Morgunblaðið - 07.06.2009, Qupperneq 23

Mánudaginn 8. júní hefst í Heilsugarði Gauja litla nýtt 8 vikna
aðhaldsnámskeið fyrir þá sem vilja ná miklum árangri á
skömmum tíma. Hér er um að ræða nýtt æfingakerfi sem er
byltingarkennt og styrkjandi bæði fyrir líkama og sál.
Sérstakar teygju- og styrktaræfingar sem efla starfssemi
líkamans, regluleg gönguþjálfun sem miðar að auknu úthaldi
þátttakenda. Persónuleika efling og styrking sjálfsmyndar.
Mikið aðhald og ströng markmiðasetning. Þetta er námskeið
fyrir þá sem þora að taka á sínum málum.
Skráning í síma:
5618585 eða 660 8585
Innifalið:
Vikuleg viktun, fituprósentumælingar, ítarleg
kennslugögn, vikulegar leiðbeiningar varðandi
fæðið, matardagbækur, næringarfyrirlestur, góð
hreyfing 3 sinnum í viku, aðgangur að
aðhaldsvefnum www.gauilitli.is, mikið aðhald og
eftirfylgni, sundtaska og brúsi.
Sumarið er tíminn
Nýtt æfingakerfi
á Íslandi!
MORGUNBLAÐIÐ SUNNUDAGUR 7. JÚNÍ 2009
140 bæir um allt land bjóða upp á gistingu,
máltíðir og afþreyingu.
Fjölbreytt gisting: Heimagisting, gistihús,
sveitahótel, sumarhús og tjaldsvæði.
Verið velkomin!
Bændur selja búvörur beint frá býli.
Fjölbreytt framboð af íslenskum mat
við allra hæfi.
Verði þér að góðu!
Bændahöllinni
107 Reykjavík
sími 563-0300
www.beintfrabyli.is
www.bondi.is
Síðumúli 2
108 Reykjavík
sími 570-2700
www.sveit.is
Komdu í heimsókn til bænda og kynntu þér
nútímabúskap og fjölbreytta starfsemi í
íslenskum sveitum.
Fyrir börn og fullorðna á öllum aldri!
Velkomin
í sveitina
Allt sem þú þarft að vita um
gistingu, mat og afþreyingu í
sveitinni
Bæklingurinn liggur frammi á öllum
helstu áningarstöðum á landinu.
Pantið bækling á www.uppisveit.is
Eftir Ingvar Örn Ingvarsson
ingvarorn@mbl.is
Íslendingar hafa undanfarið ver-ið vanir því að vera mikið á far-aldsfæti og liggur leiðin þá oftum flugvöllinn í Kastrup í
Kaupmannahöfn. Fyrir aðeins
nokkrum mánuðum prýddu veggi
flughafnarinnar auglýsingar frá ís-
lenskum útrásarfyrirtækjum og
verslunum í eigu Íslendinga. Þær
eru nú farnar fyrir löngu þótt enn
sjáist auglýsingar frá flugfélaginu
Sterling, sem nú reyndar gengur
undir nafninu Cimber Sterling eftir
nýlega uppstokkun og enn ein eig-
endaskiptin. Blaðamaður átti leið
um flughöfnina á dögunum og þótti
af því tilefni tilvalið að spyrja aðra
ferðalanga um viðhorf þeirra til Ís-
lands, nánar tiltekið hvað væri það
fyrsta sem fólki dytti í hug þegar Ís-
land væri nefnt á nafn.
Nokkur vonbrigði
Það var nokkuð auðvelt að gera
hagnýtan samanburð á þessari
óformlegu könnun og eldri við-
horfum útlendinga þar sem blaða-
maður hefur undanfarin ár umgeng-
ist mikið af erlendu fólki og iðulega
spurt fólk hvort það þekki til Íslands
eða hafi komið þangað. Í gegnum
tíðina hefur verið hægt að sjá ákveð-
ið þekkingarmynstur hjá erlendu
fólki hvað Ísland varðar. Fólk sem
er um og yfir fertugt nefnir t.d. iðu-
lega tónlistarkonuna Björk Guð-
mundsdóttur en yngra fólkið nefnir
frekar hljómsveitirnar Sigur Rós
eða Múm. Sigur Rós virðist reyndar
hafa náð ótrúlegri útbreiðslu og hef-
ur blaðamaður t.d. hitt konu frá Ist-
anbúl sem hafði meira að segja Sig-
urrósarhúðflúr á öxlinni.
Þá þekkja Danir, og reyndar
Þjóðverjar líka, vel til íslenska
hestsins en að auki hefur blaðamað-
ur rekist á þýska stúlku sem vissi
allt um Nonna og Manna vegna sjón-
varpsþáttanna sem sýndir voru í
þýsku sjónvarpi. Þá hafa breskir
þegnar iðulega minnst á náttúru
landsins en hún virðist höfða sérlega
mikið til þeirra.
„Finanskrisen“
Í flughöfninni í Kastrup voru nið-
urstöður könnunarinnar hins vegar
mikið litaðar af atburðum síðustu
mánuða. Nánast allir Danir sem
voru spurðir hvað væri það fyrsta
sem þeim dytti í hug þegar Ísland
væri nefnt nefndu „finanskrisen“
eða efnahagskreppuna alræmdu.
Ekki varð unað við þá niðurstöðu
og voru því fleiri spurðir þangað til
annað svar fékkst og loksins, þegar
búið var að ganga á sex manns, fund-
ust tvær ungar stúlkur sem nefndu
Íslendingasögurnar. Það kom und-
irrituðum á óvart þar sem hann
hafði fastlega búist við því að ein-
hver nýmóðins hljómsveit yrði fyrir
valinu. Nei, þegar allt kemur til alls
eru það Íslendingasögurnar sem enn
hefja okkur til vegs og virðingar.
Ennfremur má vera ljóst af þess-
ari óformlegu könnun að það er ekki
bara sjálfsmynd Íslendinga sem er í
molum heldur hefur ímynd lands og
þjóðar líka beðið hnekki. Líklegast
er lærdómurinn sá að erfitt er að
gera garðinn frægan á hverfulli svið-
um lífsins eins og viðskiptum og list-
um en þegar það tekst þá límist það í
minni þeirra sem þekkja eitthvað til
landsins svo um munar og skiptir þá
litlu hvort það er að góðu eða illu.
Jafnvel festist orðspor landsins svo
rækilega í hugmótum fólks að jafn-
vel ein mesta hneisa sem þjóðin hef-
ur staðið frammi fyrir megnar ekki
að skyggja á Íslendingasögurnar, ef
nógu oft er spurt það er að segja.
Ekki bara sjálfs-
myndin í molum
Óvænt Niðurstöður óformlegar könnunar í flughöfninni í Kastrup leiddi í
ljós að efnahagskreppan yfirgnæfir afrek þjóðarinnar á öðrum sviðum.
’
Hvað efnisleg gæði
snertir, þá er nægju-
semin engin, aðeins
græðgi, græðgi,
græðgi, kröfur og kröf-
ur. En við sýnum því
hinsvegar lítinn áhuga
að rækta okkar innri
mann.
Dalai Lama, trúarleiðtogi Tíbeta.
Á krepputímum á að lækka skatta og
örva neyslu, en hækka skatta og draga
úr neyslu á þenslutímum. Ætlum við
aldrei að læra svo einfaldan hlut?
Halldór I. Elíasson stærðfræðingur, í grein
í Morgunblaðinu.
Þetta eru stærstu þáttaskilin í Íslands-
sögunni frá styrjaldarárunum og því
draumur sagnfræðinga með áhuga á
samtímanum að ráðast í svona skrif.
Guðni Th. Jóhannesson, lektor við Háskól-
ann í Reykjavík, um efni nýrrar bókar sinn-
ar „Hrunið“.
Nú erum við víst orðnir norðurbæingar
á Akureyri. Hríseyingar eru þá miðbæ-
ingar og allir hinir innbæingar.
Garðar Ólason, oddviti Grímseyinga, eftir
sameiningu Grímseyjar og Akureyrar.
Ég óttast að það verði hrikalegar upp-
sagnir framundan ef svo heldur fram
sem horfir.
Gylfi Arnbjörnsson, forseti ASÍ.
Í stað hjálpar búa þessi heimili við sér-
tækar, flóknar og jafnvel lítillækkandi
aðgerðir af hálfu stjórnarinnar. Teygju-
lán, bómullargjaldþrot og þvíumlíkt.
Þráinn Bertelsson, þingmaður Borg-
arahreyfingarinnar.
Töfralausnirnar og yfirboðin og popúl-
isminn hjálpar ekki nokkrum manni
nokkurn skapaðan hlut heldur raunhæf-
ar aðgerðir, sem eru í samræmi við
getu þjóðarbúsins.
Steingrímur J. Sigfússon, fjármálaráð-
herra.
Það má segja að það sé komið á kart-
öflustríð milli okkar, Þykkbæinga og
„Kalla kartöflukóngs“.
Markús Ársælsson í Hákoti, en ágreiningur
er á milli landeigenda nokkurra jarða í
Þykkvabæ í Rangárþingi ytra og Karls
Ólafssonar í Háfi um landskikann Borg-
artúnsnes.
Obama leitar sátta við múslima og Ísr-
aelar munu verða að borga brúsann.
Ísraelskur fréttaskýrandi.
Íslendingar sitja ekki og væla yfir hlut-
unum. Bretar hata ekki Íslendinga og
aðrir eiga eftir að skilja út af hverju
þegar þeir sjá þessa mynd.
Breska kvikmyndagerðarkonan Heather
Millard, sem gerir heimildarmynd um Ís-
land eftir bankahrunið.
Mér varð hugsað til konunnar, en hún
stóð á kajanum og horfði á þetta allt
saman.
Karl Einar Óskarsson, annar tveggja
manna sem voru í hafnsögubátnum Auð-
uni, sem sökk í Sandgerðishöfn.
Okkur er umhugað um að heildarmark-
miðum sé náð, en ekki um smáatriði
eins og hver vaxtaprósentan er, hversu
mikið henni er breytt og hvenær. Slíkar
ákvarðanir eru komnar undir Seðla-
bankanum sjálfum og peninga-
stefnunefnd.
Franek Rozwadowski, fastafulltrúi IMF á
Íslandi.
Mín skilaboð til stjórnvalda eru þessi:
Hendið hugmyndinni og byrjið að
bjarga þjóðinni.
Þorvarður Gunnarsson, framkvæmdastjóri
Deloitte, um fyrningarleiðina, á fundi um
auðlindanýtingu í Vestmannaeyjum.
Morgunblaðið/Golli