Morgunblaðið - 09.03.2010, Blaðsíða 14

14 FréttirERLENT
MORGUNBLAÐIÐ ÞRIÐJUDAGUR 9. MARS 2010
Svíþjóð
Ísland
Finnland
Holland
Danmörk
Noregur
Belgía
Spánn
Þýskaland
Sviss
Portúgal
Austurríki
Lúxemborg
Litháen
Króatía
Ítalía
Lettland
Eistland
Bretland
Frakkland
Grikkland
Tékkland
Írland
Bosnía-Hersegóvína
Ungverjaland
Slóvenía
22,0 %
15,5 %
20,8 %
21,6 %
11,9 %
16,0 %
19,8 %
21,1 %
13,3 %
18,5 %
11,2 %
11,1 %
21,0 %
28,5 %
23,3 %
32,2 %
25,8 %
46,4 %
37,9 %
37,3 %
41,5 %
38,0 %
35,1 %
41,3 %
28,3 %
Að meðaltali var hlutfall kvenna á þjóðþingum aðildarlanda Evrópuráðsins
23,7% árið 2008, samkvæmt skýrslu sem birt var í tilefni af alþjóðlega
kvennadeginum sem var í gær.
Hlutfall kvenna á þjóðþingum landa Evrópuráðsins árið 2008. Á Íslandi
jókst hlutfallið úr um 33% í 43% í þingkosningunum á síðasta ári.
KYNJAHLUTFALLIÐ Á ÞJÓÐÞINGUM EVRÓPU
Heimild: Evrópuráðið
43 %
ÁHORFENDUR fagna Newton Marshall, fyrsta
Jamaíkamanninum sem tekið hefur þátt í hunda-
sleðakeppninni Iditarod sem hófst í Alaska um
helgina. Keppnin er mikil þrekraun fyrir ekilinn
og sleðahundana: yfir 1.800 kílómetra kapp-
hlaup yfir ísbreiður, um þétta skóga, snæviþakin
fjöll og nístingskalda strönd Alaska. Keppend-
urnir lenda oft í grenjandi stórhríð, frostið er
yfirleitt um 40 stig og getur farið niður í 90 stig.
Reuters
UM 1.800 KM KAPPHLAUP Í FIMBULFROSTI
ÖRVÆNTINGARFULLRI leit að
þriggja mánaða dreng, sem var rænt
úr barnavagni í Finnlandi, lauk eftir
þrjá tíma þegar barnið fannst grafið í
skafl. Lögreglumenn heyrðu drenginn
gráta og grófu hann upp úr snjóskafl-
inum.
Litli drengurinn fannst nálægt
staðnum þar sem honum var rænt í
gærmorgun. Hann var í kuldagalla og
með húfu og vettlinga þegar honum
var rænt. Farið var með snáðann á
sjúkrahús og líður honum eftir atvik-
um vel, að sögn lögreglunnar í Var-
kaus.
Hufvudstadsbladet segir að lög-
reglan rannsaki málið sem barnsrán.
Fjöldi lögreglumanna, herþyrla og
margir sjálfboðaliðar tóku þátt í leit-
inni. Lögreglustöðvum í nálægum
byggðarlögum var einnig gert viðvart.
Ekki hefur verið gefið upp hvort
einhver tiltekinn liggi undir grun um
barnsránið.
Drengnum var rænt þar sem hann
lá í barnavagni utan við einbýlishús í
Kuoppakangas-hverfi. Móðir drengs-
ins var þar í heimsókn og hafði litið
eftir honum um tíu mínútum áður en
honum var rænt.
Þriggja
mánaða
barni rænt
Fannst í skafli eftir
umfangsmikla leit
BARBARA
Rosenkranz hef-
ur verið sökuð
um vera „laum-
unasisti“ og það
fór því um
marga þegar til-
kynnt var í vik-
unni sem leið að
hún yrði í fram-
boði í forseta-
kosningum sem
fram fara í Austurríki 25. apríl.
Rosenkranz hefur gagnrýnt lög,
sem banna stofnun nasistahreyf-
inga og nasískan áróður, og fram-
boð hennar hefur því vakið á ný
umræðu um arfleifð nasismans í
Austurríki.
Rosenkranz er á meðal forystu-
manna Frelsisflokks Austurríkis
sem er lengst til hægri í stjórn-
málum landsins. Líklegt er að hún
verði eini keppinautur Heinz
Fischers forseta í kosningunum.
Leiðtogar annarra stjórnmála-
flokka í Austurríki og fjölmiðlar
hafa þegar látið í ljósi áhyggjur af
því að forsetaframboð Rosenkranz
geti skaðað ímynd landsins.
Á móti „þarflausum hömlum“
Samkvæmt lögum, sem sett
voru árið 1947, varðar það allt að
20 ára fangelsi að stofna nas-
istahreyfingu, breiða út nasískan
áróður eða afneita helförinni. Bar-
bara Rosenkranz kveðst ekki vilja
afnema bannið við nasistahreyf-
ingum en hefur gagnrýnt lögin
fyrir að setja „þarflausar hömlur“
á tjáningarfrelsið.
Austurrískir stjórnmálamenn,
jafnt til hægri sem vinstri, mann-
réttindahreyfingar og for-
ystumenn kaþólsku kirkjunnar
hafa gagnrýnt ummæli forseta-
efnisins.
„Svona fólk má ekki vera í
kjöri,“ er haft eftir erkibiskupi
Vínar, Christoph Schönborn kard-
ínála. Einn leiðtoga gyðinga í
Austurríki sagði að Rosenkranz
væri landinu til skammar.
Hans Dichand, útgefandi Kron-
en Zeitung, áhrifamikils dagblaðs,
hvatti kjósendur til að styðja
Rosenkranz eftir að framboð
hennar var tilkynnt en hefur nú
dregið í land og hvatt hana til að
ýta frá sér „öllum hugmyndum
þjóðernis-sósíalista“.
Mannréttindadómstóll Evrópu
komst að þeirri niðurstöðu árið
2003 að blaðamaður hefði ekki
gerst sekur um meiðyrði þegar
hann lýsti Rosenkranz sem
„laumunasista“ þar sem viðhorf
hennar til nasismans væru óljós.
bogi@mbl.is
Forsetaefnið
laumunasisti?
 Frambjóðandi Frelsisflokks Austurríkis
gagnrýnir lög sem banna nasistaáróður
Barbara
Rosenkranz.
Sydney. AFP. | Vís-
indamenn í Ástr-
alíu telja að auk
fimm bragðteg-
unda, sem vitað
hefur verið um,
séu bragðlaukar
mannsins mis-
næmir fyrir
sjötta bragðinu:
fitu. Það kann að skýra hvers vegna
sumir virðast ekki vita hvenær þeir
hafa fengið nóg af fituríkri fæðu á
borð við franskar kartöflur og
súkkulaðitertur.
„Við vitum að tunga mannsins
getur greint fimm bragðtegundir –
sætt, salt, súrt, beiskt og umami
[prótínríkt bragð sem finnst m.a. af
sojasósu og kjúklingakrafti],“ sagði
einn vísindamannanna, Russell
Keast, við Deakin-háskóla.
Um 50 manns tóku þátt í rann-
sókn sem leiddi í ljós að allir gátu
greint fitusýrur þótt þeir væru mis-
næmir fyrir bragðinu. Þeir sem
voru næmir fyrir fitusýrunum
borðuðu minna af fitu en þeir sem
þurftu að fá meira af fitusýrunum
til að greina þær. „Þeir sem voru
næmir fyrir fitusýrunum voru einn-
ig með lægri BMI-þyngdarstuðul,“
sagði Keast. Hann gat sér þess til
að þeir sem væru ekki næmir fyrir
fitusýrum gerðu sér síður grein
fyrir því hvenær þeir hefðu fengið
nóg af fitunni.
Fita sögð
vera „sjötta
bragðið“
NOKKRAR múslímskar konur
hættu á að lögreglumenn handtækju
þær þegar þær reyndu að biðja í
aðalsal Íslömsku miðstöðvarinnar í
Washington á svæði sem yfirleitt er
aðeins ætlað karlmönnum.
„Við þurfum að rífa niður múrana
og leyfa konum að biðja á aðal-
bænasvæðinu. Það er ósk okkar,“
sagði Fatima Thompson, sem sner-
ist til íslamskrar trúar fyrir átján ár-
um. „Við erum á móti aðskilnaði
kynjanna, á móti þeirri staðreynd að
konur eru settar til hliðar eða í allt
annað herbergi í moskunni.“
„Í þessu landi
er ekki hægt að
segja blökku-
manni að sitja úti
í horni en hægt er
skipa konu að
gera það,“ sagði
Asra Nomani,
múslímskur fem-
ínisti sem hefur
tekið þátt í fleiri
slíkum mótmæl-
um í moskum í Bandaríkjunum.
„Við ætlum að bíða þangað til lög-
reglan kemur og sér um þetta mál
því að hér er fólk sem kom til að
trufla bænirnar,“ sagði bænaprestur
moskunnar.
Nokkrum mínútum síðar komu
þrír lögreglumenn á staðinn og hót-
uðu að handtaka konurnar ef þær
færu ekki af bænasvæðinu. Þær féll-
ust á að fara út úr moskunni en fóru
með bænirnar á götu fyrir utan.
„Þetta er andstyggilegt,“ sagði
karlmaður þegar hann fór út úr
moskunni. „Ef þær eru múslímar þá
eiga þær að virða reglurnar.“
„Byggið ykkar eigin mosku,“
sagði annar karlmaður.
Kynjaaðskilnaði mótmælt
Múslímskar
konur á bæn.
Leiðtogi Frelsisflokksins, Heinz-
Christian Strache, neitar því að
flokkurinn vilji afnema lögin
sem banna nasistahreyfingar í
Austurríki, þrátt fyrir ummæli
forsetaefnisins. „Enginn í Frels-
isflokknum styður nasisma,“
sagði Strache en viðurkenndi að
Barbara Rosenkranz „hefði ef til
vill getað orðað skoðun sína bet-
ur“.
Rosenkranz er andvíg Evrópu-
sambandinu, vill stemma stigu
við innflutningi fólks frá öðrum
löndum og kveðst berjast fyrir
hefðbundum fjölskyldugildum
og hlutverkum kynjanna.
Rosenkranz er 51 árs og eigin-
maður hennar, Horst Jacob
Rosenkranz, var félagi í flokki
ný-nasista, NPD, sem hefur ver-
ið bannaður. Hann er enn rit-
stjóri blaðsins Fakten sem
tengdist ný-nasistaflokknum.
Kveðst ekki vilja afnema bannið