Morgunblaðið - 20.03.2009, Síða 21

MORGUNBLAÐIÐ FÖSTUDAGUR 20. MARS 2009
Eftir Boga Þór Arason
bogi@mbl.is
JOSEF Fritzl, 73 ára Austurríkis-
maður, var í gær dæmdur til ævi-
langrar vistunar á stofnun fyrir geð-
sjúka afbrotamenn eða í fangelsi
eftir að átta manna kviðdómur úr-
skurðaði hann sekan um barnsmorð,
þrælahald, nauðganir, sifjaspell og
fleiri glæpi.
Fritzl var sakfelldur fyrir að hafa
haldið dóttur sinni, Elisabeth, fang-
inni í kjallaradýflissu í 24 ár. Á þess-
um tíma ól hún sjö börn og þrjú
þeirra kúldruðust hjá henni í glugga-
lausum kjallara þar til þau fundust
þar fyrir tæpu ári.
Fritzl var dæmdur til vistunar á
geðlækningastofnun og ef læknar
komast að þeirri niðurstöðu síðar að
ekki stafi lengur hætta af honum á
hann að sitja í fangelsi það sem eftir
er ævinnar.
Fritzl kvaðst sætta sig við dóminn
og ekki ætla að áfrýja honum. Verj-
andi hans, Rudolf Mayer, sagði hann
telja dóminn „sanngjarnan“.
„Sýndi ekki snefil af iðrun“
Áður en dómurinn var kveðinn
upp sagði Fritzl fyrir réttinum að
hann iðraðist gerða sinna. „Ég sé
innilega eftir því sem ég gerði fjöl-
skyldu minni,“ sagði hann við kvið-
dóminn áður en réttarhöldunum
lauk. „En því miður get ég ekki
breytt neinu núna.“
Aðalsaksóknarinn Christiane
Burkheiser sagði að ekkert væri að
marka iðrunarorð Fritzl. „Ekki trúa
honum, hann hefur sýnt sitt rétta
andlit með því að reyna að notfæra
sér trúgirni fólks,“ sagði hún.
Elisabeth Fritzl, sem er nú 42 ára,
fór í réttarsalinn á þriðjudag til að
fylgjast með viðbrögðum föður síns
við vitnisburði hennar sem var tek-
inn upp á myndband og sýndur við
réttarhöldin. Lögmaður hennar, Eva
Plaz, hvatti kviðdóminn til að láta
ekki blekkjast af iðrunarorðunum og
sagði að Elisabeth vildi að Fritzl yrði
í haldi til æviloka. „Hann hefur ekki
sýnt snefil af iðrun,“ sagði lögmað-
urinn.
Geðlæknir, sem rannsakaði Fitzl,
lagði til að hann yrði vistaður á geð-
lækningastofnun þar sem hætta
væri á að hann fremdi glæpina aftur.
Dæmdur til ævilangrar
vistunar á geðsjúkrahúsi
Reuters
Iðrunarlaus? Lítil svipbrigði sáust á Josef Fritzl í réttarsalnum í gær þegar
hann var dæmdur fyrir barnsmorð, þrælahald, nauðganir og sifjaspell.
Í HNOTSKURN
»Fritzl var m.a. sakfelldur fyr-ir að hafa valdið dauða barns
sem dó í kjallaraprísundinni
skömmu eftir fæðingu.
»Kviðdómurinn úrskurðaði aðhægt hefði verið að bjarga
barninu ef Fritzl hefði orðið við
beiðni dóttur sinnar um að koma
barninu undir læknishendur.
»Réttarhöldin voru sögulegvegna þess m.a. að þetta er
fyrsta saksóknin fyrir þrælahald
í Austurríki.
Aðalfundur Vaka fiskeldiskerfa hf. verður haldinn í húsa-
kynnum félagsins aðAkralind 4 í Kópavogi föstudaginn
27. mars næstkomandi og hefst kl. 17:00.
Dagskrá:
1.Venjuleg aðalfundarstörf skv. 14.gr. samþykkta félagsins.
2.Tillaga um heimild stjórnar til kaupa á eigin hlutabréfum.
3.Önnur mál löglega upp borin.
Reikningar félagsins ásamt dagskrá fundarins og endanlegum
tillögum liggja frammi á skrifstofu félagsins hluthöfum til sýnis,
viku fyrir aðalfund.
Aðalfundur
2008
AKRALIND 4 | 201 KÓPAVOGUR | SÍMI 595 3000 | FAX 595 3001 | VAKI@VAKI.IS | WWW.VAKI.IS
Food & Fun
Rauðará kynnir með ánægju John Mooney
meistarakokk frá Florida
18-22 mars 2009
M A T S E Ð I L L
Asískt Perusalat með hunangsristuðum
pekanhnetum og gráðosti
F
Gin og Tonic Ristaður Lax með
karamelluðu blómkáli og Lime-smjörsósu
F
Grillað Dádýr með sætkartöflumauki,
baconrósakáli og Rósmarínsósu
F
Hvítsúkkulaði Cremé brullée með
ferskum berjum og pistasíú-ís
R a u ð a r á s t i g 3 9 . S í m i 5 6 2 - 6 7 6 6 . r a u d a r a @ r a u d a r a . i s
Verið hj
artanleg
a velkom
in
starfsfó
lk Rauð
ará
Fáðu fréttirnar
sendar í símann þinn