Morgunblaðið - 01.04.2009, Side 14
14 FréttirALÞINGI
MORGUNBLAÐIÐ MIÐVIKUDAGUR 1. APRÍL 2009
Morgunblaðið/Kristinn
Beðið Gunnar Svavarsson og Ármann Kr. Ólafsson slá á létta strengi með-
an beðið er eftir að umræður hefjist, en þingfundum var ítrekað frestað.
Í FRUMVARPI til breytingua á
tollalögum og lögum um gjaldeyris-
mál sem lagt var fyrir Alþingi seinni-
partinn í gær hyggst ríkisstjórnin
stoppa upp í gat á gjaldeyrishöftun-
um sem hún telur að hafi valdið veru-
legri veikingu á krónunni undan-
farnar vikur.
Frumvarpið var lagt fyrir Alþingi
klukkan 17:30 í gær og til að hægt
væri að ræða frumvarpið og greiða
um það atkvæði samdægurs sam-
þykkti Alþingi afbrigði frá þingsköp-
um með 55 samhljóða atkvæðum.
Steingímur J. Sigfússon, fjármála-
ráðherra, sagði að lokað hefði verið
fyrir skil á rafrænum útflutnings-
skýrslum og lagði hann ríka áherslu
á að frumvarpið yrði samþykkt og
tæki gildi fyrir opnun markaða í dag.
Átti að byggja upp forða
Eins og flestir vita hafa verið í
gildi ströng gjaldeyrishöft frá því í
nóvember í fyrra. Eitt af grundvall-
aratriðunum í haftareglunum er
skilaskylda á gjaldeyri sem felur í
sér að öllum erlendum gjaldeyri sem
innlendir aðilar eignast fyrir seldar
vörur og þjónustu skuli skilað til
fjármálafyrirtækis hérlendis innan
tveggja vikna frá viðskiptunum.
Brot á þessum reglum varða sektum
og jafnvel fangelsi. Markmiðið með
gjaldeyrishöftunum og skilaskyld-
unni er að takmarka útflæði gjald-
eyris og byggja upp gjaldeyrisforða.
Steingrímur J. Sigfússon sagði að
helsta ástæðan fyrir veikingu krón-
unnar undanfarið væri sú að útflytj-
endur væru ekki skuldbundnir til að
selja vörur í erlendum gjaldeyri
heldur geti selt vörur sínar í krónum.
Vísbendingar væru um að einhverjir
útflytjendur fengju greitt fyrir vörur
sínar innanlands með íslenskum
krónum en kaupandi greiddi annað-
hvort beint eða með millilið í erlend-
um gjaldmiðli til aðila utan land-
steinanna. Þannig væri dregið mjög
úr áhrifamætti gjaldeyrisreglna
Seðlabankans.
Stórir aðilar standa við sitt
„Það er rétt að taka það fram að
stóru útflutningsaðilarnir, til dæmis
stóru sjávarútvegsfyrirtækin, eru
ekki þátttakendur í þessum krónuút-
flutningi og hafa spilað eftir þeim
leikreglum sem ætlunin er að fylgt
sé á grundvelli laga um skilaskyldu
gjaldeyris,“ sagði Steingrímur.
Ástandið væri ekki aðeins óviðun-
andi vegna þess að það stuðlaði að
veikingu krónunnar heldur bjagaði
þessi hegðan einnig samkeppnis-
stöðu útflytjenda og ylli fleiri vand-
ræðum. runarp@mbl.is
Komust fram hjá höftunum
með því að selja fyrir krónur
Í HNOTSKURN
» Vísbendingar eru um aðverðmæti útfluttra vara
sem greitt er fyrir með ís-
lenskum krónum á tímabilinu
mars-apríl sé 2 milljörðum
meira en á sama tíma í fyrra.
» Frumvarpið kveður á umað útflutningsviðskipti
með vörur og þjónustu fari
fram í erlendum gjaldmiðli.
» Fjármálaráðherra ræddifrumvarpið við for-
ystumenn útvegsmanna og
Samtaka atvinnulífsins og
voru þeir sammála um að
bregðast þyrfti við, þó þeir
væru ekki endilega sáttir við
gjaldeyrishöftin frá í haust.
FRÉTTASKÝRING
Eftir Rúnar Pálmason
runarp@mbl.is
ÞINGMENN spýttu í lófana í
gærmorgun og samþykktu að
halda áfram umræðum og at-
kvæðagreiðslum fram yfir mið-
nætti til að flýta fyrir þing-
störfum. Nokkur frumvörp
potuðust áfram, bæði í nefndum
og í umræðum en eftir að frum-
varp um hert gjaldeyrishöft var
lagt fram var dagskrá þingsins að
öðru leyti frestað, þ. á m. umræðu
um frumvarp um greiðsluaðlögun
húsnæðislána. Mikil óvissa er um
hvenær þingstörfum lýkur og velt-
ur mikið á því hvaða stefnu um-
ræður um breytingar á stjórn-
arskránni taka á næstu dögum.
Jóhanna Sigurðardóttir for-
sætisráðherra sagði í síðustu viku
að 38 mál þyrftu að komast í
gegnum Alþingi fyrir þinglok, þar
af væru 22 sem þyrftu nauðsyn-
lega að vera samþykkt. Þegar
rennt er yfir þennan lista sést að
mörg af „nauðsynlegu“ málunum
hafa þegar verið samþykkt og
önnur eru komin á góðan rekspöl,
þ.e. í 2. eða 3. umræðu á þinginu.
Umdeilt stjórnarskrármál
Engu að síður ríkir mikil óvissa
um hvenær þingstörfum getur lok-
ið og þingmenn geta tekið til við
eiginlega kosningabaráttu. Mikið
veltur á hvort frumvarp um breyt-
ingar á stjórnarskrá, m.a. um
stjórnlagaþing og um ákvæði um
að auðlindir verði í þjóðareigu,
verður afgreitt með sátt út úr
stjórnarskrárnefnd. Eins og kunn-
ugt er hafa þingmenn Sjálfstæð-
isflokksins miklar athugasemdir
við frumvarpið. Þeir gagnrýna það
efnislega en andstaðan byggist þó
ekki síst á því að frumvarpið sé
illa undirbúið og að þingið verði
að fá mun meiri tíma til að fjalla
um svo mikilvægt málefni. Þeir
eru þó tilbúnir til að samþykkja
tilteknar breytingar á 79. grein,
sem kveður á um hvaða aðferðum
skal beita við breytingar á stjórn-
arskránni. Ákveði meirihluti
nefndarinnar að afgreiða málið úr
nefnd, gegn harðri andspyrnu
sjálfstæðismanna, gæti slíkt dreg-
ið starf þingsins verulega á lang-
inn.
Framsóknarmenn leggja mikla
áherslu á að samþykkt verði að
efna til stjórnlagaþings. Siv Frið-
leifsdóttir, formaður þingflokks
Framsóknarflokksins, sagðist í
gær binda vonir við að sam-
komulag næðist um stjórnarskrár-
málið. Á þessu stigi væri þó erfitt
að spá fyrir um framvindu máls-
ins. Hugsanlega gæti þingstörfum
þó lokið „öðru hvorum megin við
helgi“.
Gætu haldið áfram til páska
Arnbjörg Sveinsdóttir, formaður
þingflokks sjálfstæðismanna, sagði
að ef stjórnarflokkarnir hefðu
áhuga á því, væri hægt að ljúka
þingstörfum á föstudag eða laug-
ardag, að því gefnu að frumvarpið
um breytingar á stjórnarskrá yrði
lagt til hliðar. Stjórnarflokkarnir
virtust á hinn bóginn engan áhuga
hafa á því. Þá gagnrýndi hún
stjórnina fyrir að leggja ekki fram
þingmál sem tæki á málefnum
bankanna og fleiri mikilvægum
efnahagsmálum.
Jón Bjarnason, þingflokks-
formaður Vinstri-grænna, vildi
engu spá um þinglok. Þingstörfin
hefðu algjöran forgang í þessu
ástandi sem hefði skapast í þjóð-
félaginu og ef þurfa þætti mætti
halda áfram fram yfir páska.
Lúðvík Bergvinsson, formaður
þingflokks Samfylkingarinnar,
sagði að sér kæmi ekki á óvart
þótt þingstörf myndu halda áfram
talsvert fram í næstu viku.
Unnið fram eftir á Alþingi
Óvissa um hvenær þingstörfum lýkur
Flest „nauðsynleg“ mál á góðri leið Mál sem ríkisstjórnin vill
að verði samþykkt á Alþingi
2 4
5
8
9 11
13
15 17
19
21
1 3
6
7
10
12 14
16
18 20
22
Frumvarp um breytingar á ýmsum lögum um
fjármálamarkaðinn, m.a. vegna uppljóstrara
Bíður 2. umræðu
Frumvarp um breytingar á lögum um opinbert eftirlit
með fjármálastarfsemi og á lögum um verðbréfa-
viðskipti (aukið gagnsæi í störfum Fjármálaeftirlitsins)
Samþykkt
Frumvarp um breytingu á lögum um hlutafélög
og lögum um einkahlutafélög (eignarhald,
kynjahlutföll og starfandi stjórnarformenn)
Bíður 2. umræðu
Frumvarp um breytingar á ýmsum lögum
vegna innleiðingar á tilskipun ESB um
óréttmæta viðskiptahætti
Í nefnd
Frumvarp til laga um fjár-
málafyrirtæki (slit fjármála-
fyrirtækja vegna bankahruns)
Bíður 2. umræðu
Frumvarp um greiðslu-
aðlögun atvinnulífsins
Samþykkt
Frumvarp um stofnun
eignaumsýslufélag
Í nefnd
Frumvarp um heimild til
samninga um álver í Helguvík
Í nefnd
Frumvarp um breytingu á
raforkulögum
Samþykkt
Frumvarp um breytingu
á niðurgreiðslu
húshitunarkostnaðar
Bíður 3. umræðu
Frumvarp um að hækka
endurgreiðslur vegna
kvikmyndagerðar
Bíður 3. umræðu
Frumvarp um Bjargráðasjóð
Bíður 3. umræðu
Frumvarp um listamannalaun
Bíður 3. umræðu
Frumvarp um frestun nauð-
ungarsölu, lengri aðfararfresti
og aukinn rétt skuldara
Samþykkt
Frumvarp um greiðsluaðlögun
Samþykkt
Frumvarp um hlutabætur atvinnu-
leysistrygginga og aukinn rétt
fyrir sjálfstætt starfandi
Samþykkt
Frumvarp um auknar vaxtabætur
Bíður 2. umræðu
Frumvarp um greiðsluaðlögun fasteignaveðlána
Samþykkt
23 24 25 26
27 28 29
30 31 32
33 34 35
36 37 38
Frumvarp um breytingu
á lögum um íslenskan
ríkisborgararétt
Samþykkt
Frumvarp um vörumerki
Í nefnd
Frumvarp um breytingu á
lögum um náttúruvernd
Samþykkt
Frumvarp um breytingar
á barnaverndarlögum
(bann við líkamlegum
refsingum)
Bíður 3. umræðu
Frumvarp vegna hækkunar gjalds
í Framkvæmdasjóð aldraðra
Samþykkt
Frumvarp til lokafjárlaga
fyrir árið 2007
Í nefnd
Frumvarp um visthönnun
vöru sem notar orku
Bíður 3. umræðu
Frumvarp um iðnaðarmálagjald
Samþykkt
Frumvarp til lögskráningarlaga
Í nefnd
Frumvarp um eftirlit með skipum
Í nefnd
Frumvarp til laga um
stjórn fiskveiða
Samþykkt
Frumvarp um framleiðslu,
verðlagningu og sölu á búvörum
Ekki lagt fram
Frumvarp um Íslandsstofu
Ekki komið á dagskrá
Frumvarp um mannvirki,
skipulagslög og breytingu á
lögum um brunavarnir
Ekki lagt fram
Frumvarp um eiturefni og
hættuleg efni
Bíður 1. umræðu
Frumvarp um erfðabreyttar lífverur
Lagt fram í gær
„Nauðsynlegu“ málin samkvæmt lista ríkisstjórnarinnar
Önnur mál á lista ríkisstjórnarinnar
Frumvarp um
persónukjör
Í nefnd
Frumvarp til stjórn-
skipunarlaga (stjórnar-
skrá og stjórnlagaþing)
Í nefnd
Frumvarp um auknar
heimildir sérstaks
saksóknara
Samþykkt
Frumvarp um
varnir gegn
sókn í skattaskjól
Í nefnd
TIL stóð að afgreiða frumvarp um
heimild til samninga um álver í
Helguvík úr iðnaðarnefnd og til 2.
umræðu á Alþingi í gærmorgun en
því var frestað um einn dag.
Kristján Þór Júlíusson, sem situr í
iðnaðarnefnd fyrir Sjálfstæðisflokk-
inn, sagði að þetta hefði verið gert
að ósk stjórnarflokkanna, þ.e.
Vinstri grænna og Samfylkingar.
VG væru augljóslega ekki tilbúin til
að ljúka málinu. Sjálfstæðismenn
vildu á hinn bóginn gjarnan sam-
þykkja málið enda myndu álvers-
framkvæmdir kalla á fjölda manns í
vinnu og vöxt í samfélaginu.
Álfheiður Ingadóttir, VG, sagði að
það þyrfti ekki að koma á óvart þótt
VG væru andvíg frumvarpinu og að
það væri klofningur milli stjórn-
arflokkanna í þessu máli. Spurð
hvort hún teldi að frumvarpið yrði
samþykkt sagði hún: „Við skulum
sjá til.“
Samningur
tefst í nefnd
Orðrétt
á Alþingi
’Nýendurkjörinn formaður Vinstrigænna kom út af landsfundinumhjá sér í miklu stuði og lýsti því yfir aðnú væri kominn tími til þess að leggjameiri álögur á íslenskan almenning og
draga saman í íslensku samfélagi. En
hann var nú varla búinn að sleppa orð-
inu fyrr en hann tilkynnti það að þetta
gilti að vísu bara um íslenskan almenn-
ing og íslensk heimili því hann ætlaði
nú að fella niður skuldir tveggja fjá-
málafyrirtækja [VBS og Saga Capital]
um átta þúsund milljónir króna. Og
gerði það með því að breyta verðlitlum
verðbréfum í verðtryggt lán til sjö ára
með aðeins tvö prósent vöxtum.
EYGLÓ HARÐARDÓTTIR
’ Þetta er mikill misskilningur hjáháttvirtum þingmanni. Ég vilítreka hér úr þessum stól að hér erekki um það að ræða að einhverjir fjár-munir hafi farið úr ríkissjóði til þess-
ara tveggja fyrirtækja. Það er hvorki
verið að leggja þeim til né lána þeim
nýtt fé. Hér er um að ræða uppgjör á
skuld sem varð til í svokölluðum end-
urhverfum viðskiptum eða repo-
viðskiptum smærri lánastofnana við
Seðlabanka Íslands frá því fyrir hrun.
ÁLFHEIÐUR INGADÓTTIR
’ Á sama tíma og hæstvirtur fjár-málaráðherra grípur til þessararáðstafana gagnvart tveimur fyr-irtækjum, án þess að lækka eigið féþeirra, án þess að lækka hlutafé
þeirra, þá setur hann þrjú önnur fyr-
irtæki á hausinn; Straum, SPRON og
Sparisjóðabankann, sem eru með
fjölda starfsmanna. Þar er ekki talað
um að veita lánafyrirgreiðslu eins og
hér er talað um. Ég myndi segja að
gegn svona veðum ættu menn að tala
um 15-25% ávöxtunarkröfu því þetta
eru handónýt veð.
PÉTUR H. BLÖNDAL
VIÐSKIPTANEFND Alþingis svo
gott sem slátraði frumvarpi Gylfa
Magnússonar viðskiptaráðherra
um breytingu á ýmsum lögum um
fjármálamarkaðinn. Nefndin legg-
ur til að allar greinar frumvarps-
ins, sem lúta að heimildum Fjár-
málaeftirlitsins til að falla frá
saksókn vegna brota á lögum um
fjármálamarkað, verði felldar út.
Í frumvarpinu er lagt til að
Fjármálaeftirlitinu (FME) verði
heimilt að lækka sektir eða fella
sektir niður ef einstaklingur eða
fyrirtæki er fyrstur til að koma
fram með upplýsingar eða gögn
sem geta leitt til rannsóknar eða
sönnunar á broti. Einnig var lagt
til að FME gæti ákveðið að kæra
brot ekki til lögreglu af sömu
ástæðum.
Nefndin benti m.a. á að ekki
ætti að vera unnt að semja sig frá
ákvörðun um saksókn. the@mbl.is
Frumvarpið
gjörbreytt