu velti upp
þeirri spurningu á ráðstefnu um umhverfismál
í New York hvers vegna ekki mætti virkja
smærra og hanna virkjanir þannig að þær
féllu betur að náttúrunni.
„Kosturinn við þessa lausn er að hún er
færanleg. Ef borholan klikkar eða ef sam-
félagið krefst þess, þá er hægt að taka virkj-
unina upp og færa hana á næstu holu á tveim-
ur vikum. Nesjavallavirkjun er t.d. þannig að
það þurfti að bora tilraunaholur út um allt til
að finna besta svæðið. Þegar búið var að rann-
saka það fram og til baka var hafist handa við
að bora margar vinnsluholur og síðan byggð
stór virkjun ofan á. Þannig virkjun verður
ekki færð úr stað og ef ein hola klikkar, þarf
að nota pípur ofanjarðar til að leiða jarðgufuna
frá öðrum holum en það er mikil sjón-
mengun.“
Með lausn Kaldara eru pípurnar fyrirferð-
armiklu úr sögunni. Virkjunin er færð nær
borholum og rafmagnslínur notaðar til að
flytja orkuna en þær má grafa niður og fela.
Hákon nefnir þekkt dæmi af Geysis-svæðinu í
Kaliforníu. Þar var virkjað fyrir um 1.400 MW
framleiðslu en í dag stendur svæðið aðeins
undir um 700 MW. Virkjanirnar standa því
margar ónýttar.
Mennirnir að baki Kaldara ehf. höfðu áður
unnið talsvert með vatnsfallsvirkjanir fyrir
Landsvirkjun og Rarik og höfðu því reynslu á
því sviði. En hvernig kom það til að þeir
ákváðu að ráðast í eigin hönnun fyrir jarð-
varmavirkjanir? „Við ætluðum upphaflega
ekki að fara í vélaframleiðslu, við ætluðum að
framleiða rafmagn en svo þegar við báðum um
tilboð frá japönskum framleiðendum þá var 30
mánaða afhendingartími á vélunum og gríð-
arleg eftirspurn, þannig að við sáum ekki fram
á að geta byrjað að framleiða rafmagn fyrr en
eftir kannski 5 ár. Þá sáum við möguleika á að
fara þeim megin inn á markaðinn,“ segir Há-
kon. Þeir stofnuðu því Kaldara ehf. til að
mæta eftirspurninni. „Með þessari lausn er
unnt að fara að framleiða rafmagn eftir 5-7
mánuði í stað 30 mánaða, þannig að innkoman
hefst miklu fyrr.“
Stefnt á alþjóðamarkað
Kaldara stefnir á framleiðslu fyrir al-
þjóðamarkað undir merkjum íslensks hugvits
og segir Hákon í raun furðulegt að Íslend-
ingar kaupi alla hönnun erlendis í stað þess að
vera löngu byrjaðir að gera þetta sjálfir til að
nýta þá kunnáttu sem hér er til staðar og
Kaldara hefur notið m.a. í samvinnu við Ís-
lenskar orkurannsóknir, þar sem Hákon segir
mikla hæfileika liggja. „Við höfum komist að
því að það er alveg ótrúleg vitneskja sem Ís-
lendingar búa yfir í jarðgufumálum. Maður
getur í raun fundið þetta allt hér.“
Framleiða virkjanir fyrstir Íslendinga
Samvinna Hákon Skúlason með fulltrúum indversku framleiðendanna, þeim B. Srinivasadesikan
framkvæmdastjóra og S. Parthaasarathy, fjármálastjóra Hindustrian Turbomachinery Limited.
Í HNOTSKURN
»Móðurfyrirtæki Kaldara ehf. ernorska fyrirtækið Green Energy
Group (GEG).
»Virkjanir Kaldara gætu hugsanlegakomið til móts við kröfu Umhverf-
isstofnunar um mat á umhverfisáhrifum
við Bitruvirkjun.
»Framleiðslutími á 5 MW KAPS virkj-un er 6-7 mánuðir. Samningur ligg-
ur fyrir um sölu á fjölda slíkra virkjana
til eyju í Karíbahafi.