Monitor - 07.04.2011, Blaðsíða 8

8 Monitor FIMMTUDAGUR 7. APRÍL 2011
Hafðir þú einhverja reynslu í að koma fram fyrir keppnina? Já, að vissu
leyti. Ég hafði tekið þátt í uppfærslum bæði á Dalvík og hjá Leikfélagi
Akureyrar. Eins og svo margir aðrir var ég líka í bílskúrshljómsveit þar sem
ég glamraði og gargaði.
Varstu stressaður fyrir að stíga á svið? Auðvitað var ég stressaður enda
var eitthvað ójafnvægi á röddinni minni. Rétt fyrir keppnina hafði ég nælt
mér í einhverja flensu og röddin var ekki upp á sitt besta. Til að spara hana
söng ég alltaf áttund neðar á æfingum og í hljóðprufum sem var ábyggilega
óþægilegt fyrir hljóðmennina. Svo á keppninni sjálfri tók ég lagið á blastinu
hátt uppi með miklu meiri krafti.
Hvernig var tilfinningin að sigra keppnina? Frábær. Þetta var rosa dæmi og
maður ljómaði allur af gleði.
Opnuðust fyrir þér margar dyr eftir sigurinn? Það mætti alveg segja það.
Eins fáránlega og það hljómar snýst þetta alltaf um að vekja á sér athygli
og það er það sem keppnin gerir. Fólk sér hvað maður getur og þetta er
auðvitað ágætis viðurkenning.
Hvert er að þínu mati eftirminnilegasta atriðið úr keppninni? Ég verð
að minnast á atriði sem var nokkrum árum áður en ég keppti. Þá tóku
einhverjir gæjar Muscle Museum með Muse. Þetta var áður en Muse voru
þekktir á Íslandi svo margir hafa sagt að þessir strákar hafi kynnt Íslendinga
fyrir Muse.
Ruglaðist
á textanum
Guðrún Árný sigraði árið 1999 fyrir
Flensborgarskólann í Hafnarfirði með
laginu To Love You More.
Hafðir þú einhverja reynslu í að koma fram
fyrir keppnina? Nei, í rauninni ekki en á
sama tíma var ég að stíga mín fyrstu skref
í sýningu á Broadway sem við vorum bara
nýbyrjuð að æfa. Ég hafði reyndar unnið
Samfés árið 1996 þegar ég var í grunnskóla.
Varstu stressuð fyrir að stíga á svið? Ég var
svona hæfilega kærulaus því mér fannst
þetta svo skemmtilegt. Ég man ekki eftir
neinu stressi þá og er miklu stressaðri núna
fyrir gigg. Þarna gerði ég mér ekki grein fyrir
hvað þetta var stórt og var bara að hugsa um
að muna textann.
Hvernig var tilfinningin að sigra keppnina?
Ég man það ekki alveg því mér brá svo mikið.
Ég áttaði mig ekki á þessu og áður en ég vissi
af stóð ég ein á sviðinu og byrjuð að flytja
lagið aftur.
Ertu með einhverja skemmtilega sögu frá
keppninni? Þegar ég flutti lagið aftur mundi
ég ómögulega textann og ruglaðist á fyrstu
tveimur línunum. Svo komst ég á skrið og
ég held að enginn hafi pælt í því þegar ég
ruglaðist því ég komst svo vel inn í viðlagið.
Opnuðust fyrir þér margar dyr eftir sig-
urinn? Já og nei. Fólk fattaði kannski hvað
maður gat og ég fór að fá eitt og eitt lítið verk-
efni eins og að syngja í afmælum. Boltinn var
farinn að rúlla áður en ég tók þátt í keppninni
og ég tók þátt í níu sýningum á Broadway
með námi í nokkur ár. GUÐRÚN ÁRNÝ SIGRAÐI
LÍKA SAMFÉSMynd/Sigurgeir S
SIGURVEGARAR
FRÁ UPPHAFI
2010 Borgarholtsskóli
2009 Fjölbrautaskóli Vesturlands
2008 Verzlunarskóli Íslands
2007 Verkmenntaskólinn á Akureyri
2006 Fjölbrautaskóli Vesturlands
2005 Menntaskólinn í Reykjavík
2004 Menntaskólinn við Hamrahlíð
2003 Menntaskólinn á Akureyri
2002 Fjölbrautaskóli Norðurlands vestra
2001 Flensborgarskólinn í Hafnarfirði
2000 Fjölbrautaskóli Norðurlands vestra
1999 Flensborgarskólinn í Hafnarfirði
1998 Menntaskólinn við Hamrahlíð
1997 Menntaskólinn við Hamrahlíð
1996 Menntaskólinn í Kópavogi
1995 Fjölbrautaskóli Norðurlands vestra
1994 Menntaskólinn í Kópavogi
1993 Menntaskólinn í Reykjavík
1992 Menntaskólinn í Reykjavík
1991 Flensborgarskólinn í Hafnarfirði
1990 Fjölbrautaskóli Suðurlands
Röddin bilaði
á versta tíma
Eyþór Ingi Gunnlaugsson sigraði árið 2007 fyrir
Verkmenntaskólann á Akureyri með laginu Framtíð bíður.
EYÞÓR INGI LJÓMAÐI
EFTIR SIGURINN
Mynd/Ernir
SÖNGKEPPNI
FRAMHALDSSKÓLANNA