Fréttablaðið - 28.11.2011, Blaðsíða 46
28. nóvember 2011 MÁNUDAGUR26
MORGUNMATURINN
Harðkjarnasveitin Mínus kom fram
á einum tónleikum í tengslum við
rokkhátíð sem haldin var í St.
Péturs borg í Rússlandi nú á dögun-
um. Mínus var eina erlenda sveit-
in sem kom fram á hátíðinni og
að sögn Krumma Björgvinssonar,
söngvara sveitarinnar, var ferðin
stórskemmtileg frá upphafi til loka.
Krummi segir þjóðlagatón-
list og popp tvær vinsælustu tón-
listarstefnurnar í Rússlandi og að
með hátíðinni vildu aðstandendur
hennar vekja athygli almennings
á rokktónlist. „Það mætti segja að
við höfum farið út í pílagrímsför til
að berjast fyrir rússnesku rokki,“
segir Krummi.
Tónleikarnir fóru fram á leik-
vangi í borginni sem rúmar allt
að tíu þúsund manns og var höllin
nánast full er Mínus-menn stigu
á svið. „Við vorum næstsíðastir á
svið og höllin var þá orðin troð-
full af fólki sem virtist skemmta
sér vel. Það var gríðarlega mik-
ill munur á okkar tónlist og þeirri
sem rússnesku sveitirnar voru að
spila, það var oft einhver þjóðlegur
hljómur hjá þeim sem finnst ekki
hjá okkur.“
Meðlimir Mínuss komu síðast
saman á Iceland Airwaves árið
2010 og tóku því nokkra daga
saman þar sem þeir æfðu sig
fyrir tónleikana. Tímann á milli
æfinga notuðu þeir til að skoða sig
um í borginni sem Krummi segir
skemmtilega og stórbrotna. „Það
tala fáir ensku þarna þannig að
við áttum oft erfitt með að koma
okkur á milli staða en náðum þó
alltaf að bjarga okkur á einhvern
hátt. Við eyddum miklum tíma í
neðanjarðarlestinni, sem var alltaf
troðin af fólki, því leigubílar voru
allir ómerktir. Maður stóð bara við
götubrúnina og rétti út höndina og
þá stoppaði oftast einhver bíll en
þú vissir aldrei við hverju mátti
búast. En fólk var almennt mjög
hjálpsamt og frábært.“
Inntur eftir því hvort hart hafi
verið tekið á því í Rússlandi svarar
Krummi neitandi. „Við höfum allir
fullorðnast. Ég náði að lesa tvær
bækur á fimm dögum og fór oft-
ast snemma að sofa. Maður þarf að
fara vel með sig og röddina, þegar
maður var ungur gat maður leyft
sér ýmislegt en það er liðin tíð og
aðrir og skemmtilegri teknir við.“
Mínus lauk nýverið við upptök-
ur á efni á nýja hljómplötu sem
væntanleg er í verslanir í byrj-
un næsta árs og að sögn Krumma
geta aðdáendur þeirra búist við
sama harðkjarnarokkinu nema með
nýjum blæ.
HLJÓMSVEITIN MÍNUS: HÉLT TÓNLEIKA Í RÚSSLANDI
Barðist fyrir rokkinu
BERJAST FYRIR ROKKINU Harðkjarnasveitin Mínus kom fram á einum tónleikum í Rússlandi nú á dögunum. Að sögn Krumma
Björgvinssonar fóru þeir félagar í pílagrímsför til landsins til að berjast fyrir rokkinu. FRÉTTABLAÐIÐ/VILHELM
„Þetta er auðvitað bara rakið lög-
brot og ég get örugglega fengið
Pétur Jóhann í lið með mér. Eggert
Þorleifsson er örugglega líka reiðu-
búinn til að leggja mér lið,“ grínast
kvikmyndagerðarmaðurinn Ólaf-
ur Jóhannesson. Það vakti mikla
athygli þegar menntamálaráðherra
og iðnaðarráðherra kynntu í Frétta-
blaðinu „Stóra planið“ en svo nefnd-
ust tillögur þeirra til uppbyggingar
íslenskrar kvikmyndagerðar eftir
erfið ár í kjölfar bankahrunsins.
Hvort það er tilviljun eður ei þá
er Stóra planið einnig nafn á kvik-
mynd Ólafs sem frumsýnd var fyrir
þremur árum. Ólafur er stoltur af
þessari nafnagift hjá ráðherrunum
tveim og segir þetta heiður fyrir
sig. „Þetta er mjög skemmtilegt og
ég verð að senda þeim dvd-diskinn
með myndinni ef þær hafa ekki séð
hana.“
Ólafur var nýlentur á Keflavík-
urflugvelli þegar Fréttablaðið náði
tali af honum en hann var að koma
heim frá Los Angeles. „Þetta var
bara þriggja vikna fundaherferð
og ég sat svona fimm fundi á dag.
Í Los Angeles er hins vegar sjötíu
og fimm prósent af öllu sem sagt er
bara innantómt loft og maður hefur
líka bara lært það.“ Ólafur var
líka að fylgja eftir endurgerðinni á
kvikmyndinni Borgríki. Hann hitti
meðal annars leikstjórann James
Mangold, framleiðendurna og lög-
fræðingateymi þeirra en Mangold,
sem leikstýrði Johnny Cash-mynd-
inni Walk the Line, hefur hug á því
að endurgera íslensku spennumynd-
ina. „Þetta er bara allt í vinnslu og
mér leist bara mjög vel á hann,
þetta er fínn gæi,“ segir Ólafur. - fgg
Ólafur á fundi með Mangold
STOLTUR Ólafur Jóhannesson er stoltur
af því að ráðherrarnir tveir skuli hafa
kallað tillögur sínar Stóra planið. Ólafur
var í stífri fundaherferð í Los Angeles þar
sem hann átti meðal annars fund með
James Mangold.
„Á hverjum morgni skreiðist ég
á fætur, rista brauð og set fram
ost og sultu auk Nesquik-kaffi
og smá appelsínusafa, kveiki
á kertum og dreg svo konuna
mína á lappir. Það er notalegt.“
Svavar Knútur Kristinsson, tónlistarmaður.
Harper Collins, útgefandi Ólafs Jóhanns Ólafsson-
ar í Bandaríkjunum, lét prenta tvö þúsund
kynningareintök af nýjustu bók rithöfund-
arins, Málverkinu. Eintökunum er dreift
til fjölmiðla og blaðamanna, eigenda bóka-
búða og annarra sem málið varðar en
eftir því sem Fréttablaðið kemst næst er
þetta töluverður fjöldi en til samanburður
má geta þess að meðalupplagið að íslenskri
bók er tvö þúsund eintök.
Ólafur sjálfur vildi hins vegar ekki
tjá sig mikið um þetta mál þegar
Fréttablaðið leitaði eftir því, stað-
festi hins vegar að talan væri
rétt. „Ég var sjálfur mjög hissa
þegar ég heyrði þennan fjölda,“
segir Ólafur. Hins vegar mátti
litlu muna að Málverkið kæmi
ekki út hér á landi fyrr en árið
2012 þar sem ákvæði í útgáfu-
samningi Ólafs við Harper Coll-
ins kvað á um að þeir yrðu allt-
af fyrstir með útgáfuna.
„Ég var nú ekkert að rýna mikið í þetta ákvæði á
sínum tíma enda, þegar ég skrifaði undir samn-
inginn, þá leit nú út fyrir að ég yrði búinn með
bókina og að hún kæmi út á svipuðum tíma í
Ameríku og heima,“ segir Ólafur. En skrifin
drógust á langinn og verkinu seinkaði. „Og
þar sem undirbúningurinn hérna úti er miklu
þyngri í vöfum en heima þá leit allt út fyrir að
bókin kæmi út í febrúar hérna úti og þá á sama
tíma á Íslandi. Og það gefur enginn
heilvita maður á Íslandi svona bók út
á þeim tíma þannig að jólin 2012 voru
næst inni í myndinni. En þetta gekk
í gegn, enda hefði það verið skrýtin
staða ef bókin hefði komið út fyrst
í Bandaríkjunum og svona miklu
seinna á Íslandi.“ - fgg
Tvö þúsund kynningareintök
MIKIL EFTIRVÆNTING Forlagið Harper
Collins hefur mikla trú á Ólafi Jóhanni
og lét prenta tvö þúsund kynningarein-
tök af nýjust bók hans, Málverkinu.
FRÉTTABLAÐIÐ/PJETUR