Morgunblaðið - 30.04.2010, Side 6

6 FréttirINNLENT
MORGUNBLAÐIÐ FÖSTUDAGUR 30. APRÍL 2010
FRÉTTASKÝRING
Eftir Egil Ólafsson
egol@mbl.is
ENGIN ákvörðun liggur fyrir um
hvort stjórn Lífeyrissjóðs starfs-
manna ríkisins ætlar að koma á
meira jafnvægi milli eigna og skuld-
bindinga A-deildar sjóðsins með
hækkun iðgjalds, en sjóðurinn hefur
frest fram á næsta ár til að taka slíka
ákvörðun. Tryggingafræðileg staða
A-deildar er verst af öllum lífeyris-
sjóðum á landinu.
Samkvæmt lögum um lífeyrissjóði
á meginreglan að vera sú að hrein
eign lífeyrissjóða sé jafnhá skuld-
bindingum. Ef munur á hreinni eign
og skuldbindingum er meiri en 10%
ber lífeyrissjóðnum að gera breyt-
ingar á samþykktum, sem í flestum
tilvikum þýðir skerðingu á rétt-
indum. Ef munur á eignum og skuld-
bindingum er meiri en 5% samfellt í
fimm ár í röð ber sjóðnum einnig að
breyta samþykktum.
Eftir að bankarnir hrundu var
sett bráðabirgðaákvæði í lögin sem
heimilar sjóðunum að hafa allt að
15% mun á milli eignarliða og fram-
tíðarskuldbindinga á árinu 2009.
Verði lögum ekki breytt þurfa sjóð-
irnir sem verða með halla umfram
10% að grípa til aðgerða í síðasta
lagi á næsta ári.
Nær allir lífeyrissjóðir á almenna
markaðinum hafa neyðst til að
lækka lífeyrisréttindi í kjölfar fjár-
málahrunsins. Sumir lækkuðu rétt-
indi strax í fyrra, en aðrir ákváðu að
sjá til. Hafa þarf í huga að margir
sjóðir hækkuðu lífeyrisréttindi þeg-
ar ávöxtun sjóðanna var sem best
fyrir hrun. Lífeyrissjóður verzl-
unarmanna hækkaði t.d. lífeyrisrétt-
indi sinna sjóðsfélaga á tímabilinu
1997 til ársins 2009 um 21,1% um-
fram verðlagsbreytingar. Lífeyris-
réttindi hjá Gildi voru hækkuð um
10% árið 2007 og 7% árið 2006 um-
fram vísitöluhækkanir. Fleiri sjóðir
hafa einnig hækkað réttindi.
Lög um LSR kveða á um að ef nei-
kvæður munur er á eign og skuld-
bindingum beri ríkinu að greiða
hærra iðgjald, en það er í dag 11,5%.
Atvinnurekendur greiða hins vegar
8% iðgjald í almennu lífeyrissjóðina.
Lögin kveða á um að ekki megi
skerða lífeyrisréttindi opinberra
starfsmanna líkt og almennu sjóð-
irnir þurfa að gera.
Ekki er víst að LSR nái að komast
niður fyrir 10% markið á þessu ári.
Sjóðurinn varð fyrir tapi á þessu ári
vegna falls sparisjóðanna.
Staða LSR er verst
 Lífeyrissjóður starfsmanna ríkisins hefur frest fram á
næsta ár til að taka ákvörðun um hækkun iðgjalds ríkisins
Morgunblaðið/Golli
Skerða Lífeyrissjóðir á almennum markaði hafa flestir þurft að skerða lífeyrisréttindi vegna slakrar afkomu.
Flestir lífeyrissjóðir hafa neyðst
til að skerða réttindi til að ná
jafnvægi milli eigna og skuld-
bindinga. Líklegt er að ríkið þurfi
að hækka iðgjaldagreiðslur í Líf-
eyrissjóð starfsmanna ríkisins.
Staða nokkurra af stærstu lífeyrissjóðum landsins
Trygginga-
fræðileg Skerðing Skerðing
staða í lífeyris lífeyris
Raunávöxtun árlok 2009 2010 2009
Lífeyrissjóður verzlunarm. 1,10% -10,80% -10%
LSR 2,90% -13,20%
Gildi -1,50% -11,60% -7% -10%
Stapi -6,20% -10,80% *
Sameinaði lífeyrissjóðurinn -1,40% -9,70% * -10%
Festa - lífeyrissjóður -5,10% -9,90% -5%
Lífeyrissjóður bankamanna 3,1%** -5,80%
Almenni lífeyrissjóurinn 0%*** -11,10% -16,70% -10%
*Lífeyrisgreiðslur verða frystar í óbreyttri krónutölu.
** Aldurstengdadeildin var með 3,6% halla.
***RaunávöxtunÆvisafns 1-4 var á bilinu -15% til 6%.
FRÉTTASKÝRING
Eftir Ágúst Inga Jónsson
aij@mbl.is
SJÁVARÚTVEGSRÁÐUNEYTIÐ
hefur gert tillögur um bann við veið-
um í dragnót á grunnslóð í sjö fjörð-
um. Tillögunar snúa að Önundar-
firði, Hrútafirði/Miðfirði, Húnafirði,
Skagafirði og Seyðisfirði/Loðmund-
arfirði. Ráðuneytið mun óska eftir
athugasemdum frá sveitarfélögum
og öðrum hagsmunaaðilum á við-
komandi svæðum og skulu þær ber-
ast fyrir 20. maí.
Jón Bjarnason, sjávarútvegsráð-
herra, boðaði í ársbyrjun að kann-
aðar yrðu veiðar afkastamikilla
skipa á grunnslóð og þær takmark-
aðar frekar en nú er. Þannig mætti
treysta grunnslóðir sem veiðisvæði
smærri báta með umverfisvænni
veiði samhliða verndun sjávarbotns
og lífríkisins á þessum hafsvæðum.
Í samtali við Morgunblaðið sagði
Jón að hann hefði fengið fjölda af-
dráttarlausra áskorana frá heima-
mönnum á þessum slóðum og fólki
sem vel þekkti til um að takmarka
dragnótaveiðar. Hann segist viss um
að aðgerðunum verði vel tekið.
Þekkt frá öðrum löndum
„Þessi ákvörðun er í samræmi við
samstarfsyfirlýsingu ríkisstjórnar-
innar um verndun viðkvæmra svæða
á grunnslóð fyrir stórvirkum veiðar-
færum,“ sagði sjávarútvegsráð-
herra. „Þetta er ákveðið upphaf og
það er brýnt að við umgöngumst
grunnslóðina út frá vistfræði- og líf-
fræðilegum forsendum. Þessi nálgun
er víða í öðrum löndum þar sem við-
kvæmir firðir eru lokaðir fyrir stór-
virkum, dregnum veiðarfærum.“
Samkvæmt upplýsingum ráðu-
neytisins var dragnót upphaflega
ætluð til þess að veiða aðallega flat-
fisk, einkum skarkola, en á seinni ár-
um verið þróuð til þess að vera al-
hliða veiðarfæri á bolfisk. Sem dæmi
má nefna að í Skagafirði hefur hluti
flatfisks á síðustu árum verið innan
við 8% af aflanum. Í Húnafirði hefur
skarkolaafli verið um 5,8%, sam-
kvæmt upplýsingum úr ráðuneytinu.
Þessar tillögur um friðun innri
hluta flóa og fjarða fyrir veiðum með
dragnót eru að mati ráðuneytisins
áfangi á þeirri leið að leggja mat á
hvar heppilegast er að draga línur
um takmörkun veiða með dragnót,
með það að markmiði að auka friðun
grunnslóðar fyrir dregnum veiðar-
færum.
Dragnót verði
bönnuð á grunn-
slóð í sjö fjörðum
Fjöldi áskorana frá heimamönnum
Morgunblaðið/Ásdís
Takmarkanir Á dragnótaveiðum.
Í HNOTSKURN
»Boðaðar breytingar takamið af því, að veiðum með
dragnót verði haldið áfram á
vissum svæðum.
»Með breytingunum erreynt að fara bil beggja,
þeirra sem vilja stöðva veiðar
alfarið næst landi með dregn-
um veiðarfærum og þeirra
sem vilja veiðar með dragnót
alls staðar í flóum og fjörðum.
Vistfræðileg rök eru fyrir þeirri
ákvörðun sjávarútvegsráðherra
að leggja til bann á veiðum í
dragnót í sjö fjörðum. Jafnframt
er hún í samræmi við samstarfs-
yfirlýsingu ríkisstjórnarinnar.
STEINGRÍMUR J. Sigfússon fjár-
málaráðherra hefur ákveðið að setja
lífeyrismálin í heild sinni í skoðun
innan fjármála-
ráðuneytisins.
Starfshópur er að
hefja störf sem
skipaður er
fulltrúum opin-
bera og almenna
lífeyriskerfisins.
„Það skiptir máli
að horfa yfir mál-
ið í heild og horf-
ast í augu við
hvað er í vændum hjá opinbera líf-
eyrissjóðakerfinu og sambúð þess
við almenna lífeyrissjóðakerfið,“
sagði Steingrímur.
Halli er á A-deildinni sem Stein-
grímur sagði að menn yrðu að takast
á við. „Það er ljóst að við verðum að
grípa til ráðstafana að óbreyttum
horfum. Það má segja að menn hafi
aðeins verið að kaupa sér tíma og
fleyta sér í gegnum þessa erfiðleika.
Menn verða að horfa ábyrgt til
framtíðar í þessu efni og það verður
gert.
A-deildin á auðvitað að standa
undir sjálfri sér og það liggur nokk-
uð ljóst fyrir að úrræðin eru þau að
auka iðgjöldin eða skerða réttindin.“
Steingrímur minnti á að almennu
lífeyrissjóðirnir hefðu fyrir hrun
aukið réttindi sjóðsfélaga, en það
hefði LSR ekki gert. Staðan núna
hjá opinbera og almenna kerfinu
væri því líkast til svipuð og hún var
árið 2006. egol@mbl.is
Steingrímur J.
Sigfússon
 Skipar starfshóp um lífeyrismál
Skoða málefni líf-
eyrissjóða í heild
MIKIÐ var að gera hjá hótelunum á
Akureyri á meðan millilandaflugið
var rekið þaðan. „Það hefur verið líf-
legt hjá okkur en þó ekki alveg fullt,“
segir Hrafnhildur Karlsdóttir, verk-
efnastjóri hjá KEA hótelum, sem
reka þrjú hótel á Akureyri.
„Það er mikið umleikis þegar tvö
flugfélög færa sig. Þau þurfa að
koma áhöfnum flugvélanna og öðru
starfsfólki fyrir,“ segir Hrafnhildur.
Mikið hefur verið að gera í kring-
um Akureyrarflugvöll frá því fyrir
helgi að Icelandair og Iceland Ex-
press fluttu afgreiðslu millilanda-
flugvéla til Akureyrar eftir að flug-
vellirnir á Suðvesturlandi lokuðust
vegna ösku í hálofunum.
Hrafnhildur segir raunar að að-
sókn hafi verið ágæt um helgar í vet-
ur. Margir hafa farið í skíðaferðir til
Akureyrar og sótt ýmsa aðra við-
burði þar. Lítið hafi hins vegar verið
að gera á hótelunum í miðri viku,
eins og venjulega á þessum árstíma.
Umferðin sem fylgdi millilandaflug-
inu var því kærkomin búbót, þótt
hún stæði stutt. Áhafnir flugvélanna
og starfsmenn við afgreiðsluna
þurftu gistingu. Eitthvað var um að
flugfarþegar gistu á hótelum en
flestum stóð til boða að taka rútu til
Reykjavíkur. „Öll viðskipti eru vel
þegin,“ segir Hrafnhildur.
Vantar stærri flugstöð
Hún segir gott að hægt hafi verið
að bjarga millilandafluginu með
þessum flugvelli. „Þetta hefur sýnt
okkur og vonandi öðrum að við höf-
um það sem til þarf enda hefur verið
beint flug hingað. Það kom einnig
skýrt í ljós að okkur vantar stærri
flugstöð,“ segir Hrafnhildur.
helgi@mbl.is
Morgunblaðið/Skapti Hallgrímsson
Annir Mikið var um að vera á Akur-
eyrarflugvelli um tíma.
Óvæntum annatíma lokið
á hótelum Akureyrar
 Hótelin hýstu flugáhafnir og annað starfsfólk flugfélaga