Morgunblaðið - 02.02.2010, Side 13

Fréttir 13VIÐSKIPTI | ATVINNULÍF
MORGUNBLAÐIÐ ÞRIÐJUDAGUR 2. FEBRÚAR 2010
● TVÖ mál, sem Byr sparisjóður hafði
höfðað á hendur fyrirtækjum í eigu
Magnúsar Ármanns og Þorsteini Jóns-
syni, voru felld niður í Héraðsdómi
Reykjavíkur í gær. Í lánasamningum var
skilmáli um að mál vegna samninganna
skyldi höfðað fyrir Héraðsdómi Reykja-
ness. Hafði Byr því höfðað málin fyrir
röngum dómstól. bjarni@mbl.is
Rangur dómstóll
● Lítil velta var með íbúðabréf á
skuldabréfamarkaðnum í gær. Velta
verðtryggðra bréfa nam eingöngu 300
milljónum. Hins vegar var ríflega 5
milljarða velta með ríkisskuldabréf og
hækkaði óverðtryggða vísitala Gamma
um 0,04% í gær. Óverðtryggða vísital-
an hefur nú hækkað um 1,5% síðasta
mánuð. Verðtryggða vísitalan hefur
einnig hækkað eða um 0,2% en hins-
vegar hefur hún lækkað umtalsvert síð-
ustu viku eða um tæp 2%. Þessa þróun
má rekja til síðustu verðbólgumæl-
ingar Hagstofunnar, en verðbólga
mældist 6,6% í janúar og var það tölu-
vert undir spám sérfræðinga.
Forðast verðtryggð bréf
ÞETTA HELST ...
● Skuldatrygginga-
álagið á íslenska
ríkið fór í 720
punkta í gær og
hafði ekki verið
hærra síðan í maí í
fyrra. Álagið lækk-
aði síðan upp úr há-
degi og stóð þá í
694 punktum eða
33 punktum hærra
en lokagildið á
föstudag.
Hækkunin undanfarna daga kemur í
kjölfar þess að matsfyrirtækið S&P til-
kynnti á föstudag að lánshæfismat rík-
isins væri enn þá á gátlista og yrði að
öllu óbreyttu lækkað fyrir lok aprílmán-
aðar skýrðist ekki hin pólitíska staða
vegna Icesave-deilunnar á næstunni og
óvissu varðandi endurfjármögnun er-
lendra skulda ríkisins yrði eytt.
Skuldatryggingaálagið
ekki hærra síðan í maí
Seðlabankinn og
fjármálaráðuneyti
Eftir Bjarna Ólafsson
bjarni@mbl.is
GJALDEYRISHAFTAMÁLIÐ,
sem kynnt var fyrir helgi af fulltrú-
um efnahagsbrotadeildar ríkislög-
reglustjóra, FME og Seðlabanka,
snýst um hvort viðskipti hafi átt sér
stað erlendis eða á Íslandi.
Helgi Magnús Gunnarsson, yf-
irmaður efnahagsbrotadeildar, segir
að vegna þess að viðskipti, sem fóru
fram í gegnum fyrirtækin Glacier
Capital Partners og Aserta, hafi
a.m.k. að hluta til farið fram á Ís-
landi lúti þau íslenskum lögum.
„Gjaldeyrisviðskipti sem fara
fram hér á landi lúta íslenskum
reglum, þar á meðal ákvæðum um að
heimild frá Seðlabanka þurfi að
liggja fyrir áður en viðskipti geti far-
ið fram.“ Segir hann að mál fyr-
irtækjanna tveggja snúist ekki um
skilaskyldu á gjaldeyri eða svokölluð
málamyndaviðskipti. „Hins vegar
getur verið að viðskiptavinir þessara
fyrirtækja hafi gerst sekir um eitt-
hvað slíkt, en það kemur þá í ljós við
frekari rannsókn.“
Eins og málið stendur nú eru fyr-
irtækin og eigendur þeirra grunuð
um brot gegn áttundu grein laga um
gjaldeyrismál, sem fjallar um heim-
ild til gjaldeyrisviðskipta. Aðilar eru
því, eins og áður segir, grunaðir um
að hafa stundað gjaldeyrisviðskipti í
heimildarleysi.
Ekki flugufótur fyrir ásökunum
„Þeir virðast hafa gert sér far um
að halda sig formlega innan ramma
laganna, en við erum á þeirri skoðun
að svo hafi ekki verið,“ segir Helgi.
Fjórmenningarnir, sem handtekn-
ir voru vegna málsins, hafa ekki vilj-
að tjá sig við fjölmiðla. Einn þeirra,
Karl Löve Jóhannsson, sendi þó orð-
sendingu til vefmiðilsins Pressunar
þar sem hann segir ekki flugufót fyr-
ir ásökunum á hendur sér og fé-
lögum sínum.
Ekki málamyndaviðskipti
 Rannsókn yfirvalda á gjaldeyrisviðskiptum snýst um hvort viðkomandi hafi haft
heimild til miðlunar  Ekki er talið að um málamyndaviðskipti hafi verið að ræða
Í HNOTSKURN
»Samkvæmt 8. grein lagaum gjaldeyrismál þarf
leyfi Seðlabanka til að mega
hafa milligöngu um gjaldeyr-
isviðskipti.
»Brot gegn ákvæðum átt-undu greinar varða sekt-
um eða fangelsi allt að tveim-
ur árum.
»Við setningu gjaldeyris-hafta í nóvember 2008 var
refsing ekki tilgreind fyrir
brot gegn áttundu grein. Úr
því var bætt í júlí 2009.Morgunblaðið/Árni Sæberg
Brot Handtökur vegna meintra brota á lögum um gjaldeyrismál voru kynnt-
ar í síðustu viku af fulltrúum Seðlabanka, Ríkislögreglustjóra og FME.
Eftir Þórð Gunnarsson
thg@mbl.is
ÞROTABÚ Baugs kannar nú hvort
félagið hafi verið gjaldfært eða
greiðslufært þegar Hagar voru
seldir eignarhaldsfélaginu 1998
ehf. í júlí 2008. Samkvæmt heim-
ildum Morgunblaðsins hefur
þrotabúið aflað sér gagna sem sýna
fram á að Baugur hafi ekki getað
greitt af skuldabréfaflokki sem var
á gjalddaga í mars 2008. Ef sannað
þykir að félagið hafi ekki verið
gjaldfært á þeim tíma mun þrotabú
Baugs hafa nýtt vopn í höndum í
riftunarmálinu sem um ræðir.
Óvíst með greiðslufærni
Einnig er kannað hvort Baugur
hafi verið greiðslufær á þeim tíma
sem Hagar voru seldir. Samkvæmt
nýjustu ársreikningum Baugs var
félagið sannarlega greiðslufært, en
þrotabúið er nú sagt munu reyna
að færa rök fyrir hinu gagnstæða.
Það er að segja að eignir Baugs
hafi ekki verið umfram skuldir á
þeim tíma sem salan á Högum fór
fram.
1998 ehf. keypti Haga á 30 millj-
arða króna, en enginn ágreiningur
er uppi um kaupverðið. Þrotabúið
mun ekki gera kröfu umað eignast
öll hlutabréf í Högum ef riftunar-
málið nær fram að ganga. Heldur
verður þess óskað að ráðstöfun
kaupverðsins gangi til baka, og
mun þrotabúið gera kröfu á þá sem
högnuðust af gerningum tengdum
sölunni á Högum. Kaupverðið var
notað í að greiða niður hluta
skulda Baugs við Glitni og Kaup-
þing, auk þess sem Baugur keypti
hlutabréf í sjálfum sér af eign-
arhaldsfélögum í eigu Jóns Ásgeirs
Jóhannessonar, Ingibjargar
Pálmadóttur og Hreins Loftsson-
ar, en sömu félög gengust í ábyrgð
fyrir láni 1998 ehf.
Skoða gjaldfærni
Baugs í mars 2008
Þrotabú Baugs vill
rifta sölu á Högum
Morgunblaðið/Ómar
Hagar Arionbanki ræður nú yfir öllu hlutafé Haga. Riftunarmál þrotabús
Baugs vegna sölunnar í júlí 2008 mun ekki hafa áhrif á eignarhald Haga.
Eftir Bjarna Ólafsson
bjarni@mbl.is
ÍSTAK hefur gert samning um byggingu virkj-
unar á vesturströnd Grænlands og hljóðar samn-
ingurinn upp á um 14-15 milljarða króna.
Kolbeinn Kolbeinsson, framkvæmdastjóri Ís-
taks, segir að fyrirtækið sé nú að ljúka smíði
fimmtán megavatta virkjunar við bæinn Sisimut,
sem er sunnan við virkjunina, sem nú á að reisa.
Segir hann að sú virkjun hafi verið reist að hluta
til með innlendu vinnuafli, en íslenskir starfs-
menn hafi einnig komið að verkinu.
„Sama á við um nýju virkjunina. Þetta er á
strjálbýlu svæði þannig að við þurfum að nota
töluvert af íslenskum starfsmönnum, sem er
vissulega mjög jákvætt.“ Kolbeinn segir að í ár-
ferði eins og því sem nú ríki á Íslandi skipti
hvert verkefni máli og því sé afar mikilvægt að
landa jafn stóru verki og grænlensku virkjun-
inni.
Mörg svæði á Grænlandi eru háð rafmagni
frá olíurafstöðvum, en nýju vatnsaflsvirkjan-
irnar munu koma í stað gömlu rafstöðvanna.
Ístak reisir virkjun á Grænlandi
 Verkið kostar 14-15 milljarða  Er að ljúka við aðra virkjun á sama svæði