Fréttablaðið - 05.10.2011, Blaðsíða 6

5. október 2011 MIÐVIKUDAGUR6
20% afslátturaf Biomega vítamínum
Fimmtudaginn 6. október kl. 12-14
Hátíðasalur Háskóla Íslands
Í boði Viðskiptafræðideildar
Þórhallur Guðlaugsson, dósent við Viðskiptafræðideild gerir grein
fyrir þeim forsendum sem þurfa að vera til staðar þegar byggja á upp
markaðsdrifið fyrirtæki.
Friðrik Eysteinsson, aðjunkt við Viðskiptafræðideild mun fjalla um
markaðslega færni og þátt hennar í frammistöðu fyrirtækja.
Frosti Jónsson, markaðs- og birtingaráðgjafi hjá Birtinghúsinu fjallar
um samfélagsmiðla og hvort þau fyrirtæki sem ekki eru að nota þá í
markaðsstarfi sínu séu að fara á mis við tækifæri.
Allir velkomnir, aðgangur ókeypis
Markaðsfræðin í fortíð, nútíð
og framtíð
FÉLAGSVÍSINDASVIÐ
1911-2011
FÉLAGSVÍSINDASVIÐ
HÁSKÓLI ÍSLANDS
Þórhallur Friðrik Frosti
Nú er hægt að fá fetaost sem kubb í saltvatni. Gott
er að nota ostinn í salöt, samlokur, grænmetisrétti
og á pítsuna. Ljúffengar uppskriftir með fetaosti
er að finna á www.gottimatinn.is
TOLLAMÁL Í alþjóðlegri aðgerð
gegn sölu á fölsuðum og ólögleg-
um lyfjum á netinu sem tollgæsl-
an á Íslandi tók þátt í, lagði hún
hald á tæplega 8.000 töflur.
Aðgerðinni sem var alþjóðleg
og mjög viðamikil lauk nýlega.
Hún var skipulögð af WCO og
Interpol og stóð hún yfir dagana
20. til 27. september.
Þessi aðgerð er sú stærsta sem
skipulögð hefur verið af þessu
tagi og tók 81 land þátt í henni. Í
aðgerðinni var meðal annars lagt
hald á um það bil 8.000 sendingar
og 2,4 milljónir taflna voru gerð-
ar upptækar. Jafnframt var um
það bil 13.500 sölusíðum lokað í
framhaldinu.
Meðal þeirra lyfja sem gerð
voru upptæk voru fúkkalyf,
krabbameinslyf, þunglyndislyf,
flogaveikislyf, megrunarlyf og
fæðubótarefni.
Fjölmargir voru handteknir í
tengslum við aðgerðina, ýmist
fyrir framleiðslu, sölu eða
dreifingu á efnunum. - jss
Aðgerðir gegn fölsuðum og ólöglegum lyfjum á netinu:
Tollurinn tók átta þúsund töflur
ÓLÖGLEG LYF Viðamikilli, alþjóðlegri
aðgerð gegn ólöglegum lyfjum á netinu
er nýlokið.
VIÐSKIPTI Endurheimtur úr þrotabúi
Björgólfs Guðmundssonar munu
að hámarki nema 0,65 prósent-
um af kröfum, samkvæmt Sveini
Sveinssyni, skiptastjóra búsins.
Þetta kemur fram í stefnu á
hendur fyrrverandi bankastjór-
um Landsbankans sem þingfest
var í Héraðsdómi Reykjavíkur
í síðustu viku, þar sem þeir eru
krafðir um hátt í þrjátíu milljarða
í skaðabætur.
Tveir fyrrverandi auðmenn
hafa verið lýstir gjaldþrota eftir
bankahrun. Gjaldþrot Björgólfs
er langstærsta gjaldþrot einstak-
lings í sögu Íslands og eitt stærsta
í heiminum. Kröfur í búið nema
tæpum 101,4 milljörðum króna.
Það næststærsta var þrot Magnús-
ar Þorsteinssonar, viðskiptafélaga
Björgólfs. Það nam 930 milljónum.
Upp í þessa 101,4 milljarða munu
mest fást fjórar milljónir evra,
að því er segir í stefnunni. Í dag
samsvarar sú upphæð ríflega 630
milljónum króna, innan við 0,65
prósentum af kröfum. Þar er um
bankainnistæðu í Lúxemborg að
ræða.
Jafnframt kemur fram
í stefnunni að afskap-
lega lítið muni fást upp
í kröfur í bú tveggja
eignarhaldsfélaga sem
voru að stærstum hluta
í eigu Björgólfs; Fjár-
festingarfélagsins Grett-
is, sem meðal ann-
ars átti
megnið
í Eim-
skipi,
og
Grettis eignarhaldsfélags,
sem meðal annars átti
stærstan hlut í Straumi.
Kröfur í bú hvors félags
um sig nema rúmum 33,5
milljörðum en heimtur úr
þeim verða í heild líklega
ekki hærri en 733 milljónir,
um eitt prósent krafna. - sh
Fjórar milljónir evra á reikningi í Lúxemborg allt og sumt sem fæst upp í 101,4 milljarða kröfur:
Heimtur úr búi Björgólfs verða mest 0,65%
BJÖRGÓLFUR GUÐMUNDS-
SON Mat eignir sínar
í góðærinu á um
143 milljarða króna.
FRÉTTABLAÐIÐ/ÓMAR V.
NEYTENDUR Knattspyrnuáhuga-
fólki á að vera frjálst að skipta
við útsendingaraðila utan heima-
lands síns til að sjá leiki í ensku
úrvalsdeildinni í fótbolta. Evr-
ópudómstóllinn úrskurðaði í gær
að hömlur á slíku gengju í ber-
högg við lög Evrópusambands-
ins um óheft flæði á sölu vöru og
þjónustu.
Úrskurðurinn gæti haft áhrif
hér á landi, þar sem Ísland er
aðili að Evrópska efnahagssvæð-
inu. 365, móðurfélag Fréttablaðs-
ins, hefur sýningarrétt á enska
boltanum og fleiri keppnum á
Íslandi.
Jóhannes Gunnarsson, formað-
ur Neytendasamtakanna, segir í
samtali við Fréttablaðið að í þess-
um úrskurði séu góðar fréttir
fyrir íslenska neytendur.
„Fljótt á litið held ég að við
hljótum að falla undir þetta sem
hluti af EES og frjálsu flæði
vöru og þjónustu, þannig að ég
geri mér vonir um að þetta muni
skerpa á samkeppninni hér.“
Jóhannes
segir þó að enn
eigi eftir að
fara ítarlega
yfir úrskurðinn
og málið muni
skýrast á næst-
unni. Hann sé
þó vongóður.
„Virk sam-
keppni er í raun
eina trygging
neytenda fyrir því að verð á vöru
og þjónustu sé sem hagstæðast. Ef
neytendum stendur það til boða að
gera betri kaup en í dag hljótum
við að fagna því.“
Snæbjörn Steingrímsson, fram-
kvæmdastjóri Samtaka myndrétt-
hafa á Íslandi (SMÁÍS), segir hins
vegar að málið sé ekki eins einfalt
og það gæti sýnst í upphafi.
„Ég held að fólk geri sér ekki
grein fyrir að þetta geti stofn-
að til mikillar einokunar ef einn
aðili kaupir réttinn að Evrópu í
heild sinni. Það verður ekki endi-
lega eitthvert svaka frelsi og sam-
keppni. Það gæti jafnvel orðið
þannig að sýningarrétturinn yrði
svo dýr að einungis stórfyrirtæki
gætu staðið undir því.“
Ari Edwald, forstjóri 365, seg-
ist ekki búast við því að þessi
úrskurður hafi mikil áhrif á
félagið til skemmri tíma litið.
„Þetta er álit Evrópudómstóls-
ins og ekki enn orðið að dóms-
niðurstöðu í Bretlandi. Ef við
gerum ráð fyrir að þróunin verði í
þessa átt getur þetta sjálfsagt haft
einhver áhrif á komandi árum en
þau verða varla mikil eða snögg.
Veruleikinn er sá að við búum
þegar við samkeppni frá aðilum
eins og Sky og við höfum staðið
okkur vel þar. Okkar verð er lægra
en það sem erlendu aðilarnir bjóða
upp á, jafnvel þó að við sýnum mun
fleiri leiki í beinni útsendingu.
Svo vil ég ætla að flestir íslenskir
knattspyrnuáhugamenn vilji hafa
íslenska þuli, þætti og umfjöll-
un um enska boltann, þannig að
ég á ekki von á neinum snöggum
umskiptum.“ thorgils@frettabladid.is
Boltadómurinn gæti
haft áhrif á Íslandi
Evrópudómstóllinn úrskurðar að leyfilegt sé að selja áskrift að enska boltanum
milli landa. Neytendasamtökin vonast eftir að samkeppni aukist. Forstjóri 365
segir nokkra samkeppni þegar ríkja og væntir ekki mikilla umskipta næstu ár.
ARI EDWALD
ALLTAF Í BOLTANUM Úrskurður Evrópudómstólsins kveður á um að ekki megi banna kaup á áskriftum á enska boltanum milli
landa. Neytendasamtökin fagna aukinni samkeppni á þessu sviði, en forstjóri 365 segist ekki búast við miklum umskiptum.
FRÉTTABLAÐIÐ/VALLI
KJÖRKASSINN
Sóttir þú einhverjar sýningar á
RIFF-kvikmyndahátíðinni?
Já 4,1%
Nei 95,9%
SPURNING DAGSINS Í DAG
Fylgdist þú með stefnuræðu for-
sætisráðherra á mánudag?
Segðu þína skoðun á vísir.is.