Morgunblaðið - 01.04.2009, Síða 13
Gæta hófs og sanngirni í skattbyrði á landsmenn.
Tekjur til lágmarksframfærslu verði ekki skattlagðar.
Einfalda skattkerfið og auka eftirlit með undanskotum.
Vinna framfærslugrunn til að ákvarða skattleysismörk.
Beita sér gegn endurupptöku eignarskatts og hátekjuskatts.
Fella niður tolla og lækka enn frekar vörugjöld.
Einfalda skattkerfið og leggja af skatta og gjöld á fyrirtæki.
Endurskoða lög um ýmsa smáskatta og gjöld.
Flytja verkefni frá ríkinu til að auka samkeppni á markaðnum.
Standa vörð um ráðstöfunartekjur lágtekjufólks.
Hækka skattleysismörkin í 150 þúsund kr.
Setja frítekjumark vegna lífeyristekna úr alm. lífeyrissjóðum.
Tekjudreifa greiðslum úr lífeyrissj. til að nýta skattaafslátt betur.
Brýnt að mæta erfiðleikum með endurskoðun gjaldaliða.
Skattahækkanir, ef til þeirra kemur, bitni ekki á lágtekjufólki.
Skoða ber þrepaskipt skattkerfi.
Afnema virðisaukaskatt á matvælum.
Halla á ríkissjóði mætt með endurskoðun skattkerfisins, með fjölgun
skattþrepa, hátekjuskatti og breytingum á vsk., frekar en niðurskurði í
heilbrigðis- og velferðarþjónustu.
AGS fái ekki að ráða ferðinni með stöðu ríkissjóðs.
Marka skattastefnu sem tryggir sanngjarna dreifingu skattbyrðar.
Horfa til skattlagningar orkugjafa og mengandi starfsemi.
Gjald tekið fyrir alla nýtingu auðlinda í þjóðareign.
Bæta skatteftirlit og vinna gegn nýtingu skattaskjóla.
Draga úr jaðarskattáhrifum á tekjutengdar bætur.
Engin laun ríkisstarfsmanna verði hærri en laun forsætisráðherra.
Skattbyrði dreift með réttlátum hætti, skattkerfið notað markvisst til
tekjujöfnunar með þrepaskiptum tekjuskatti. Milliskattþrepið byrji
ekki við lægri tekjur en 500 þús. kr. Kanna kosti þess að skattleggja
vaxtagreiðslur úr landi. Taka aftur upp eignarskatta.
Engin laun hjá ríkisfyrirtækjum verði yfir ráðherralaunum.
Skattamál
og ríkisfjármál
Áherslur flokka fyrir þingkosningar 25. apríl 2009
X-B Framsóknarflokkurinn
X-D Sjálfstæðisflokkurinn
X-F Frjálslyndi flokkurinn
X-L L-listi fullveldissinna
X-O Borgarahreyfingin
X-S Samfylkingin
X-V Vinstrihreyfingin grænt framboð
FRÉTTASKÝRING
Eftir Björn Jóhann Björnsson
bjb@mbl.is
MINNA ber á tillögum stjórn-
málaflokka um skattalækkanir og
afnám gjalda hjá hinu opinbera ef
skoðaðar eru stefnuskrár fyrir kom-
andi þingkosningar, í samanburði
við síðustu kosningar fyrir tveimur
árum. Er þetta einkum áberandi í
tillögum Framsóknarflokks og Sjálf-
stæðisflokks, þó að grunnáherslur
þessara flokka hafa lítið breyst í
skattamálum.
Á sama tíma virðist sem meiri
áhersla sé á skattamál hjá Vinstri
grænum og Samfylkingunni og bein-
línis lagt til hjá VG að skattar verði
auknir, eins og upptaka eignaskatta
að nýju. Þessi áherslubreyting á
tveimur árum markast greinilega af
þeirri stöðu sem ríkissjóður er kom-
inn í eftir bankahrunið, þar sem
skuldir ríkisins hafa hrannast upp
og framundan er gríðarlegur halli á
ríkissjóði. Flokkarnir eru ekki alveg
samstiga um leiðir þó að flestir
gangi út frá því að skattkerfið komi
ekki hart niður á lágtekjuhópum og
þeim sem minna mega sín. Um leið
er uppi krafa um einfaldara skatt-
kerfi og aukið eftirlit með skatt-
heimtu ríkissjóðs.
Skattbyrði verði sanngjörn
Í ályktun landsfundar Sjálfstæð-
isflokksins fyrir tveimur árum er að
finna mjög víðtækar tillögur að
skattalækkunum og afnámi gjalda
hvers konar. Þó að slíkar tillögur séu
einnig til staðar eftir landsfund
flokksins um síðustu helgi þá eru
þær meira almennt orðaðar og var-
færnari. Í samanburði við aðra
flokka ætla sjálfstæðismenn engu að
síður að berjast harðast gegn því að
skattar verði hækkaðir. Sá tónn var
sleginn nokkuð skýrt hjá Þorgerði
Katrínu Gunnarsdóttur, varafor-
manni flokksins, er hún sagði Stein-
grím J. Sigfússon, formann VG, vera
hinn nýja Skattmann, skikkjan hefði
verið send með hraði frá Bessastöð-
um.
Í stefnuskrám stjórnarflokkanna
er í báðum tilvikum talað um „sann-
gjarna“ skattbyrði og hjá Samfylk-
ingunni t.d. talað um gjaldtöku á
nýtingu auðlinda í þjóðareign. Til
viðbótar þeim tillögum Samfylking-
arinnar sem taldar eru upp hér til
hliðar vill flokkurinn draga úr rík-
isútgjöldum með því að sameina rík-
isstofnanir.
Athygli vekur að ný framboð á
borð við Borgarahreyfinguna og L-
lista fullveldissinna hallast frekar að
aukinni skattlagningu, án þess að
hún bitni á hinum verst stöddu.
Þannig kýs Borgarahreyfingin frek-
ar endurskoðun skattkerfis en nið-
urskurð á heilbrigðis- og velferð-
arþjónustu. Er þar nokkur
samhljómur með VG. Fullveld-
issinnar vilja skoða þrepaskipt
skattkerfi, svo dæmi sé tekið.
Framsóknarmenn og frjálslyndir
vilja gæta hófs í allri skattlagningu.
Séu ályktanir framsóknarmanna eft-
ir flokksþingið 2007 skoðaðar þá ber
mun minna á tillögum nú um afnám
skatta og gjalda.
Daðrað við Skattmann
Meiri áhersla lögð á skattlagningu í stefnuskrám stjórnmálaflokka en fyrir
síðustu kosningar Samhljómur hjá Vinstri grænum og Borgarahreyfingunni
Í HNOTSKURN
»Stjórnmálaflokkar og sam-tök, sem bjóða fram lista í
komandi þingkosningum, hafa
nú flest hver kynnt stefnu-
skrár sínar og áherslur að
loknum landsfundum og
flokksþingum.
»Morgunblaðið mun næstudaga skoða nokkra mála-
flokka sem helst brenna á
kjósendum um þessar mundir
og draga fram helstu áherslur
flokkanna.
Fréttir 13INNLENT
MORGUNBLAÐIÐ MIÐVIKUDAGUR 1. APRÍL 2009
Á FUNDI í Flugráði í síðustu viku
var fjallað um tilskipun Evrópu-
bandalagsins um losunarheimildir
á CO2. Í ályktun fundarins ítrekar
Flugráð og telur afar brýnt að
reynt verði til þrautar að ná fram
undanþágum á grundvelli tillagna
sem stýrihópur um losunarheim-
ildir í flugi lagði fram í minn-
isblaði til samgönguráðherra í
fyrrahaust að viðbættri tillögu um
undanþágu vegna millilendingar á
Íslandi í flugi yfir Evrópu vegna
tæknilegra ástæðna.
„Mikilvægt er að samningsmark-
miðin liggi skýr fyrir hið fyrsta og
þar verði í forgangi krafan um að
íslenskt innanlandsflug verði und-
anþegið kerfinu, segir í álykt-
uninni. „Ljóst er að gildistaka til-
skipunarinnar er eftir 9 mánuði
þegar flugrekendur hefja söfnun
reynslu sem gefur aðgang að tak-
mörkuðum sjóði ókeypis heimilda.
Hætt er við, að samningsstaðan
gagnvart ESB veikist ef tíminn er
ekki nýttur vel og íslenskum kröf-
um um undanþágur verði vísað frá
eða ná ekki fram vegna tíma-
þrots.“
Flugráð mælist til að geta fylgst
með framvindu málsins og samn-
ingaviðræðum við ESB.
Brýnt að fá
undanþágu
Innanlandsflug
verði utan kerfisins
Í DAG, 1. apríl, munu eftirlitsmenn
Fiskistofu hefja söfnun upplýsinga
um sjávarspendýr og fugla, sem
veiðast í veiðarfærum fiskiskipa í
eftirlitsferðum þeirra með skip-
unum.
Söfnun upplýsinganna og með-
ferð gagna verður unnin í sam-
vinnu við Hafrannsóknastofnunina.
Á heimasíðu Fiskistofu kemur
fram að algengt sé að ýmis sjáv-
arspendýr og fuglar festist í veið-
arfærum fiskiskipa. Meðaflinn geti
verið svæða- og árstíðabundinn en
verulega hafi skort á haldbærar
upplýsingar um þessar hjáveiðar.
„Misbrestur hefur verið á að þessi
afli sé skráður í afladagbækur og
því hefur verið erfitt um vik að
leggja mat á umfang og dreifingu
hans. Tilgangur með skráningu í
eftirlitsferðum Fiskistofu er að afla
grunnupplýsinga um veiðar á sjáv-
arspendýrum og fuglum við fisk-
veiðar sem munu gagnast við mat á
ástandi viðkomandi stofna,“ segir á
heimasíðu Fiskistofu. sisi@mbl.is
Skrá dýr
sem festast í
veiðarfærum
SÍLD hefur vaðið um Hafnarfjarð-
arhöfn undanfarnar vikur. Syndir
síldin inn og út úr höfninni eftir
eigin tiktúrum, að því er segir á vef
Hafnarfjarðarhafnar. Sjófarendur
hafa lóðað á mjög þykkar síld-
artorfur innan hafnar sem utan.
Mikið fuglager, mávur, skarfur og
aðrir sjófuglar, fylgir síldinni og er
það helsta vísbending um að torfa
sé í höfninni. Einnig fylgja hvalir
síldartorfunum og koma þeir stöku
sinnum inn í höfnina, en halda sig
frekar utan hennar og þá sér-
staklega stóru hvalirnir.
Talað er um að fuglinn sé svo vel
haldinn að hann eigi í erfiðleikum
með að fljúga þegar hann hefur
sporðrennt nokkrum gómsætum
síldum í röð. Ekki er talin sérstök
hætta stafa af síldinni, þar sem
straumar inn og út úr höfninni
hreinsa hana nokkuð vel. Ekki er
fullljóst hvers vegna síldin veður
svo víða inn í hafnir landsins.
Fuglinn gæð-
ir sér á síld
ESB - KOSTIR OG GALLAR
Gylfi Magnússon, viðskiptaráðherra
Opnunarávarp
Marios Katsioloudes, deildarforseti við Hellenic American University
Profits and Losses from being in the EU: Lessons from Cyprus
Martin Marcussen, dósent í stjórnmálafræði við Copenhagen University
Ten Danish EU-lessons
Ambassador Alyson Bailes, gestaprófessor við Háskóla Íslands
The EU, Peace, and Security
Pallborðsumræður að loknum erindum
HVAMMUR, GRAND HÓTEL REYKJAVÍK
Fundarstjóri er Aðalsteinn Leifsson, forstöðumaður og lektor við HR.
Fundargjald er 3.000 kr. með morgunverði. Vinsamlega staðfestið
þátttöku með því að senda tölvupóst á kristin@vi.is
DAGSKRÁ:
MORGUNVERÐARFUNDUR KL. 8:15 - 9:45 FIMMTUDAGINN 2. APRÍL 2009