Nýtt kvennablað - 01.01.1946, Blaðsíða 4

2
NÝTT KVENNABLAÐ
í öllum þessum félögum verður starfssviðið
svo stórt, að hvergi sér útyfir. En íslenzkar
konur eiga gott að hafa átt þessa eldsál.
Vonsvikinna mæðra og ógiftra var hún sverð
og skjöldur. Kvað ekki skáldið um eina þeirra:
„Hún var sorgin, sem engan átti að, hún var
ástin, sem hvergi átti hlíf.“ Þessum einstæðing-
um sýndi Laufey Valdimarsdóttir þolinmæði og
skilning, og þá elsku, sem aldrei fyrnist. Og
hefur áorkað að bæta kjör þeirra, og hvað
meira er, breyta almenningsálitinu, sem oft var
ómilt í þeirra garð og þær risu ekki undir. Eitt
hennar síðasta áhugamál var Menningarsjóður
kvenna, sem hún bar mikið traust til að í fram-
tíðinni gerði stúlkum efnalega kleift að stunda
háskólanám. Listamaður var Laufey að upplagi,
án efa, og fjölþættar gáfur bar hún í brjósti, en
hafnaði öllu tildri fyrir að gera skyldu sína.
Þakka nú bæði konur og karlar fröken Lauf-
eyju Valdimarsdóttur óeigingjarns starf og oft
vanþakklátt, til viðreisnar og blessimar.
Guðrún Stefánsdóttir.
Mér er ljúft, að bón Nýs kvennablaðs, að rifja
upp nokkur atriði um hið fórnfúsa og óeigin-
gjama starf Laufeyjar Valdimarsdóttur í þágu
okkar. Hún var hvatamaður að stofnun A.S.B.,
sem stofnað var 1933, og var formaður þess í
8 ár, einnig sat hún sem fulltrúi okkar í fulltrúa-
ráði verkalýðsfélaganna og á þingum þeirra all-
an þann tíma. Það var mikið og erfitt starf, sem
hún vann fyrir stétt okkar. Kjörin voru mjög
bágborin. Vinnutími frá kl. 8 að morgni til kl. 9
að kvöldi alla daga, nema stórhátíðadaga, og
kaup fyrir heilan dag, þetta um 120 til 140 krón-
ur á mánuði, og stúlkur fundust þó nokkrar, sem
unnu allan daginn án þess að hafa matartíma,
fyrir 50 krónur á mánuði (fyrir svo kallaðan
hálfan dag), mun þó víðast hafa verið greitt
75 krónur á mánuði. Frí þekktust ekki. Nú
höfum við frí einn dag í viku, eða kaup sérstak-
lega. Nú er brauða- og mjólkurbúðum lokað kl.
6 virka daga og sunnudaga kl. 12. Og lokaðar
alla stórhátíðisdaga nema á Hvítasunnudag.
Grunnkaup fyrir heilan dag er nú kr. 290, — og
fyrir hálfan dag kr. 215, þegar hámarki er náð.
Það var sú sterka réttlætiskennd, sem Lauf-
eyju var í blóð borin, sem knúði hana til starfa
fyrir þá, sem harðast urðu úti í þjóðfélaginu, og
hennar mikli baráttukjarkur, sem gerði hana
svo sigursæla sem raun bar vitni. Hún vissi allt-
af, að málstaðurinn var góður, og hún gekk heil
og hiklaust að starfi. Mörg fleiri félög stofnaði
Laufey, svo sem Kvenstúdentafélagið, Mæðra-
félag og Mæðrastyrksnefnd, einnig var hún á
tímabili fulltrúi í framfærslunefnd og í bama-
verndarnefnd. Formaður Kvenréttindafélagsins
frá 1926 til dauðadags.
Það gegnir furðu að ein kona skuli hafa getað
afkastað svo mörgu og svo miklu á ekki lengri
ævi, og jafnframt unnið fyrir sinu daglega
brauði. Þó er langt frá, að hér sé allt talið. 1
Mæðrastyrksnefnd var hennar aðalstarf; þar
fann hún ótæmandi verkefni fyrir einstæðings
mæður og böm þeirra. Fyrir þær var hún sling-
asti lögfræðingur og um leið innilegasta móðir.
Engin kona á Islandi getur verið þeim það, sem
hún var. Enginn miðlað þeim jafn mikilli hjart-
ans hlýju og elskulegri samúð í þrautum þeirra.
Laufey var mikil tilfinningakona. Allt Ijótt og
órétt særði hana djúpt. Allt fagurt og gott
gladdi hana að sama skapi, og hún var fundvís
á fegurðina, hvar sem hún birtist. Það var unun
að skoða með henni náttúruna, hvort heldur var
tign og fegurð vorsins eða töfrar haustsins.
Við félagar þínir í A.S.B. þökkum þér af
hjarta allt þitt mikla brautryðjandastarf. Þú
vísaðir okkur veginn. Það ætti að vera auðveld-
ara að feta í slóðina.
Þó á ég mínar fegurstu minningar um þig
frá þeim stundum, þegar við röbbuðum saman
tvær einar. Á þeim lærði ég bezt að þekkja
þann mikla persónuleika, sem gerði þig að því
sem þú varst. Þú varst sú kona, sem ég tel mér
mestan ávinning af að hafa átt að félaga og vin.
Guðrún Finnsdóttir.
f \
ölína Andrésdóttir:
Sumamótt
Þú sumarnótt, af ást og yndi mett,
með aftanroðans möttli fagurgljáum
þá bárur sofa sætt við unnar-Tdett
og svanir möka’ á fiskitjörnum bláum.
Og blærinn andar hóllur bæði’ og Jilýr
þú himnaguðs ert ástarvottur skýr.
^___________________________________________