Morgunblaðið - 01.04.2009, Blaðsíða 11

Fréttir 11INNLENT
MORGUNBLAÐIÐ MIÐVIKUDAGUR 1. APRÍL 2009
Eftir Unu Sighvatsdóttur
una@mbl.is
ÖLLUM börnum verður tryggður
aðgangur að skólamáltíðum og unnið
verður að því að bæði háskólar og
menntaskólar bjóði upp á sumarnám
í ár vegna vaxandi atvinnuleysis.
Þetta er meðal aðgerða sem Ásta
R. Jóhannesdóttir, félags- og trygg-
ingamálaráðherra, kynnti sem hluta
af velferðaráætlun ríkisstjórnarinn-
ar í gær. Áætlunin er byggð á
skýrslu Velferðarvaktarinnar, stýri-
hóps sem skipaður var í febrúar til
að gera úttekt á velferðarmálum í
kjölfar kreppunnar. Afleiðingar
kreppunnar eru að mati Velferðar-
vaktarinnar vart komnar í ljós
ennþá gagnvart einstaklingum og
fjölskyldum, t.d. hvað varðar heilsu-
far.
Hins vegar hefur huglægur vandi
gert vart við sig hjá öllum kynslóð-
um að sögn Láru Björnsdóttur, for-
manns Velferðarvaktarinnar, og
birtist hann í óvissu og öryggisleysi.
Forvarnir eru því mikilvægur þáttur
í velferðaráætluninni og verður
mynduð n.k. „úrræðakeðja“ sem
miðar að því að hjálpa þeim sem eru
í mestum vanda nú þegar, aðstoða
þá sem eru líklegir til að lenda í
vanda síðar og styðja við þá sem
geta spjarað sig í kreppunni.
Ekki aukinn tilkostnaður
Ásta lagði hins vegar áherslu á að
áætlunin fæli ekki í sér loforð um
aukin fjárútgjöld eða kraftaverk,
heldur þyrfti sérstaklega að gæta
þess „að sparnaður í einum hluta
hins opinbera kerfis leiði ekki til
aukins kostnaðar annars staðar“.
Stofnaður verður mótvægissjóður
með 30 milljónum króna sem veiti fé
til rannsókna og átaksverkefna, en
þar er um að ræða fjármagn sem áð-
ur var eyrnamerkt öðrum verkefn-
um sem ekki var hrint í framkvæmd.
Til stendur að fylgjast markvisst
með þróun mála á næstu misserum
og útbúa sk. félagsvísa, sem kalla
mætti félagsbókhald yfir ástandið.
Lára segir það mikilvægt að velferð-
armál séu tekin svo föstum tökum
strax frá upphafi, í kreppunni sem
gekk yfir Finnland og Svíþjóð á 10.
áratugnum hafi það t.d. ekki verið
gert nógu snemma.
Meðal þess sem lögð er áhersla á í
aðgerðaáætluninni er að viðhalda
virkni atvinnulausra og gæta þess að
þeir festist ekki í bótakerfinu heldur
eigi afturkvæmt á vinnumarkað.
Þess verður gætt að versnandi fjár-
hagur fólks hindri ekki aðgang þess
að heilbrigðisþjónustu, sérstaklega
hvað varðar ungar barnafjölskyldur
sem eru meðal áhættuhópa. Lögð er
áhersla á að tryggja skilvirk úrræði
vegna skuldastöðu heimilanna og að
leita fjölbreyttra leiða til að skapa
fleiri störf. Ábyrgð á framkvæmd
hverrar aðgerðar fyrir sig verður á
höndum viðeigandi ráðuneytis, með
liðstyrk Velferðarvaktarinnar.
Velferðaráætlun
leiðarljós í að-
haldsaðgerðum
Áhrif kreppu á heilsu ekki komin fram
Morgunblaðið/Heiddi
Börnin Velferð barna er rauði þráð-
urinn í vinnu Velferðarvaktarinnar.
Í HNOTSKURN
»10 þúsund börn eiga at-vinnulausa foreldra, þar af
tæp 600 báða foreldra.
»Enn eru þó 90% lands-manna með vinnu og lang-
flestir standa í skilum við
Íbúðalánasjóð.
»Velferðarvaktin munstarfa áfram og skrásetja
þróun velferðarmála.
EGGERT Ísaksson,
fyrrverandi skrifstofu-
stjóri Hvals h.f., lést á
Landspítalanum 30.
mars sl.
Hann fæddist á Raf-
nkelsstöðum í Gerða-
hreppi í Garði 4. júlí
1921 og ólst þar upp til
13 ára aldurs. Þá flutt-
ist hann til Hafnar-
fjarðar og hefur búið
þar síðan.
Eggert starfaði hjá
Venusi h.f. í Hafnarfirði
1944–1974, en var skrif-
stofustjóri Hvals h.f.
frá 1974–1995.
Hann var bæjarfulltrúi Sjálfstæð-
isflokksins í Hafnarfirði frá 1954–
1974. Eggert starfaði í ýmsum
stjórnum og ráðum í Hafnarfirði,
m.a. í fræðsluráði, hafnarnefnd,
stjórn Bæjarútgerðar Hafnarfjarð-
ar, stjórn Lýsi og mjöls, stjórn Nor-
ræna félagsins, stjórn Sólvangs, hús-
næðisnefnd Hafnar-
fjarðar, stjórn bæjar-
og héraðsbókasafns
Hafnarfjarðar, knatt-
spyrnuráði Hafnar-
fjarðar, stjórn Stanga-
veiðifélags Hafnar-
fjarðar, stjórn kirkju-
garðs Hafnarfjarðar
og stjórn Sparisjóðs
Hafnarfjarðar. Einnig
var Eggert formaður
Málfundafélagsins
Magna, formaður
Landsmálafélagsins
Fram, stofnfélagi
Lionsklúbbs Hafnar-
fjarðar, heiðursfélagi í Hestamanna-
félaginu Sörla og starfaði mikið inn-
an Frímúrarareglunnar á Íslandi.
Eggert var kvæntur Sesselju Er-
lendsdóttur (d. 1995). Þau eignuðust
fjögur börn, Ellert, Erlu Maríu,
Guðbjörgu Eddu og Eggert Ísak (d.
1964). Barnabörnin eru sex og
barnabarnabörnin sex.
Andlát
Eggert Ísaksson
{ {