Monitor - 07.04.2011, Blaðsíða 4

4 Monitor FIMMTUDAGUR 7. APRÍL 2011
Segja má að einn af vorboðum hvers árs sé fermingavertíðin
sem nú er gengin í garð. Í augum margra er fermingin viss
manndómsvígsla og staðfesting á heilagri trú – en í augum
annarra er hún fátt annað en fyrirhafnarlítil leið til að fá
óskipta athygli og helling af fínum gjöfum.
Það er rík hefð fyrir því að við fermingu séu teknar af ferming-
arbörnum uppstilltar myndir. Eins og gefur að skilja standast
myndirnar tímans tönn misvel. Monitor gerði úttekt á ferm-
ingarmyndum nokkurra þjóðþekktra andlita sem hér má sjá.
Ég trúi á...
Ásdís Rán Gunnarsdóttir
Var með kjaft
við prestinn
„Stuttu fyrir ferminguna var ég með einhvern
kjaft við prestinn og hann rak mig úr hópnum
– ég átti ekki að fá að fermast. Mamma náði
hins vegar að milda hann í lokin. Eftirminni-
legasta gjöfin var ferð til Flórída í mánuð sem
við mamma og Hrefna systir fórum í stuttu
seinna og skemmtum okkur konunglega.“
Einar Bárðarson
Trúarbrögðin
hafa þróast
„Ég man ennþá eftir Pioneer-magnaranum,
kassettutækinu, plötuspilaranum og hljóðinu
sem kom í Jamo Power-hátölurunum þegar
Numark-nálin snerti hlið A á Power Station-
plötunni, 33 1/3, lag 1, Some Like It Hot. Það
voru mín trúarbrögð á þessum árum. Í dag
hefur Guð meiri áhrif á mig en Power Station
eða Duran Duran gerðu þá. Einhvers staðar
verða þó allir að byrja sín trúarbrögð og oft
trúa menn fyrst á rokkguði en svo þegar maður
kynnist rokkinu betur þá veit maður að það er
bara einn Guð.“
Erpur Eyvindarson
Lærðum eitthvað
sem nýtist í lífinu
„Ég var sá eini í árgangnum sem fermdist
borgaralega og maður sá aldrei eftir því. Þar
vorum við að læra eitthvað sem nýtist í lífinu
í alvöru. Ég man að ég fékk pening og vekjara
frá ONKYO sem ég á ennþá. Bróðir mömmu
gaf mér síðan biblíu, hann er reyndar búinn að
gefa mér fjórar biblíur yfir ævina en það er bara
í góðu.“
Friðrika Hjördís Geirsdóttir (Rikka)
Langaði að vera
meira töff
„Ég man að mig langaði að vera meira töff á
fermingardaginn. Mig langaði að mála mig
eins og margar stelpur gerðu en það var ekki
tekið í mál. Ég er ósköp fegin núna að myndin
endurspegli ekki tískuna á þessum tíma en ég
get samt ekki sagt að myndin hangi upp á vegg
hjá mér eða muni nokkurn tímann koma til
með að gera það.“
Friðrik Dór Jónsson
Fékk rúmföt frá
ókunnugum manni
„Ég man ekki svo vel eftir hvað ég fékk í
fermingargjöf. Ég man reyndar að það var
einhver gaur í veislunni minni sem ég hafði
ekki hugmynd um hver var, hafði aldrei séð
hann áður, en hann var víst frændi minn. Hann
gaf mér rúmföt.“
Jóhannes Ásbjörnsson
Slatti af pennum
og pening
„Þetta er voðalega móðukenndur tími en
ég man að ég var voða hress með þetta allt
saman og fannst ég bara frekar svalur. Ég fékk
hljómflutningstæki frá foreldrum mínum og
slatta af pennum og pening.“
Steindi Jr.
Fóstbræðrafrasar í
fermingarathöfn
„Á þessum tíma voru Fóstbræður í gangi í sjón-
varpinu og í athöfninni voru ég og vinur minn
að fara með línur og frasa úr þættinum sem
hafði verið sýndur kvöldið áður. Það endaði
með því að presturinn þurfti að sussa á okkur.
Ég fékk VHS-vídjótæki og pening í gjöf. Fyrir
peninginn keypti ég mér síðan annað vídjótæki
svo ég gæti farið að klippa myndbönd og stöff.“
Sigmar Vilhjálmsson
Feginn að það séu
ekki til fleiri myndir
„Ég fermdist í norsku sjómannakirkjunni í
Gautaborg í Svíþjóð. Athöfninni stýrði Íslend-
ingapresturinn í Danmörku, séra Lárus. Við
vorum tveir Íslendingarnir sem fermdumst
þennan dag. Ég er rosalega ánægður að það
voru ekki til digital-myndavélar á þessum tíma,
því þá væru til mun fleiri myndir af mér frá
þessum árum.“
að enginn grafi upp
fermingarmyndina mína