Ísfirðingur - 15.12.1976, Blaðsíða 11

ÍSFIRÐINGUR
11
George Noel Gordon Lord Byron,
enskt skáld, fæddur 1788 dáinn
1824. Gekk í skóla í Harrow og
Cambridge, en sneri sér fljótlega
að skáldskapnum, og varð frægur
á skömmum tíma. Og þrátt fyrir
mikla þátttöku hans í skemmtana-
lífi urðu afköstin við ritstörfin
mikil. Hann kvæntist 1815, en
hjónabandið stóð stutt og mun
eftirfarandi kvæði vera ort til
konunnar nokkru eftir skilnaðinn.
Almenningsálitið varð honum and-
stætt eftir þetta, og fór hann úr
landi og dvaldi víða í Suður-Evr-
ópu. Hann átti ekki afturkvæmt
til Bretlands, orti mikið á útlegð-
arárunum, og að lokum fór hann
sem sjálfboðaliði í her Grikkja,
sem börðust þá við Tyrki. Hann
veiktist snögglega og andaðist 19.
apríl 1824 aðeins 36 ára gamall.
FAR ÞÚ VEL
Þér skal verða þó sú huggun
þar sem dvelur hugurinn:
Okkar barni blítt þú kennir
byrjun málsins: „Faðir minn.”
Þegar höndin hennar smáa
heldur í þína, gleð ég mig.
Hugsaðu þá til hans, sem ennþá
hjartans glaður blessar þig.
Far þú vel um eilífð alla,
eilífð alla, far þú vel.
Þótt þú hata mig nú munir,
mitt skal ekkert hatursþel.
Manstu brjóst, er birtist nakið,
brjóst þar höfuð hvíldi þitt.
Aldrei framar sætur svefninn
svalar þér við hjartað mitt.
Mun það brjóst, er birtist nakið,
bjóða leynda hugsun þér.
Þú munt síðar sjá og finna
sannleikann um brot gegn mér.
Þó að veröld þetta meti,
þó hún brosi að okkar kvöl,
þig mun lofið móðga meira
en mig, sem engra kosta á völ.
Þó að margir mínir gallar
megi sjást, gat önnur hönd —
sú er hélt mér fast í faðmi —
flutt mig nú að dauðans strönd.
Láttu sjálf ei bitra blekking
blinda þig. Því ást sem var
ekki slokknar eins og blossi,
eða deyr sem brunnið skar.
Því mun lengi þjást og blæða
þitt og hjarta mitt í sorg.
Og sem aldrei oftar munu
okkur gleðja um lífsins torg.
Það er þyngri sorg að sakna
en sjá á eftir niður í gröf.
Bæði að lifa — bæði að vakna,
bæði ein, sem skilji höf.
Þegar sérðu svipinn hennar
sem að speglar andlit mitt,
máské bifast hjartað heita
við hugsun þína um mitt og þitt.
Þú sást galla mína marga,
mína kvöl þú skildir eigi.
Öll mín von er við þig bundin,
og verður svo á nótt og degi.
Afl mitt allt og þrek er þrotið,
þrotið stolt, sem heimur braut ei.
Þú sem brást mér, beygt mig hefur
brotin er mín sál — ég dey.
Nú eru orð mín einskis virði,
öllu lokið, fjörið dvín.
Hugsun mín þó hættir ekki:
Hækkar, stækkar, leitar þín.
Far þú vel. — Á flótta vonlaus
fer ég nú úr þessum stað.
Einn og særður, yfirgefinn.
Er til dauði verri en það?
Óskum
starfsfólki voru
á sjó og landi
og öðrum
viðskiptavinum
gleðilegra jóla
og farsældar
á nýja árinu
með þakklæti
fyrir líðandi ár.
FROSTIHF.
SÚÐAVÍK
Öskum
starfsfólki voru
á sjó og landi
og öðrum
viðskiptavinum
gleðilegra jóla
og farsældar
á nýja árinu
með þakklæti
fyrir
líðandi
ár.
Hraðfrystihúsið
Hjálmur hf.
FLATEYRI
Óskum
starfsfólki voru
á sjó og landi
og öðrum
viðskiptavinum
gleðilegra jóla
og farsældar
á nýja árinu
með þakklæti
fyrir líðandi ár.
Hraðfrystihúsið hf.
HNÍFSDAL