Morgunblaðið - 01.04.2009, Blaðsíða 17
Fréttir 17ERLENT
MORGUNBLAÐIÐ MIÐVIKUDAGUR 1. APRÍL 2009
ÓTTAST er, að á
þriðja hundrað
manna hafi farist
er þrír bátar með
fólki, sem ætlaði
að komast ólög-
lega til Evrópu,
sukku undan
ströndum Líbýu.
Bátarnir lögðu
frá landi á
sunnudag og
voru 257 manns á einum þeirra og
nokkur hundruð manna á öllum
þremur. Var fólkið af ýmsu þjóð-
erni en aðallega arabar og Afr-
íkumenn. Var ferðinni heitið til
Ítalíu.
Skömmu eftir að lagt var af stað
gerði mikið veður en um 350 manns
tókst að bjarga um borð í ítalskt ol-
íuskip. Vitað var með vissu, að 21
maður hafði drukknað en nokkuð á
þriðja hundrað manns var saknað.
Mikill straumur flóttafólks er frá
Líbýu, sem er með 1.700 km langa
strandlengju, til Evrópu og er
mesta vertíðin hvað það varðar að
byrja um þessar mundir.
Vonast er til, að þessum fólks-
straumi ljúki 15. maí nk. en þá ætla
Líbýumenn að koma í veg fyrir
hann samkvæmt samningum við
ítölsk stjórnvöld.
Talið er, að frá 1988 hafi að
minnsta kosti 20.000 manns
drukknað á þessari leið til Evrópu
en líklega töluvert fleiri. svs@mbl.is
Óttast um
afdrif
hundraða
Þrír bátar með flótta-
fólki sukku við Líbýu
Þessum mönnum
tókst að bjarga.
HÉR er verið að snurfusa þau Barack Obama Banda-
ríkjaforseta og Elísabetu Englandsdrottningu og ekki
að sjá, að þau láti það neitt á sig fá. Við því er heldur
ekki að búast, þau eru bara úr vaxi og deila bás í Vax-
myndasafni Madame Tussauds í London. Þangað kom
hinn raunverulegi Obama í gær vegna G-20-fundarins.
AP
Tvífari Obama er tilbúinn
BÚIST var við því í gær, að banda-
rísku bílasmiðjurnar General Mot-
ors myndu þá síðar um daginn veita
Hummernum náðarhöggið.
GM skýrði frá því í júní á síðasta
ári, að framtíð þessa ofvaxna bens-
íngleypis væri í óvissu en sala á
honum minnkaði um 51% í fyrra.
Var þá verið að reyna að finna
kaupendur að framleiðslunni en
ekki er vitað til, að það hafi tekist.
Dablaðið Times sagði í gær, að
ákvörðun um Hummer yrði tekin
þá um daginn en víst þykir, að hann
verði endanlega sleginn af.
GM og Chrysler hafa verið sett
ströng skilyrði fyrir frekari aðstoð
frá almenningi eða ríkinu og ljóst
er, að framtíð beggja, ef hún er ein-
hver, mun felast í framleiðslu færri
og minni bíla. svs@mbl.is
Hummerinn
sleginn af?
UM það hefur
enginn efast, að
egypska drottn-
ingin Nefertítí
hafi verið ein-
staklega fögur
kona en nú vilja
þýskir vísinda-
menn meina, að
ekki sé allt sem
sýnist í þeim efn-
um.
Brjóstmyndin fræga af Nefertítí,
sem var uppi á 14. öld f.Kr., er í
fornminjasafninu í Berlín en hún
var æðsta eiginkona Amenhóteps
IV, sem síðar var kallaður Ahhen-
aten.
Gerðar hafa verið mjög ítarlegar
rannsóknir á brjóstmyndinni, sem
fannst árið 1912, og niðurstaðan er,
að heilmikið hafi verið átt við upp-
haflegu myndina. Til dæmis hafi
hrukkur í kringum munninn verið
fjarlægðar og nefið fegrað til
muna. Með nýjustu tækni má sjá, að
sums staðar hefur verið höggvið úr
en annars staðar bætt við nýju lagi.
Kinnbeinunum var breytt og þau
gerð hærri og átt var við augun og
augnumgerðina.
Alexander Huppertz, sem stýrði
rannsókninni, segir í viðtali við
tímaritið, að líklega hafi Akhenaten
pantað myndina og viljað hafa eins
og hann vildi, að Nefertítí væri, það
er að segja, að hún uppfyllti allar
fegurðarkröfur síns samtíma fyrir
3.300 árum. svs@mbl.is
Fegruð mynd
af Nefertítí?
Nefertítí drottning,
fegurst kvenna.
„YFIRLÝSINGARNAR marka ekki
uppörvandi byrjun,“ sagði talsmaður
forseta Palestínu um ræðu Benjam-
ins Netanyahus, nýs forsætisráð-
herra Ísraels og leiðtoga Likud-
flokksins, í ísraelska þinginu í gær.
Stjórnin samþykkt af þinginu
Netanyahu ávarpaði Knesset, ísr-
aelska þingið, og kynnti verðandi
ríkisstjórn landsins. Í kjölfarið kaus
þingið um samsteypustjórn Netanyahus og var hún
samþykkt með 69 atkvæðum gegn 45, fimm þingmenn
sátu hjá. Ríkisstjórnina mynda auk Likud-flokksins
Verkamannaflokkurinn, hægriflokkurinn Yisrael Bei-
tenu og Shas, flokkur bókstafstrúaðra gyðinga.
„Ég segi leiðtogum Palestínu – ef þið viljið frið í raun
og veru, er mögulegt að koma á friði,“ sagði Netanyahu
m.a. í ræðu sinni. Hann lagði áherslu á að stjórnin
myndi reyna að ná samkomulagi við Palestínumenn.
Þeir bentu hins vegar á að Netanyahu hefði ekki
nefnt sérstaklega myndun palestínsks ríkis í ræðu
sinni.
Alþjóðasamfélagið hefur lýst yfir áhyggjum af því að
hægristjórn Netanyahus muni leggja tilraunir til frið-
arviðræðna á ís. jmv@mbl.is
Netanyahu sver embættiseið
Palestínumenn eru fullir efasemda um að friðarviðræður verði farsælar undir
nýrri hægristjórn Benjamins Netanyahus, leiðtoga Likud-flokksins
Í HNOTSKURN
»Netanyahu var falið aðmynda ríkisstjórn Ísraels
þann 10. febrúar sl.
»Nýr utanríkisráðherra erAvigdor Lieberman sem
hefur verið sagður kynþátta-
hatari af gagnrýnendum,
vegna and-arabískra ummæla.
Benjamin
Netanyahu
Á FUNDI leið-
toga ýmissa
helstu iðnríkj-
anna, G-20-
fundinum, í
London verða
settar alþjóðlegar
reglur um laun
bankastjóra. Er
það haft eftir
Gordon Brown,
forsætisráðherra
Bretlands.
Brown sagði í ræðu, sem hann
hélt í St. Pálskirkjunni í London, að
hinn frjálsi markaður hefði verið
tekinn í guðatölu en síðar reynst
vera falsguð. Vegna þess m.a. yrði
að setja alþjóðlegar reglur um
bankastarfsemi, þ. á m. um laun
bankastjóra.
„Við ætlum okkur ekki aðeins að
útrýma skattaskjólunum, heldur líka
því, að eitt ríki geti grafið undan
öðru með ólíkum lögum,“ sagði
Brown og nefndi, að margir hefðu
auðgast óheyrilega og verið verð-
launaðir sérstaklega fyrir fádæma
getuleysi og klúður. svs@mbl.is
Samræmd
launakjör
Gordon Brown
forsætisráðherra.
Eftir Svein Sigurðsson
svs@mbl.is
HUGSANLEGT er, að nýtt lyf, pilla,
sem inniheldur nokkur virk efni, geti
dregið úr hjarta- og æðasjúkdómum
um 60% og jafnvel meira. Þykja nýj-
ar rannsóknir og tilraunir á Indlandi
sýna þetta svart á hvítu en læknar og
ýmsir sérfræðingar eru dálítið efins
um siðferðilegu hliðina. Benda þeir
á, að fyrrnefndir sjúkdómar séu
fyrst og fremst lífstílssjúkdómar,
sem eigi að meðhöndla með heil-
brigðara líferni.
Pillan inniheldur lítið magn af
þremur lyfjum, sem lækka blóð-
þrýsting; lyfið simvastati, sem vinn-
ur gegn LDL, slæmu kólesteróli, og
aspirín, sem er blóðþynnandi. Ind-
verska tilraunin var gerð á 2.053
sjúklingum en fyrir hana var ekki
vitað hvort unnt væri að hafa fimm
virk efni í einni og sömu pillunni. Ár-
angurinn fór hins vegar fram úr öll-
um vonum.
Getur haft veruleg
áhrif í heilbrigðismálum
„Við teljum, að þessi samsetta
pilla geti fækkað hjartasjúkdómum
um 60% og heilablóðfalli um 50%,“
sagði Salim Yusuf, sem stýrði rann-
sókninni á Indlandi, en dr.
Christopher Cannon, hjartasjúk-
dómasérfræðingur við Harvard-há-
skóla í Bandaríkjunum, segir í tíma-
ritinu Lancet, sem birti niðurstöður
rannsóknanna, að með pillunni megi
hugsanlega draga úr hjartasjúkdóm-
um um 80%. „Pillan eða aðferðin,
sem hún endurspeglar, getur haft
mikil áhrif á heilbrigðismál í heim-
inum almennt enda eru hjartasjúk-
dómar efstir á blaði yfir banamein,“
sagði Cannon.
Hugmynd sumra er, að allir 55 ára
eða eldri taki pilluna en Mike Rich
hjá breskum samtökum fólks með
háþrýsting segist óttast, að pilla af
þessu tagi verði til að margir breyti í
engu óhollum lífsvenjum.
„Allir vita, að hollur matur og
regluleg hreyfing vinna gegn háum
blóðþrýstingi og raunar ekki bara
gegn honum, heldur mörgum öðrum
sjúkdómum,“ sagði Rich.
Boða töfrapillu gegn
hjartasjúkdómum
LANGT er síðan fiskimenn við
Limafjörð á Jótlandi fóru að segja
sögur af því, að stundum fengju þeir
ekki bara fisk í netin, heldur líka ol-
íu. Danska orkufyrirtækið Dong
Energy hefur nú sannreynt, að í
jarðlögum við og undir firðinum er
olíu að finna.
Jarðlögin á þessum slóðum voru
könnuð nokkrum sinnum á síðustu
öld, í fyrsta sinn á fjórða áratugnum,
en þeir hjá Dong segja, að nú sé í
fyrsta sinn alveg ljóst, að þar sé olíu
að finna. Ekki er samt vitað hve mik-
il hún er en umfangsmiklar rann-
sóknir á því eru fyrirhugaðar á
næstu tveimur árum. svs@mbl.is
Olíufundur
í Limafirði