Fréttablaðið - 13.10.2011, Síða 36

Þú varðst ekki vinsæll á einni
nóttu, þetta er púl, ekki satt?
„Það er einmitt málið. Ég
byrjaði 2002 að koma fram sem
Mugison. Þá tók ég tónleika á
Akranesi og það mættu sjö. Ég
var á Akureyri, Egilsstöðum,
Ísafirði. Ég byrjaði strax að fara
hringinn. Fyrstu tvö árin var
mætingin frá engum upp í 15. Svo
fór fleira fólk að koma. Fór úr sjö í
15, 15 upp í 30 og svo tvöfaldaðist
það yfirleitt. Nema ef ég spilaði á
slæmum tónleikum, var of fullur
eða lasinn. Þá fækkaði aftur um
helming.“
Mugison segir að allt taki sinn
tíma og rifjar upp fyrstu árin.
„Mér fannst ég vera með sjúklega
gott efni og hélt tíu tónleika á
Gauknum eða Grand Rokki. Það
kom enginn. Bara pabbi og Pétur
Ben. Ég hugsaði: „Djöfullinn! Það
er ekkert að gerast. Á ég að fara
og skrá mig í háskólann?“ Það
lenda flestir í þessu, þetta hefur
svo mikil áhrif á egóið í manni
þegar það mæta svona fáir. En
það tekur tíma að búa til skel.
Maður þarf alltaf að hafa gaman
af gigginu, sama þótt það séu
tveir eða tvö þúsund. Svo ég
hljómi eins og sjálfshjálparbók,
þá verður maður alltaf að gera
sitt besta. Sama hvar maður er og
hverjir eru mættir. Ég oft lent í því
að spila fyrir tvo, en annar þeirra
hafi reynst mér sjúklega vel. Verið
tónleikabókari, plötubúðarstarfs-
maður eða unnið fyrir tímarit. Það
skiptir rosalega miklu máli að gefa
alltaf allt í draslið.“
Stingum af hefur verið eitt af
vinsælustu lögum landsins síðustu
vikur. Lagið er spilað á X-inu jafnt
sem á Bylgjunni og virðist höfða
til allra. Mugison var á tímabili
orðinn að einhvers konar rokk-
skrímsli en sú hlið er víðs fjarri á
nýju plötunni og á ferðalagi sínu
um landið hefur hann tekið eftir
að áhorfendahópurinn breytist
með tónlistinni.
„Það sem er í gangi á hverjum
tíma hefur geðveik áhrif. Þegar
Mugimama sló nett í gegn hérna
heima mætti mikið af tónlistar-
fólki og músíknördum, fyrst um
sinn. Svo fór þetta að vera blanda
af ungu fólki, 17 til 30 ára. Þegar
Mugiboogie kom út hvarf eigin-
lega kvenþjóðin. Það var bara
rokk og sviti og ég fékk karla á
öllum aldri — helvíti hressa sem
vildu bara pungarokk. Núna hefur
orðið skemmtileg breyting á, því
rúmur helmingur er konur. Það eru
vinkonuhópar að koma á giggin.
Svona 25 til 65 ára gamlar skvísur,
sem er alveg sjúklega gaman
að spila fyrir því þær hlusta vel.
Það er gaman því pungakarlarnir
áttu stundum til að vera búnir að
fá sér aðeins of mikið í tána og
koma á gigg heldur hressir. Það
kom ekki oft fyrir, en það kom
fyrir. Það er gaman að hópurinn
er alltaf að breytast.“
4 •
POPPSKÚRINN
Horfðu á
Mugison
flytja
Stingum af
og fleiri lög í
Poppskúrnum
á Vísi.is.
HERRA ÍSLAND
Mugison er viðkunnanlegasti tónlistarmaður
landsins, kann ekki að gefa út lélegar plötur
og fyllir tónleikastaði um allt land. Oft. Hann
er herra Ísland og gleðst yfir því að eldri
konur séu byrjaðar að mæta aftur á tón-
leikana hans, en þær vildu ekki sjá pung-
sveitt rokkið af plötunni Mugiboogie. Nýja
platan Haglél er ljúfsár og angurvær og er
mest selda plata landsins um þessar mundir.
Mugison er með nýja plötu í
bígerð sem hann hyggst taka
með sér til Evrópu á næsta ári.
MUGISON Á AIRWAVES:
KEX (OFF VENUE) KLUKKAN 17 Á FIMMTUDAG.
HARPA NORÐURLJÓS KLUKKAN 21.40 Á FÖSTUDAGINN
Þá er hann væntanlegur til Hafnarfjarðar, Þorlákshafnar, Akra-
ness, Keflavíkur, Húsavíkur, Egilsstaða, Neskaupstaðar, Hafnar í
Hornafirði, Bjarnarfjarðar, Ísafjarðar, Patreksfjarðar og Styk-
kishólms. Upplýsingar á Facebook.
Framhald á síðu 6
GÓÐ RÁÐ FRÁ MUGISON: VAKNA OG DRULLA SÉR Í DRASLIÐ
1 „Allt er þetta vinna. Maður þarf að drulla sér á fætur og gera
hlutina. Það hjálpar eiginlega ekki
neitt að hanga og tala. Það hefur
haft meiri áhrif á mig en nokkuð
annað þegar ég heyrði Einar Örn
Sykurmola segja: „Það skiptir
ekki máli hvað þú getur, heldur
hvað þú gerir.“ Það var eins og
fyrir ofsatrúarmann að uppgötva
Biblíuna. Mér finnst ég vera fínt
dæmi um þetta. Ég er eiginlega
ekki góður hljóðfæraleikari eða
lagahöfundur, en ég geri og geri
og geri. Sumt af því er gott, finnst
mér. Eða getur orðið gott. Það er
algjörlega númer eitt: Að gera.
Vakna á morgnana og drulla sér í
draslið.“
2„Ekki vera með fyrirfram ákveðnar hugmyndir um fólk.
Þá á ég við, að þegar maður er
að spila músík þá á ekki að skipta
máli hvort það eru leikskóla-
krakkar, framhaldsskólakrakkar,
ofsatrúarsöfnuðir eða bankamenn.
Ég hef sjálfur lent í því að langa
að fá athygli hjá strákunum í
Trabant og krúttkynslóðinni. Svo
þegar ég var beðinn um að spila
fyrir opnun búðar einhvers staðar
fyrir 100 þúsund kall, þá fannst
mér það svo sjúklega erfitt því
það var ekki minn hópur. Davíð
Þór [hljómborðsleikari] sló mig
einu sinni utan undir og sagði
að ég væri snobbhálfviti. Hann
spurði hvort ég væri að spila fyrir
stéttir eða fólk. Mér fannst það
holl lexía.“
3 „Ekki vera með stæla við ljósa- eða hljóðmenn eða tónleika-
bókara. Það er ótrúlega algengt
að hljómsveitir, sérstaklega ungar,
setji sig á stall og finnist eitt-
hvað fáránlegt. Ég gerði það fyrst
þegar ég spilaði á Airwaves. Þeir
bókuðu mig á skítastað klukkan
fimm. Ég var að kvarta ógeðslega
mikið yfir hljóðkerfinu, staðnum
og tímasetningunni. En svo kom
á daginn að það var ótrúlega
snjallt hjá þeim að setja mig
klukkan fimm þegar ekkert annað
var í gangi. Það komu ógeðslega
margir blaðamenn og ég græddi
sjúklega á þessu.“
klukkutímar af tónlist
300
E
N
N
E
M
M
/
S
ÍA
/
N
M
4
8
5
7
4
Náðu í appið og
upplifðu Airwaves
með okkur
m.siminn.is
Tónlist
Viltu vinna miða?
Kíktu á Tónlist.is
Björk í Hörpu
7. nóvember.