Morgunblaðið - 31.12.2009, Side 37

Umræðan 37
MORGUNBLAÐIÐ FIMMTUDAGUR 31. DESEMBER 2009
Kaupfélag Skagfirðinga óskar starfsfólki,
félagsmönnum, viðskiptavinum
svo og landsmönnum öllum
velfarnaðar á nýju ári.
Þökkum viðskiptin
á árinu sem er að líða.
Kaupfélag Skagfirðinga
HLUTVERK Reykjavíkur sem
höfuðborgar felur í sér ábyrgð og
skyldur, ekki aðeins gagnvart íbú-
um borgarinnar heldur einnig
landsmönnum öllum. Því borgin er
ekki aðeins höfuðborg sjálfrar sín
heldur landsins alls.
Ekki aðeins er þungamiðju
stjórnsýslu og menningar að finna
þar heldur einnig heilbrigðisþjón-
ustu. Það felur í sér að í borginni er
að finna stærstu sjúkrahús landsins,
sem búa að helstu tækni- og
sérfræðiþekkingu í læknisþjón-
ustu hérlendis. Þar sem þessi
sjúkrahús eiga að þjóna öllum Ís-
lendingum verða þeir að eiga eins
greitt aðgengi að þeim og mögulegt
er. Því þurfa þeir landsmenn sem
búa fjarri borginni að reiða sig á
ákveðna öryggiskeðju. Þegar slys
verða, eða bráð veikindi, eru kall-
aðir út læknar, hjúkrunarfólk og
sjúkraflutningamenn í heimahér-
aði, en komi í ljós að meðferð við
tilfellinu sé ekki á færi heilsu-
gæslunnar þar kemur til kasta
sjúkraflugsins. Þá koma til skjal-
anna flugvallarstarfsmenn og áhöfn
sjúkraflugvélarinnar. Margir
leggjast því á eitt til að útkallið
gangi eins og vel smurð vél.
Einn mikilvægasti hlekkur þess-
arar keðju er hins vegar endastöð
flestra sjúkraflugferða, Reykjavík-
urflugvöllur. Þar sem hann er
helsta tenging landsbyggðarfólks
við sjúkrahús borgarinnar er tilvera
hans meginforsenda þess að áð-
urlýst þungamiðja læknisþjónustu
landsins verði áfram í Reykjavík.
Hafa verður í huga að þeir sjúkling-
ar sem þangað eru fluttir utan af
landi hafa þá oft lagt að baki tíma-
frekt ferðalag, ólíkt íbúum höf-
uðborgarsvæðisins, þrátt fyrir allar
áherslur um hraða útkallsins. Vissu-
lega hefur þó sjúklingurinn í flest-
um tilfellum (ekki öllum) haft við-
komu á heilsugæslustöð eða jafnvel
fjórðungssjúkrahúsi þar sem hann
var eftir föngum búinn undir
áframhaldandi ferðalag flugleið-
ina. Það gefur þó ekki til kynna að
lífsógnandi (eða mögulega lífs-
ógnandi) ástandi hans hafi verið af-
létt.
Um það verður jafnvel ekki full-
yrt fyrr en á endastöð að flutningi
loknum. Augljóst er því að haga
verður þessum flutningum þannig
að þeir taki sem stystan tíma. Lyk-
ilatriði er að geta lent í þeirri nánd
við sjúkrahús borgarinnar sem
Reykjavíkurflugvöllur býður upp á.
Lokun hans myndi ekki aðeins
valda lands-
mönnum miklum
óþægindum og
auknum kostnaði
vegna heimsókna
til höfuðborgar
sinnar, heldur
einnig hamla al-
varlega aðgengi
þeirra að sér-
tækri lækn-
ismeðferð í
bráðatilfellum. Sú lenging flutnings-
tímans sem af þessu hlytist yrði
með öllu óviðunandi.
Þá er rétt að fram komi að vegna
veðurfarslegra aðstæðna í Reykja-
vík eru allar flugbrautirnar þrjár
nauðsynlegar til að flugvöllurinn
þjóni okkur áfram af sama öryggi
og hingað til. Þeir dagar hafa komið
þegar flogið var forgangsflug suður
við aðstæður þar sem eingöngu var
hægt að nota gömlu NA-SV-
brautina vegna mikils hvassviðris
samfara hálku. En eins og komið
hefur fram í fréttum undanfarið
liggur fyrir samþykkt í stjórnsýslu
borgarinnar um að loka eigi einni
aðalflugbrautinni í Vatnsmýrinni ár-
ið 2016. Þó er engum okkar kunn-
ugt um að landsmenn hafi nokkurn
tímann verið inntir álits á þessu.
Þessi aðgerð mun klárlega skerða
þjónustugetu vallarins að því marki
að öryggiskeðja sú sem að ofan er
lýst rofnar án þess að nokkrar aðrar
lausnir bjóðist í staðinn.
Það er með öllu óskiljanlegt
hvernig þið, ráðamenn höfuðborg-
arinnar, getið leyft ykkur að ganga
svona að eign okkar, landsmanna
allra, og stórskaða um leið öryggis-
hagsmuni okkar, fyrir svo haldlítil
rök sem hér er stuðst við. Það eina
sem séð verður að vaki fyrir flug-
vallarandstæðingum er að gera
Vatnsmýrina að féþúfu, með full-
tingi ykkar. Peningar virðast hér
æðri mannslífum. Og það ótrúlega
er að þetta gerist þrátt fyrir afger-
andi andstöðu borgarbúa sjálfra við
þennan gerning, að ekki sé talað um
aðra landsmenn.
Síendurteknar skoðanakannanir
sýna sífellt afdráttarlausari afstöðu
landsmanna með flugvellinum á
núverandi stað, og það ekki síst
meðal borgarbúa, kjósenda ykkar
sjálfra. Aðeins lítill, en hávær
minnihluti borgarbúa hefur haft sig
í frammi gegn flugvellinum okkar,
en hreint hörmulegt er að verða
vitni að þeim afflutningi staðreynda,
sem
fulltrúar þessa hóps hafa í
frammi þegar þeir tjá sig um þessi
mál, ekki
síst hvað varðar sjúkraflugið.
Mun alvarlegri er þó hin æpandi
þögn
ykkar borgarfulltrúa, sem skipað
hafið ykkur flestir í raðir
flugvallarandstæðinga, en hafið
aldrei borið við að svara okkur, sem
höfum haldið uppi málstað þess-
ara öryggishagsmuna landsmanna
og oftsinnis beint að ykkur spurn-
ingum á opinberum vettvangi, t.d.
varðandi sjúkraflugið.
Síðasta dæmið um þetta er opið
bréf eins okkar til Gísla Marteins
Baldurssonar, sem Mbl. birti þ. 9.
okt. sl. og enn er ósvarað, mánuðum
síðar. Engu að síður virðast enn
standa orð sumra ykkar þess efnis,
að flugvöllurinn skuli víkja „hvað
sem það kostar“ og verður vart ann-
að séð en að eftir þeirri staðhæfingu
sé unnið í stjórnkerfi ykkar. Því
krefjum við ykkur svara við því
hvaða lausnir munu koma í staðinn,
varðandi tengingu landsmanna allra
við sjúkrahúsin í borginni, komi til
þess að flugvöllurinn verði látinn
víkja. Ykkar, sem standið að þeim
gerningi, verður ábyrgðin á honum,
svo ykkar er einnig að standa okkur
skil á því hvað við eigum að fá í
staðinn, sem tryggir okkur aðgengi
að heilbrigðisþjónustunni jafn vel
og Reykjavíkurflugvöllur gerir í
dag.
Þorkell Ásgeir Jóhannsson
yfirflugstjóri Mýflugs, sem starf-
rækir sjúkraflug á Austur- og Norð-
urlandi og Vestfjörðum.
Sveinbjörn Dúason
bráðaliði og tilsjónarmaður
sjúkraflugs.
Björn Gunnarsson
forstöðulæknir sjúkraflugs.
Þorbjörn Haraldsson
slökkviliðsstjóri á Akureyri.
Ingimar Eydal
aðstoðarslökkviliðsstjóri og
bráðaliði í sjúkraflugi.
Leifur Hallgrímsson
flugstjóri og framkvæmdastjóri
Mýflugs.
Sigurður Bjarni Jónsson
stjórnarformaður Mýflugs.
Opið bréf til allra borgarfulltrúa
og væntanlegra frambjóðenda
» Það eina sem séð
verður að vaki fyrir
flugvallarandstæð-
ingum er að gera Vatns-
mýrina að féþúfu, með
fulltingi ykkar.
Þorkell Á
Jóhannsson
Þorbjörn
Haraldsson
Sigurður Bjarni
Jónsson
Sveinbjörn
Dúason
Ingimar
Eydal
Leifur
Hallgrímsson
Björn
Gunnarsson