SunnudagsMogginn - 27.06.2010, Page 4

4 27. júní 2010
1998 Frakkar verða heimsmeist-
arar í fyrsta skipti með því að
sigra Brasilíu 3-0 í úrslitaleik
með Zinedine Zidane í broddi
fylkingar og undir stjórn Aimes
Jacquet.
2000 Frakkar sýna yfirburði sína
með því að verða Evrópu-
meistarar undir stjórn þjálfarans
Rogers Lemerre.
2002 Frakkar detta út í fyrstu
umferð á HM í Suður-Kóreu án
þess að skora mark. Lemerre ætl-
ar að þráast við á þjálfarastóli,
en er látinn taka pokann sinn og
Jacques Santini tekur við.
2004 Frakkar stóðu sig liða best
í undankeppninni fyrir Evr-
ópumótið, en áttu erfitt upp-
dráttar í riðlinum og í undan-
úrslitum töpuðu þeir 0-1 fyrir
Grikkjum, sem urðu meistarar.
Domenech tekur við liðinu.
2006 Frakkar lentu í basli í und-
ankeppninni, en Zidane kveikti
neistann í liðinu, sem sló út
Spán, Brasilíu og Portúgal á leið í
úrslit gegn Ítalíu þar sem hinir
bláklæddu töpuðu í víta-
spyrnukeppni.
2008 Hugmyndasnautt franskt
lið var slegið út í fyrstu umferð
Evrópukeppninnar.
2010 Niðurlægingin alger. Liðið í
upplausn og dottið út úr HM í
Suður-Afríku með skömm.
Úr hæstu hæðum niður á botn
Franska landsliðið á hátindinum eftir sigurinn á Brasilíu á HM árið 1998.
F
all franska landsliðsins í knattspyrnu á
sér vart fordæmi. Sneypuför liðsins á HM
í Suður-Afríku er í sjálfu sér ekkert eins-
dæmi. Aðeins tveimur dögum eftir að
Frakkar luku keppni voru heimsmeistarar Ítala
slegnir út, neðstir í sínum riðli, meira að segja fyr-
ir neðan Nýja-Sjáland. Hvorugt liðið, sem lék til
úrslita í heimsmeistarakeppninni fyrir fjórum ár-
um, komst því upp úr sínum riðli og hefur það
aldrei gerst áður á HM.
Hrun franska liðsins var hins vegar ekki bara á
íþróttasviðinu, heldur tókst þeim að falla í ónáð
heima fyrir. Liðið hrundi saman fyrir opnum
tjöldum og heimurinn fékk að fylgjast með ill-
deilum og hlægilegum uppákomum þar sem leik-
menn gerðu uppreisn gegn hinum óvinsæla þjálf-
ara, Raymond Domenech. Á vefsíðum franskra
fjölmiðla voru gerðar skoðanakannanir þar sem
meirihlutinn vildi að liðið félli úr keppni. Á sam-
komustöðum í Frakklandi fögnuðu áhorfendur
þegar Suður-Afríka skoraði í lokaleik liðsins.
Fyrir tólf árum urðu Frakkar heimsmeistarar.
Landsliðinu var fagnað á Champs-Élysées. Í því
voru leikmenn sem endurspegluðu franskt fjöl-
menningarsamfélag – „Blacks-Blancs-Beurs“ eins
og sagt var (merkir svartir, hvítir og arabar) – einu
gilti um upprunann, í þeim slógu frönsk hjörtu.
Jean-Marie Le Pen, leiðtogi hægri öfgamanna,
gerði þá athugasemdir við að allt of margir svartir
leikmenn væru í liðinu. En þá gekk liðinu allt í
haginn og Le Pen bakaði sér aðeins óvinsældir með
orðum sínum.
Nú er dóttir hans, Marine Le Pen, og vænt-
anlegur arftaki í Þjóðfylkingunni tekinn til við
svipaðan málflutning. Fyrir rúmri viku sagði hún
að leikmenn liðsins „væru í hjarta sínu af öðru
þjóðerni“. Um helgina endurtók hún yfirlýsingar
sínar og nefndi sérstaklega leikmennina Frank Ri-
bery og Nicolas Anelka.
„Ég held að þegar menn eru fulltrúar Frakk-
lands, að ég tali nú ekki um í heimsmeist-
arakeppninni … þar ættu menn að sýna ættjarð-
arást sína,“ sagði hún. „Ég sé leikmenn, sem eru
spilltar krakkaskammir sem hafa gefið út fjölda
yfirlýsinga … og lýst yfir stolti yfir upprunalandi
sínu.“ Síðan vísaði hún til þess að margir í liðinu
væru ýmist af afrískum uppruna eða kæmu frá
frönskum landsvæðum handan landsteinanna.
„Ég vil að þeir lýsi yfir stolti gagnvart landinu,
sem þeir eru að keppa fyrir.“
Fylgi flokks Le Pens hefur farið vaxandi upp á
síðkastið og í sveitarstjórnarkosningunum í mars
fékk hann 9% atkvæða á landsvísu.
Le Pen var hins vegar ekki ein um að gagnrýna
landsliðið, þótt aðrir stjórnmálamenn hafi ekki
gert það á forsendum kynþáttar. Luc Chatel, tals-
maður frönsku ríkisstjórnarinnar, rakkaði liðið
niður á miðvikudag og sagði að leikmennina
skorti „virðingu, liðsanda og næga reisn til að bera
treyju nokkurs félags“.
23 menn eru í franska leikmannahópnum og
rúmlega helmingur þeirra eru blökkumenn.
Þeirra á meðal er Thierry Henry, sem einnig var í
heimsmeistaraliðinu 1998. Henry er hins vegar
fæddur í Frakklandi og foreldrar hans eru frá
frönskum landsvæðum í Karabíska hafinu.
Henry fór til fundar við Nicolas Sarkozy, forseta
Frakklands, í Élysée-höll. Þar mun Sarkozy hafa
krafist skýringa á niðurlægingu landsliðsins. Sar-
kozy kvaddi ráðherra í ríkisstjórninni einnig til
fundar um málið og sagði í yfirlýsingu frá forseta-
embættinu að hann hefði skipað þeim að „tryggja
að þeir, sem bæru ábyrgð á þessum óförum, tækju
afleiðingunum“.
Hrun franska
landsliðsins
Le Pen sakar liðið um skort
á föðurlandsást og Sarkozy
vill finna blórabögglana
Þessi fótboltaunnandi málaði franska fánann á skallann á sér og gerði að
skotskífu. Honum hefur ekki verið eftirsjá að franska liðinu á HM.
Reuters
Engir blómvendir biðu landsliðsins við heimkomuna.
Reuters
Vikuspegill
Karl Blöndal kbl@mbl.is
Laurent Blanc, sem lék með
Frökkum þegar þeir urðu
heimsmeistarar, tekur nú við
þjálfun franska landsliðsins
og á erfitt verkefni fyrir hönd-
um að reisa það úr rústunum
eftir HM í Suður-Afríku. Hann
þarf að ná upp aga og und-
irbúa liðið undankeppni Evr-
ópumeistaramótsins 2112.
Búast má við breytingum á lið-
inu og spurning hvað verður
um uppreisnarmenn á borð
við Nicolas Anelka og Patrice
Evra. Florent Malouda, sem
skoraði eina mark Frakka í
Suður-Afríku, kveðst vilja taka
þátt í að skapa nýtt lið: „Það
er á okkar ábyrgð að end-
urreisa það sem við eyðilögð-
um.“
… það sem við
eyðilögðum
ódýrt og gott
HM Lúxushamborgarar, 2 hamborgarar,
2 brauð, beikonsneiðar, BBQ sósa, ostur
og Pepsi eða Pepsi Max, 1 l
798kr.pk.