Morgunblaðið - 01.04.2009, Blaðsíða 27

Umræðan 27BRÉF TIL BLAÐSINS
MORGUNBLAÐIÐ MIÐVIKUDAGUR 1. APRÍL 2009
VIÐ TELJUM okkur ófært annað en
svara dylgjum sem á okkur eru born-
ar af hálfu framkvæmdastjórnar
Heilbrigðisstofnunar Suðurlands
(HSU), í blaðagrein sem birtist í Dag-
skránni, sunnlensku fréttablaði,
fimmtudaginn 26. mars síðastliðinn
og birtist einnig á vef Heilbrigð-
isstofnunar Suðurlands.
Greinin er að öllu leyti til þess fallin
að vekja mikinn misskilning um
hæfni og réttindi sjúkraflutninga-
manna í Rangárvallasýslu.
Eins og kunnugt er hefur öllum
hlutastarfandi sjúkraflutningamönn-
um í Rangárvallasýslu verið sagt upp
störfum vegna niðurskurðar hjá
HSU. Fullyrt er að mikill sparnaður
muni nást við þessar skipulagsbreyt-
ingar, sparnaður sem við sjúkraflutn-
ingamenn höfum reyndar ekki fengið
útskýrðan enn af hálfu stjórnar HSU.
Það eru hins vegar útskýringar
framkvæmdastjórnar HSU á því
hvers vegna þessi skipulagsbreyting
komi ekki til með að skerða öryggi
íbúa Rangárvallasýslu sem okkur
finnst við knúin til að gera at-
hugasemdir við.
Orðrétt segir: „Til þess að tryggja
sem mest gæði heilbrigðisþjónust-
unnar og sjúkraflutninganna er lögð
áhersla á, að sem flestir sjúkraflutn-
ingamannanna hafi það að aðalstarfi
og fái þar af leiðandi sem mesta
menntun og þjálfun og verði öruggari
í sínu starfi. Með hliðsjón af því var
talið, að með því að atvinnumenn
sinni sjúkraflutningum í vestari hluta
Rangárvallasýslu auki það öryggi
þeirra sem þar búa, eða a.m.k. verður
það jafn gott þar sem tímalengd í út-
kalli mun ekki lengjast í vestari hluta
sýslunnar.“
Okkur er það hulið hvernig hægt
er að finna það út að öryggi íbúanna
komi til með að aukast við þessar
skipulagsbreytingar. Fullyrt er að
tímalengd í útkalli muni ekki lengj-
ast, a.m.k. í vestari hluta sýslunnar,
en hvað um eystri hlutann? Hvergi er
minnst einu orði á það hvort tíma-
lengd í útköllum komi til með að
lengjast þar, eða hvort þjónustan
komi til með að breytast á einhvern
hátt. Við sem höfum starfað sem
sjúkraflutningamenn í Rang-
árvallasýslu í mörg ár, sum hver í
meira en áratug, vitum allt um vega-
lengdir á okkar svæði og það hvað
langan tíma tekur að aka á milli
staða. Það er staðreynd að viðbragðs-
tími í útköllum mun lengjast mjög
mikið ef íbúar austan Landvegamóta
þurfa að bíða eftir sjúkrabíl frá Sel-
fossi, en mikill meirihluti íbúanna býr
einmitt þar fyrir austan.
Og hvað með þá fullyrðingu að láta
frekar „atvinnumenn“ sjá um sjúkra-
flutningana? Erum við bara leik-
menn? Þótt við sjúkraflutningamenn
í Rangárvallasýslu séum í hlutastarfi
en ekki 100% starfi, þá erum við engu
að síður atvinnumenn. Menn sem eru
á launaskrá allt árið á föstum launum,
þótt í hlutastarfi sé, eru atvinnu-
menn.
Í greininni koma fram grófar
dylgjur um menntun okkar og þjálf-
un. Komið hefur upp sá misskilningur
meðal lesenda títtnefndrar greinar að
við séum réttindalausir að sinna
þessu starfi.
Við sjúkraflutningamenn í Rang-
árþingi höfum að öllu leyti þá mennt-
un sem krafist er í þessu starfi, og
löggildingu sem slíkir frá heilbrigðis-
og tryggingamálaráðuneytinu. Að
auki höfum við öll farið á endur-
menntunarnámskeið á hverju ári, auk
þess að taka námskeið þau sem kraf-
ist er vegna aukins og bætts tækja-
búnaðar og þróunar. Það er ein-
kennilegt að greinarhöfundur skuli
ekki afla sér betri upplýsinga um
staðreyndir áður en svona grein er
birt.
Það er miður að eftir áralangt starf
sem sjúkraflutningamenn við góðan
orðstír skuli okkur vera sagt upp á
forsendum sem ekki hafa fengist út-
skýrðar til fulls, og að okkar mati ein-
ungis til þess fallnar að skerða öryggi
allra íbúa Rangárvallasýslu.
Hlutastarfandi sjúkraflutn-
ingamenn í Rangárvallasýslu.
EINAR ERLENDSSON,
LÁRUS ÞORSTEINSSON,
MARGÉT SIGRÍÐUR JÓNS-
DÓTTIR,
ÓLAFUR ELÍ MAGNÚSSON,
ÓSKAR JÓNSSON,
ÞÓRIR MÁR PÁLSSON.
Missagnir um sjúkra-
flutningamenn leiðréttar
Frá sjúkraflutningamönnum í Rang-
árvallasýslu
EIN VERSTA af-
leiðing kreppunnar er
sú óvissa sem hún
skapar um þróun efna-
hagsmála, óvissa sem
gerir það að verkum
að það er nánast
ómögulegt að gera vit-
rænar áætlanir. Ef
takast á að sigrast á
kreppunni verður að finna leið til
þess að minnka óvissuna og draga
þannig úr áhrifavöldum hennar. Ein
nálgun við vandamálið er að finna
tímabundnar lausnir á afleiðingum
kreppunnar á meðan komið er bönd-
um á áhrifavalda hennar svo eyða
megi óvissunni í millitíðinni og hægt
sé að taka upplýstar ákvarðanir í
framhaldinu.
Lausn á gengisvandanum
Mesti óvissuvaldurinn er gengi
krónunnar sem hefur keyrt upp
verðbólgu og vexti. Saman hafa
þessir þættir orsakað gríðarlega
hækkun veðlána og samdrátt í at-
vinnulífinu. Gengi krónunnar er
þannig lykillinn að lausn óvissunnar.
Ef hægt er að ná töku á genginu
fylgir hitt á eftir. Lykilinn að lausn
gengisvandans felst hins vegar í því
að ná tökum á og geta stjórnað út-
flæði gjaldeyris í formi fjármangs-
flutninga og þar eru hin svo kölluðu
jöklabréf stærsti liðurinn. Í blaða-
grein undirritaðs í Mbl. í nóvember
sl., var bent á að semja ætti við
jöklabréfeigendur um að greiða
þeim út í skömmtum á fyrirfram
ákveðnu gengi svo tryggja mætti
stöðuleika gengisins. Æ fleiri hafa
síðan fylkt sér að baki þessarar
lausnar, en ekkert gerist, á meðan
blómstrar braskið með jöklabréfin á
erlendri grundu. Hin leiðin er að
setja gengið á flot án hafta, snýta
jöklabréfunum út úr kerfinu á 2-3
mánuðum og koma í veg fyrir að hið
tímabundna gengisfall leiti inn í
verðlagið með samstilltu átaki um
birgðasöfnun og frystingu lána.
Þegar stöðugleika er náð ætti að
fastsetja gengi fjármangsflutninga
eins og í Hong Kong, en láta hið al-
menna gengi stjórnast af inn- og út-
flutningi.
Íhf. – lausn fyrir heimilin
Takast verður strax á við það
risavaxna vandamál að yfir 14 þús.
heimili eiga ekkert í eignum sínum
lengur. Nauðsynlegt er að leysa
vandamálið tímabundið, þar til það
versta er yfirstaðið. Fjöldi fast-
eignaeigenda er að gefast upp þar
sem þeir sjá ekki út úr skuldafeninu
og margir hverjir eru
jafnvel að komast að
þeirri niðurstöðu að
það sé tilgangslaust að
halda áfram. Ef koma
á í veg fyrir almenna
uppgjöf og landflótta
verður að finna lausn
sem felur í sér von um
að vandinn sé bæði yf-
irstíganlegur og að
gjaldþrot blasi ekki við
þrátt fyrir að illa fari.
Lausnin á hvoru
tveggja felst í því að
heimila þessum rúm-
lega 14 þúsund íbúðareigendum í
vanda að stofna hlutafélag um fast-
eignir sínar. Opna á fyrir nýtt hluta-
félagsform íhf. (íbúðarhlutafélag),
sem gæti t.d. verið háð ákveðnum
skorðum um líftíma o.fl. Ef hluta-
félagið á ekki lengur fyrir skuldum
verður hlutafélagið gjaldþrota, en
ekki einstaklingurinn, sem gengur í
burtu slyppur og snauður en ekki
gjaldþrota. Með þessu móti þarf
ekki að breyta gjaldþrotalögunum
og um leið axlar lánveitandinn rétt-
bæra ábyrgð og fær tímabært að-
hald. Þessi leið býður upp á fleira.
Dæmi: Ef skuldir íbúðareigandans
eru 30% umfram eignir opnar hluta-
félagaformið fyrir þann möguleika
að Íbúðalánasjóður (lánveitandi) yf-
irtaki þessi 30% sem hluthafi í félag-
inu. Hlutafélagið er síðan rekið
áfram út úr kreppunni í 2-3 ár þar
sem einstaklingurinn greiðir af sín-
um 70% hlut og Íbúðalánasjóður
greiðir af sínum 30% hlut. Að 2-3 ár-
um liðnum, eða þegar meirihlutaeig-
andinn óskar þess er fasteignin end-
urmetin. Ef eignaverðið stendur á
pari væri heimild fyrir því að eign-
arhlutur ÍLS breyttist í lán til aðal-
eiganda. Ef eignin er hins vegar
orðin 2 milljónum verðmeiri, þyrfti
aðaleigandinn að greiða ÍLS 30% af
2 mkr. (600 þ) auk þess að yfirtaka
hlut ÍLS í formi láns. Umfram-
greiðslan (600 þ) væri þá ávöxtun
ÍLS af sínu hlutafé. Sé þessu hins
vegar öfugt farið hefur hlutur ÍLS
rýrnað í verði eins og eigandans og
eigandinn myndi þá fá 600 þ. í af-
slátt.
Kúlu „hluta“bréf
Einnig væri hægt að útfæra
samskonar lausn sem byggðist á
sömu hugmyndafræði, en semja eins
og um ímyndað hlutafélag væri að
ræða, með þeirri afleiðingu að gjald-
þrotavandamálið sæti eftir. Slík út-
færsla myndi e.t.v. henta betur þar
sem eignastaðan er ennþá yfir núll-
inu. Lausnin fælist í því að reikna út
mismun á núverandi skuldastöðu
viðkomandi og skuldastöðu hans áð-
ur en óðaverðbólgan hófst t.d. hinn
1. janúar 2008 og gefa síðan út
vaxtalaust kúlubréf til 2-3 ára fyrir
mismuninum. Viðkomandi heldur
sem sagt áfram að borga af skuldum
sínum eins og þær stóðu 1/1/08, en
kúlubréfið, sem kemur í staðinn fyr-
ir hlutafé lánveitandans bíður þess
að vera gert upp og breytt í lang-
tímalán eftir 2-3 ár. Að þeim tíma
liðnum er fasteignin endurmetin og
eignastaðan endurreiknuð á sama
hátt og í tilfelli íbúðarhlutafélagsins.
Á sama tíma og þjóðfélagið stend-
ur í ljósum logum þar sem fasteignir
og bílar eru á uppboði svo hundr-
uðum skiptir fær þjóðin enga áætl-
un í hendur frá stjórnvöldum um
það hvernig eigi að ráðast að rót
vandans. Fyrr en tekið er á geng-
isvandanum verður hér sama bið-
staðan og verið hefur og fyrr mun
hvorki umheimurinn né við sjálf öðl-
ast trú á að endurreisn hagkerfisins
sé hafin.
Vandamálin eru
til þess að leysa þau
Guðlaugur Ö. Þor-
steinsson fjallar um
gengismál og
skuldastöðu ein-
staklinga
» Fjöldi fasteignaeig-
enda er að gefast
upp þar sem þeir sjá
ekki út úr skuldafeninu
og margir hverjir eru
jafnvel að komast að
þeirri niðurstöðu að það
sé tilgangslaust að
halda áfram.
Guðlaugur Ö.
Þorsteinsson
Höfundur vinnur við fasteignageir-
ann og er rekstrarverkfræðingur.
MORGUNBLAÐIÐ birtir alla út-
gáfudaga aðsendar umræðugreinar
frá lesendum. Blaðið áskilur sér rétt
til að hafna greinum, stytta texta í
samráði við höfunda og ákveða hvort
grein birtist í umræðunni, í bréfum til
blaðsins eða á vefnum mbl.is. Blaðið
birtir ekki greinar, sem eru skrifaðar
fyrst og fremst til að kynna starfsemi
einstakra stofnana, fyrirtækja eða
samtaka eða til að kynna viðburði,
svo sem fundi og ráðstefnur.
Innsendikerfið
Þeir sem þurfa að senda Morg-
unblaðinu greinar eru vinsamlega
beðnir að nota innsendikerfi blaðsins.
Formið er undir liðnum „Senda inn
efni“ ofarlega á forsíðu mbl.is. Einnig
er hægt að slá inn slóðina
www.mbl.is/sendagrein
Ekki er lengur tekið við greinum
sem sendar eru í tölvupósti.
Í
Móttaka að-
sendra greina
Utankjörstaðaskrifstofa
Sjálfstæðisflokksins
Sjálfstæðisflokkurinn
Utankjörfundaratkvæðagreiðsla vegna alþingiskosning-
anna 25. apríl nk. er hafin.
Kosið er hjá sýslumönnum um allt land. Í Reykjavík er kosið
í anddyri Laugardalshallarinnar alla daga kl. 10.00 - 22.00,
nema á skírdag, föstudaginn langa, páskadag og annan í
páskum, en þá er lokað.
Erlendis er kosið í sendiráðum Íslands og hjá mörgum
ræðismönnum. Upplýsingar um kjörstaði erlendis má finna
á www.xd.is
Einnig er kosið á sjúkrahúsum og öldrunarstofnunum
skv. sérstökum auglýsingum þar um.
Munið að hafa skilríki meðferðis.
Utankjörstaðaskrifstofan veitir allar upplýsingar og aðstoð
við kosningu utan kjörfundar. Einnig er hægt að nálgast
upplýsingar á heimasíðu Sjálfstæðisflokksins, www.xd.is og
á upplýsingavef dómsmálaráðuneytisins www.kosning.is
Sjálfstæðisfólk!
Látið okkur vita um stuðningsmenn sem ekki verða heima á
kjördag, t.d. námsfólk erlendis.
Utankjörstaðaskrifstofa
Sjálfstæðisflokksins
Valhöll, Háaleitisbraut 1, 2. hæð,
105 Reykjavík
Sími: 515 1712
Fax: 515 1717
Gsm: 869 5140
Netfang: utankjorstada@xd.is